Мақолалар

Таҳоратнинг 4 тури
  1. Зоҳирий таҳорат.
  2. Ботиний таҳорат.
  3. Дил таҳорати.
  4. Сир таҳорати.

 

Зоҳирий таҳорат хосга ҳам, омга ҳам маълумдир. Лекин имкон қадар сувнинг пок-ҳалоллигига эътибор бериш керак. Шунингдек, кийимнинг пок бўлиши ҳақида ҳам кўп талаб мавжуд.

 

Ботиний таҳорат – ҳаром луқма ва ичимликлардан сақланиш. Расулуллоҳ саллаллоҳу алайҳи васаллам: Бир банда ҳаром луқмани қоринга ташласа, унинг қирқ кунгача амали қабул қилинмайди, деганлар.

 

Дил таҳорати – номақбул хислату сифатлардан, гинаю кудурат, кўролмаслигу ҳасад, макру хиёнат, душманлигу адоват, зоҳирий дунёга муҳаббат, ўзини кўз-кўз қилишдан сақланиш бўлиб, шулардан покланмаган кимсанинг тоату намози қабул бўлмайди, бундай киши илоҳий ишқу муҳаббат деган буюк неъматга мушарраф бўлолмайди.

 

Сир таҳорати – қалбни Ҳақ субҳонаҳу ва таолодан бошқага таважжуҳ қилишдан (юзланишдан) покламоқ.

 

Ҳомиджон домла Ишматбеков,

Ўзбекистон мусулмонлари идораси раисининг биринчи ўринбосари.

462 марта ўқилди

Мақолалар

Top