— Ўтган йили онам рўза тутдилар, бироқ соғлиғи ёмонлашиб, озгина қолганда очиб юбордилар. Бу йил ҳам рўза тутишни бошладилар, лекин яна соғлиғи яхшимас. Мен тутманг, десам гуноҳ бўлмайдими? Яъни рўза тутишдан қайтарсам бўладими?
— Бисмиллаҳир Роҳманир Роҳим. Аллоҳ таоло беморлар ва мусофирларга енгиллик берган. Бемор одам агар рўза тутса, касали кучаядиган ёки тузалиши ортга суриладиган бўлса, рўза тутмасдан, тузалганидан кейин тутмаган кунларининг қазосини тутиб беради. Борди-ю, сурункали касал бўлиб, тузалиш умиди бўлмаса, фидя беради.
Муҳаммад Айюб ҲОМИДОВ
