Саволларга Ўзбекистон мусулмонлари идораси Фатво ҳайъати жавоб беради.

Савол: Аёлим билан ётоқда гап талашиб қолгандик. Иссиқ сув йўқ эди. Челакда сувни газга сан қўй, ман қўйдан келиб чиққан ҳазил ўзимга душман бўлди. Ҳазиллашиб (ҳазилим чинга айланди) бошқасига уйланиб оламан. У айтган заҳотим қўйиб юборади дегандим. Ўзи бундан икки ой олдин Исломда тўрттагача рухсат берилган дегандим. Унга пайғамбаримиз ва Амир Темур ҳаётидан мисоллар келтиргандим ва у аразлаб отасининг уйига кетиб қолди. У маънавий эзилган эмиш. Мен нима қилишни билмай қолдим. Маслаҳат беринг.

Жавоб: Ва алайкум ассалом. Агар яшамоқчи бўлсангиз бориб хотинингизни олиб келинг.

Савол: Ассалому алайкум ҳурматли устозлар! Саволим шундан иборатки мени 3 нафар фарзандим бор. Каттаси 3,5 кичиклари 2 ёшда. 5 маҳал намоз ўқийман. Фарзандларим жудаям ёш бўлишганлиги сабабли баъзида қайта-қайта тайинласам ҳам намоз ўқиётганимда баъзан йиғлаб, баъзан ўйнаб кириб келишади. Уларга кўз, юз ишоралари билан “ўтир” ёки “жим” деган ишорани қилмагунимча жим бўлишмайди. Баъзан сал қўл бармоқларим билан ҳам “ўтир” ишорасини қиламан. Шундан сўнг ёнимда жим ўтиришади. Айтингчи шундай ҳолатларда намоз бузиладими?

Жавоб: Ва алайкум ассалом. Сиз фарзандларингизнинг ишларига эътибор қаратманг. Сизнинг бу ишларингиз намозингизни бузилишига сабаб бўлиши мумкин.

Савол: Ассалому алайкум. Машинага Барселона футбол клубини сувенир оёқ кийимчаси осилган гап шундаки бу футбол клуби байроғида крест (хоч) белгиси бор экан яъни насронийларнинг диний белгиси бор экан. Буни тақиб юриш мумкин эмасми ёки шунчаки оддий сувенир қилиб олиб юриш мумкинми?

Жавоб: Ва алайкум ассалом.Бу каби нарсаларни эъзозлаб олиб юриш мумкин эмас.

Барча жавобларга ўтиш