muslim.uz
Пир Ҳасиб ур-Раҳмон: Ўзбекистонда Ислом дунёсига намуна бўладиган ислоҳотлар қилинмоқда
Ўзбекистоннинг Покистондаги зиёрат туризми элчиси Пир Ҳасиб ур-Раҳмон «Дунё» АА учун берган интервьюда сўнгги йилларда Ўзбекистонда бой диний-маънавий меросни ўрганиш, мамлакатда яшаётган турли миллат вакилларининг миллий ва диний қадриятларини асраб-авайлаш бўйича ислоҳотларни эътироф этди.
– Бугун Ўзбекистон ва Покистон ўзаро алоқаларни ҳар томонлама ривожлантирмоқда. Уларни узоқ тарихга эга ришталар боғлаб турибди, – деди Пир Ҳасиб ур-Раҳмон. – Ўзбекистон халқига энг эзгу тилакларимни изҳор етишдан беҳад мамнунман. Икки қардош давлат ўртасидаги алоқаларни янада ривожлантириш учун дуо қиламан.
Ўзбекистон Покистоннинг Марказий Осиёдаги асосий савдо ҳамкори ҳисобланади. Тошкент томонидан 2020 йилнинг июлида Исломободга пандемия пайтида кўрсатилган инсонпарварлик ёрдами фикримни яққол тасдиқлайди.
Президент Шавкат Мирзиёев раҳнамолигида республикада амалга оширилаётган ислоҳотлар, жумладан, сайёҳлик ва зиёрат туризми соҳасидаги вазифалар Покистондаги Нақшбандия тариқати издошлари томонидан юксак баҳоланмоқда.
Ўзбекистон туризм маскани сафатида зиёратчиларга нафақат Тошкент, Самарқанд, Бухоро, Хива шаҳарларида диққатга сазовор тарихий жойлар билан танишиш, балки ўзбек диёрини ислом маданияти ва цивилизацияси марказига айлантирган буюк мутафаккир ва алломалар меросидан баҳраманд бўлиш, ушбу бебаҳо бойликни ўрганиш учун қулай имконият тақдим қилмоқда.
Маълумки, Ўрта асрлар Ренессанси даврида бугунги Ўзбекистон заминидан Имом Бухорий, Имом Термизий, Баҳоуддин Нақшбандий ва бошқа кўплаб буюк мутафаккирлар, сўфийлар, олимлар, илоҳиётчилар етишиб чиққан. Улар ўз илмий-маърифий даҳоси билан, жумладан, Жанубий Осиё тамаддунига ҳам бевосита таъсир кўрсатган.
Бугунги кунда Ўзбекистон раҳбарияти бой маънавий-маърифий меросни, ислом уламоларининг илмий асарларини, шунингдек, диний бағрикенгликни чуқур ўрганиш ва оммалаштириш борасида изчил изланишларга қатъий даъват этмоқда.
Халқаро ислом академияси, Ислом цивилизацияси маркази, Дин ишлари бўйича қўмита, шунингдек, Имом Бухорий ва Имом Мотуридий илмий-тадқиқот марказлари ана шу мақсадларга хизмат қиляпти.
Мен Покистондаги Нақшбандия тариқати издошлари делегацияси таркибида Ўзбекистонга сафар қилиб, мамлакатдаги диний-маърифий илм-фан соҳасидаги катта ўзгариш ва янгиланишлар жараёни ҳамда халқаро Ислом академияси ва илмий марказлар қурилиши билан яқиндан танишиш шарафига муяссар бўлдим.
Таъкидлаш керакки, Покистон ислом мафкураси кенгаши, Дин ишлари ва ташқи ишлар вазирлиги Ўзбекистон исломий марказлари билан яқин ҳамкорлик қилишга тайёр.
Ўзбекистон Покистон каби сўфийлик анъаналари мамлакатидир. Ушбу заминда дунёга буюк ҳадисшунос ва илоҳиётчи олим Имом Бухорий, шунингдек, Ҳазрати Баҳоуддин Нақшбанд ва бошқа кўплаб буюк шахслар таваллуд топиб, вояга етган, ўзларидан бебаҳо мерос қолдирган.
Ишончим комилки, бу борадаги шерикликни ривожлантириш халқларимиз ўртасидаги ўзаро англашув ва дўстликни мустаҳкамлашнинг муҳим истиқболларини очиб беради.
