— Эснаган пайтимизда нима учун қўл билан оғиз беркитилади? Бунга динимизда асос бор-ми?

— Абу Ҳурайра розияллоҳу анҳудан ривоят қилинади. Расулуллоҳ соллоллоҳу алайҳи васаллам: “Акса уриш Аллоҳ таолодан, эснаш эса шайтондандир. Шунга кўра, бирортангиз эснаса, қўлини оғзига қўйсин. Чунки (эснаган пайтда): “ооҳ, ооҳ” деса, шайтон унинг ичида кулади. Аллоҳ таоло акса уришни яхши кўради, эснашни ёмон кўради”, дедилар (Имом Термизий ривояти).

Эснаш малолланишдан юзага келиб, дангасаликка сабаб бўлади. Бундай ҳолатда шайтон уни йўлдан оздириши осон бўлади. Баъзи уламолар шайтон васваса қилиш учун оғзидан кириб олади, деганлар. Валлоҳу аълам!

Муҳаммад Айюб ҲОМИДОВ