— Нос чекадиган кишига иқтидо қилса бўладими? Агар шароит ўша кишига иқтидо қилишни тақозо этса, кейин намозни қайтадан ўқиб олиш керак-ми ёки йўқ-ми?
— Сиз айтган одамга чекишни ташлашни таклиф қилиш керак. “Шарҳи ақийдатут Тоҳавия” китобида қуйидагилар келган: “Пайғамбаримиз соллаллоҳу алайҳи васаллам: “Ҳар бир яхши ва фожир (гуноҳ қилувчи) ортидан намоз ўқийверинглар”, деганлар (Имом Дора Қутний ривояти).
“Саҳиҳи Бухорий”да Абдуллоҳ ибн Умар ва Анас ибн Молик розияллоҳу анҳулар Ҳажжож ибн Юсуф Сақафий ортидан намоз ўқиганлари ривоят қилинган. Ҳажжож фосиқ ва золим бўлган кўпчиликка маълум ва машҳур.
Муҳаммад Айюб ҲОМИДОВ
