— Ҳозирги кунда аёллар ҳомиладор бўлишдан аввал шифокорларга учраб, турли тақвимлар орқали ҳисоблатиб, бола жинсини аниқлатиб ўғилга тўғри келишини тахминлаб ҳаракат қилишади. Бу қанчалик тўғри? Ахир Қуръонда фарзандни Аллоҳ бериши ҳақида оят бор-ку! Шундай тақвимларга ишониш мумкин-ми?

— Дарҳақиқат бешта ғайб нарсанинг илмини фақат Аллоҳ билиши Қуръон ва ҳадисларда баён қилинган. Боланинг жинсини танлаш учун қилинадиган ҳаракатлар сабаблар доирасидаги ишлардан бўлиб, шариатимиз унга рухсат берган. Юқорида айтилганидек, тақвимларга роса амал қилиб ҳаракат қилганларнинг ҳаммаси ҳам мақсадга эришавермаслигини эшитамиз. Шундай экан, қандай жинсдаги фарзандни бериш Аллоҳнинг хоҳишига ҳаволадир.

Муҳаммад Айюб ҲОМИДОВ