Ислом илмлари халқаро университети ҳанафий фиқҳи факультети декани, профессор Салоҳ Муҳаммад Солим Абул Ҳаж Ўзбекистон халқаро ислом академиясида меҳмон бўлди.

Ҳурматли меҳмон билан учрашувда Ўзбекистон халқаро ислом академияси ректори Уйғун Ғафуров, ректор маслаҳатчиси Ўткир Ҳасанбоев, проректорлар – Илёс Мирзиётов, Зоҳиджон Исломов, Зокиржон Рўзиев, Имом Мотуридий халқаро илмий-тадқиқот маркази директори Жамолиддин Каримов, Халқаро ҳамкорлик бўлими бошлиғи Баҳодир Хўжаев, профессор-ўқитувчилар ҳамда талабалар иштирок этди.

Салоҳ Муҳаммад Солим Абулҳож 1974 йили 24 июлда Иорданиянинг Уммон шаҳрида туғилган. 2002-йили Бағдод университетининг шариат факультетида ҳанафий фиқҳи бўйича докторлик даражасини олган. 2006 йили Иорданиядаги Балқо амалий университетининг усулуд дин факультетида ассистент (ёрдамчи устоз) вазифасини эгаллаган. 2016 йили Иорданиядаги Ислом илмлари университетидаги Шариат ва қонун факультетида профессор лавозимига тайинланган.

Олим Иорданиядаги шариат матнларини қадимий услубда ўргатишга ва фатволар беришга ихтисослашган “Анворул уламо” номли ўқув марказини ташкил этган.

Туркия, Фаластин, Ҳиндистон ва бошқа мамлакатларда ташкил этилган бир қанча конференцияларда иштирок этган ҳамда турли хорижий тилларга таржима қилинган кўплаб китоблар муаллифи ҳисобланади.

Учрашувда Академия вакиллари Салоҳ Муҳаммад Солим Абулҳожни юртимизда, хусусан, Ўзбекистон халқаро ислом академиясида кўриб турганидан мамнунлигини билдирди.

Шундан сўнг Академия ректори юртимизда диний-маърифий соҳада олиб борилаётган ўзгаришлар, ислоҳотлар жараёни ҳақида сўз юритди. Сўнгги йилларда ислом илм-фани ва маданиятининг бой тарихий, илмий, маънавий меросини ҳар томонлама ўрганиш, ислом динининг инсонпарварлик моҳиятини чуқур очиб беришда Ўзбекистон халқаро ислом академияси бошқа диний-таълим муассасалари орасида муҳим аҳамият касб этишини таъкидлади.

Суҳбат давомида Академия илмий салоҳияти, факультетлар ва улардаги таълим йўналишлари, талабаларга билим беришда ўзига хос ёндашувлар ҳақида маълумот берилди. Ўзбекистон халқаро ислом академиясида хассос соҳа – муқаддас ислом динини илмий нуқтайи назардан фундаментал тадқиқ этиш, улуғ алломаларимиз маънавий меросини қайта кашф этиш орқали дунё цивилизациясига муносиб ҳисса қўшадиган юксак салоҳиятли, рақобатбардош мутахассис кадрларни тайёрлашда тизимли ишлар амалга оширилаётгани эътироф этилди.

Самимий мулоқотда Салоҳ Муҳаммад Солим Абулҳож юқори даражадаги ҳурмат ва меҳмондўстлик учун Академия мутасаддиларига самимий миннатдорлик билдирди.

Ўзбекистонда Президент Шавкат Мирзиёев раҳбарлигида диний-маърифий соҳада амалга оширилаётган ислоҳотларга юқори баҳо берди. Бу замин азалдан йирик уламолар, мутафаккирлар юрти эканини эътироф этди.

Учрашув якунида ҳурматли меҳмонга эсдалик совғаси топширилди.

Ўзбекистон халқаро ислом академияси
Матбуот хизмати

Меҳмонхон Жабборов,
Жиззах вилояти бош имом-хатиби

Хабарингиз бор, жорий йилда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Халқаро мусулмон уламолар кенгаши аъзоси сифатида қабул қилинган эдилар.

Мир Араб мадрасасининг 500 йиллигига бағишлаб ўтказилган “Боқий Бухоронинг Ислом цивилизациясидаги ўрни” мавзусидаги халқаро анжуман доирасида Халқаро мусулмон уламолари кенгашининг Бош котиби, доктор Али Муҳйиддин Қорадоғий Ўзбекистон мусулмонлари идораси раиси, муфтий Шайх Нуриддин Холиқназар ҳазратларига мазкур нуфузли халқаро кенгашнинг сафига қўшилганларини тасдиқловчи аъзолик шаҳодатномасини тақдим этди.

Бош котиб шаҳодатномада қуйидагича тилакларни баён этган: “Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг Халқаро мусулмон уламолар кенгашига аъзо бўлганлари бизни ниҳоятда хурсанд этди. Халқаро мусулмон уламолари кенгаши сафига қўшилганингиз учун ўз ташаккуримизни изҳор этамиз. Келгусидаги фаолиятимизда Сизнинг фаол иштирок этишингизни интизорлик билан кутиб қоламиз”.

Аллоҳ таолодан Шайх Нуриддин Холиқназар ҳазратларига Халқаро мусулмон уламолар кенгашидаги фаолиятларида куч-қувват ва улкан муваффақиятлар тилаймиз.

Ўзбекистон мусулмонлари идораси
Матбуот хизмати

Аввал хабар берганимиздек, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари раисликларида Нукус шаҳридаги “Муҳаммад ибн Аҳмад ал-Беруний” ўрта махсус ислом билим юрти педагоглари жамоасининг ҳам мажлиси бўлиб ўтди.

Йиғилишда ташкилий масала кўрилди. Унга кўра, Шамшетдин Бауатдинов Нукус шаҳридаги “Муҳаммад ибн Аҳмад ал-Беруний” ўрта махсус ислом билим юрти мудири вазифасидан озод этилди. Мазкур лавозимга Ўзбекистон халқаро ислом академияси ҳузуридаги Малака ошириш марказининг Қарақалпоғистон Республикаси минтақавий филиалининг ўқув ишлари бўйича инспектори Жалалатдин домла Абдиразаков тайинланди.

Маълумот ўрнида, Жалалатдин домла Абдиразаков Бухоро шаҳридаги “Мир-Араб” мадрасаси, Имом Бухорий номли Тошкент ислом институти ва Қорақалпоқ давлат университетида таҳсил олган. Меҳнат фаолияти давомида “Муҳаммад ибн Аҳмад ал-Беруний” мадрасаси ўқитувчиси, мудир ўринбосари каби вазифаларда кўп йиллар меҳнат қилган.

Жалалатдин домла Абдиразаковга мудир вазифасида иш фаолиятни янада ривожлантириш, таълим-тарбия ишларини такомиллаштириш ва талабалар илм салоҳиятини оширишда Ҳақ таолодан куч-қувват тилаймиз.

Ўзбекистон мусулмонлари идораси
Матбуот хизмати

Убайдуллоҳ Абдуллаев, Фарғона вилояти бош имом хатиби