Тўғридан-тўғри рейсларнинг қайта тикланиши Покистондаги Нақшбандия тариқати издошлари томонидан илиқ кутиб олинади. Чунки кўплаб муридларимиз Ўзбекистонга зиёратга боришни истайди. Бу имконият умумий имон, маданият, анъана ва тарих билан боғланган икки қардош халқни янада яқинлаштиради.
Ўзбекистон мусулмонлари идораси матбуот хизмати
Намоздан кейин оятул курсий ва тасбеҳнинг бидъат деяётганларга РАДДИЯ
Устоз Исҳоқжон домла БЕГМАТОВ
Даврий нашрларда: Ўттиз икки соқчиси бор, бироқ...
Тил – бебаҳо неъмат. Барча аъзолардан биттадан гуноҳ содир бўлса, тилдан бир нечта гуноҳ, яъни ғийбат, ёлғон, қасамхўрлик, чақимчилик, туҳмат, манманлик, ҳақорат, беҳаё сўкиниш ва ҳоказолар содир бўлади. Тилни асраш ҳақида жуда кўп оят ва ҳадислар келган. Уларга амал қилишни ҳар ким ҳам эплай олмайди. Бу борада улуғларимиз бизга ўрнак бўлганлар.
Улуғ олим, мударрис, мутасаввиф, хаттот, қори Абдураҳим Мадиёр Қурбонов Бухоро шаҳар “Тагбандбофон” масжидида мутавалли вазифасида бир неча йил ишлаган. У кишидан сўнг бу ишни ўғли, устоз Абдулбосит домланинг отаси Абдусамад Раҳимов давом эттирган.
Саид ибн Жубайрдан ривоят қилинади. Расулуллоҳ соллаллоҳу алайҳи ва саллам: «Одам фарзанди эрталаб уйқудан уйғонган пайтда жасадининг барча аъзолари уйғонади ва улар тилга айтишади: “Орамизда сен Аллоҳдан (кўпроқ) қўрқ! Чунки сен тўғри бўлсанг, биз тўғри бўламиз. Сен эгри йўлга кетсанг, биз ҳам эгри йўлга кетиб қоламиз, дейди”, дедилар» (Имом Термизий ривояти).
Умар ибн Хаттоб розий аллоҳу анҳу Абу Бакр Сиддиқ розий аллоҳу анҳунинг қўли билан тилини чўзаётганини кўриб: “Эй Расулуллоҳнинг халифаси, нима қиляпсиз?!” деб сўради. Шунда Абу Бакр Сиддиқ: «Бу мени кў п ҳалокатга етаклайди. Расулуллоҳ соллаллоҳу алай ҳи ва саллам: “Жасадда Аллоҳга шикоят қилмайдиган бирорта аъзо йўқ. Шулардан энг ғазабнок ва ўткири тилдир”, деганларини эшитганман», деди (Имом Абу Дунё ривояти).
Ҳазрат Хўжа Али Ромитаний айтади: “Тилни Худо яратди, уни оғизга зиндон қилди ҳамда ўттиз иккита соқчини қўйди”.
Саъдий Шерозий айтади:
Кимки андишасиз сўзласа жавоб,
Сўзи эътиборсиз, чекар изтироб.
Ё ўйлаб сўзлагил инсон мисоли,
Ё жим туравер ҳайвон мисоли.
Аллоҳ таоло мўминларни сифатлаб: «Улар беҳуда (сўз ва ишлар)дан юз ўгирувчидирлар», дейди (Мўминун сураси, 3-оят). Бесуяк тилни тарбиялаш учун улуғларимиз турли услубларни қўллашган. Абу Бакр Сиддиқ розийаллоҳу анҳу беҳуда гап гапирмаслик учун оғизларига тош солиб юрар экан.
Мустақим ИСОЕВ,
Шофиркон тумани “Қори Фазлиддин” масжиди имом-хатиби
Давра суҳбати ҳар томонлама фойдали ўтди (фотолавҳа)
ЎМИ матбуот хизмати
Қуръон ошиқлари (видео)
Тошкент вилояти
"Абу Бакр Сиддиқ" жоме масжиди
имом-хатиби Нурали домла Мавлонов
Мақолалар
