Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.
Ҳар қандай қўрқув сенга ғам келтирса, Аллоҳ таолодан бўлган қўрқув сенга икки жаннатни олиб келади. Зеро У Зот Қуръони Каримда: “Роббиси ҳузурида туришдан қўрққанлар учун икки жаннат бор” деган.
“Ҳаётнинг нариги юзи”
*****
Кимда ким табассум қилишга сабаб топа олмаётган бўлса, кўзларини бир неча сонияга юмсин-да, кейин очиб, ҳамма нарсани кўра оладиган кўзининг нури табассум қилиш учун улкан сабаблардан бири эканини англаб етсин!
“Ҳаётнинг нариги юзи”
*****
Кўпинча сен эшитишни истамаётган насиҳат аслида сен эшитишинг керак бўлган насиҳатдир!
“Тарих муҳрлаган сўзлар”
*****
Ишим орқага кетганда йўқ бўлиб қолган бўлсанг, ишим ўнгидан келганда олдимга келишни ўйламай қўявер!
“Тарих муҳрлаган сўзлар”
*****
Ҳар бир одамнинг бошқа инсонлар билмайдиган яширин ғамлари бўлади. Кўпинча биз ундай инсонларни совуққон деймиз. Аслида эса уларнинг ичлари аламдан, оғриқдан қайнаётган бўлади.
“Тарих муҳрлаган сўзлар”
*****
Ортингдан гапирадилар. Чунки улар чиндан ҳам сендан орқада-да!
“Тарих муҳрлаган сўзлар”
*****
Интернет материалларидан тўплаб, таржима қилувчи
Нозимжон Иминжонов
