Ўзбекистон халқаро ислом академиясида “Диншуносликнинг долзарб муаммолари” мавзусида анъанавий илмий-амалий конференция бўлиб ўтди. Бу ҳақда uza.uz хабар берди.

Мазкур конференцияни ўтказишдан асосий мақсад диншунослик, тарих, фалсафа, халқаро муносабатлар сингари дунёвий таълим йўналишлари ҳамда Қуръон илми, ҳадиси шариф, ислом ҳуқуқи, тасаввуф, ислом тарихи, манбашунослиги каби диний таълим йўналишлари билан боғлиқ фанларни ривожлантиришга оид амалга оширилган илмий изланишлар натижалари билан илмий жамоатчиликни таништиришдан иборатдир.

"Диншунослик ва жаҳон динларини қиёсий ўрганиш UNESCO" кафедраси томонидан жорий йилда ўн тўртинчи маротаба ташкил қилинган мазкур анъанавий конференцияда Дин ишлари бўйича қўмита, Ўзбекистон мусулмонлари идораси, Имом Бухорий халқаро илмий-тадқиқот маркази, Ўзбекистон Республикаси Фанлар академияси Шарқшунослик институти, Тошкент давлат юридик университети, Тошкент ислом институти, UNESCO ишлари бўйича Ўзбекистон Республикаси Миллий комиссияси, юртимиздаги олий таълим муассасалари мутахассислари, профессор-ўқитувчилар, докторант ва магистрантлар иштирок этди.

Zoom дастури орқали онлайн ва оффлайн форматда ўтган тадбирда Ўзбекистон халқаро ислом академияси илмий ишлар ва инновациялар бўйича проректори Зоҳиджон Исломов, Ўзбекистон мусулмонлари идораси раиси ўринбосари Ўткирбек Ҳасанбоев, UNESCO ишлари бўйича Ўзбекистон Республикаси Миллий комиссияси бош котиб ўринбосари Сайидафзал Маллахонов мамлакатимизда муқаддас ислом динининг маърифатпарвар ғояларини тарғиб этиш юзасидан тизимли ишлар олиб борилаётганини таъкидлади.

Бу йилги конференцияга хорижий давлатлар илмий ва ўқув муассасаларидан мутахассислар ҳам таклиф қилинди. Чунончи, "Нур-Муборак" Миср ислом маданияти университети (Қозоғистон), Озарбайжон илоҳиёт институти (Озарбайжон), шунингдек, Германия, Россия ижтимоий соҳа мутахассислари конференция иштирокчиларини диншуносликка оид мавзулар тадқиқи ва таълими юзасидан эришган ютуқлари билан таништирди.

Анжуманда “Имом Бухорий халқаро илмий-тадқиқот маркази – маърифий исломни тарғиб этувчи маскан”, “Ўзбекистонда олий диний таълим тарихи, бугуни ва истиқболи”, “Диний бағрикенглик маданиятини шакллантиришда динлараро мулоқотнинг аҳамияти”, “Диншунослик фанларини модуль-кредит тизимида ўқитишнинг замонавий асослари”, “Ҳаким Термизий асарларида диний бағрикенглик тамойиллари”, “Янги Ўзбекистонни барпо этиш шароитида диншуносликнинг долзарб муаммолари” каби маърузалар тингланди.

– Конференцияга келиб тушган диншунослик, исломшунослик, тарих, фалсафа, дин психологияси каби ижтимоий фанлар йўналишига оид турли илмий мақолалар мазкур анъанавий анжуманнинг тўпламидан ўрин олган, – деди Ўзбекистон халқаро ислом академияси “Диншунослик ва жаҳон динларини қиёсий ўрганиш UNESCO” кафедраси мудири Маҳфуза Алимова. – Тўплам юртимиз олий ва ўрта махсус таълим муассасаларида диншунослик фанлари бўйича дарс берувчи профессор-ўқитувчилар, педагоглар, олимлар, исломшунос, шарқшунос, манбашунос, тарихчилар, ёш илмий тадқиқотчиларнинг илмий изланишлари асосида ёзилган 100 га яқин мақолаларни ўзида жамлаган. Унда диний бағрикенглик, миллий ва диний қадриятлар уйғунлиги, аждодлар илмий-маънавий меросининг маънавий ҳаётимизда тутган ўрни ўз ифодасини топган.

Тадбир якунида академия профессор-ўқитувчилари томонидан 2021-2022 ўқув йили давомида диншунослик соҳаси бўйича нашр қилинган илмий ва ўқув адабиётлари тақдимоти намойиш этилди.

Н.УСМОНОВА

Хабар берганимиздек, Америкада бўлиб турган бир гуруҳ юртимиз имом-хатиблари 2022 йил 25 апрель куни Чикаго шаҳридаги Рамазон тадбирларидаги иштирокини якунлаб, Флорида штатининг Орландо шаҳрига йўл олишган эди.

Кеча, 26 апрел куни ўзбекистонлик имом-хатиблар Орландога етиб келишганди. У ерда истиқомат қиладиган мусофир ватандошлар меҳмонларни юксак эҳтиром ила кутиб олишди.

Дастлаб имом-хатибларимиз AҚШнинг Флорида штати Орландо шаҳридаги “Aл-Бухорий Ислом маркази”га ташриф буюриб, у ерда марказ кенгаш аъзолари ва Орландодаги ишчи гуруҳ аъзолари билан суҳбатлашишди.

Сафарнинг 7-куни эса ифтор ва таровеҳда бўлган илмий суҳбатни қуйидаги ҳавола орқали онлайн кузатишингиз мумкин:

Маълумот учун, таниқли ва воиз имом-хатибларимизнинг АҚШдаги сўнгги ташриф манзили Флорида штати бўлади. Улар ташриф давомида жумладан Орландо шаҳридаги Рамазон тадбирларида қатнашишади.

Эслатиб ўтамиз, Ўзбекистон уламоларининг Америка сафари шу йил 2 майга қадар давом этади.

Бизни кузатишда давом этинг!

Ўзбекистон мусулмонлари идораси Матбуот хизмати

“Бас, Аллоҳдан қўрқинглар, хақни ботилга аралаштирманглар. Ўзингизнинг бузуқ фикрингиз ва кучсиз фахмингиз билан мусулмонларни кофирларга қиёс қилманглар”. Йўлингизни ботил эканига Абу Ҳурайра розияллоҳу анҳунинг Расулуллоҳ саллаллоҳу алайҳи васалламдан ривоят қилган қуйидаги хадиси далолат қилади: “Куфрнинг боши машриқ тарафдандир”.“Хозирги замонда, кўринишидан янги, асосий қоидалари эса қадимий бўлган фирқа зоҳир бўлди.

У фирқанинг аъзолари Ибни Таймиядан бошқа бирорта бир уламоларга эътибор қаратмайдилар. Ибн Таймиянинг сўзларини муқаддас деб биладилар. Ва яна улар тўрт мўътабар мазҳабларнинг (ҳанафий, шофеъий, моликий, ҳанбалий) бирортасига ҳамда эътиқоди хақ бўлган тўғриликлари билан танилган уламолардан бирортасига муқаллид (тақлид қилувчи) эмасликларини, аксинча мустақил эканларини иддао қиладилар. Улар амалда буюк уламоларнинг хеч бирига эргашмайдилар
“Булар мана шу асрга келиб зоҳир бўлиб, кенг тарқалдилар. Сақолни узун ўстириш, оқ узун кўйлаклар кийиш, ёнларида мисвок кўтариб юриш каби ишлари билан одамларни чалғитдилар. Бу нарсалар, одамлар уларни илм ва тақво аҳллари деб ўйлашларига сабаб бўлди. Аслида эса, булар ундай эмаслар, балки улар илмсиз ва бузғунчи кишилардир. Илмсизликлари ҳам мутлақ жоҳиллик (жаҳл мураккаб)дир. Улар хеч нарсани билмайдилар, лекин биламиз деб ўйлайдилар. Ўзларини “салафийлар” деб атаётган бу одамлар, ўтмишдаги салаф (солиҳ)ларга хеч қандай алоқаси йўқдир. Улар ўша солиҳларимизга салафлар (эргашувчилар) эмас, балки хашавийлар, карромийлар ва жоҳил яҳудийларнинг салафларидир.

Шарипов Толибжон

Ўзбекистон делегацияси Москвага ташрифи давомида Россия мусулмонлари идораси раиси, муфтий шайх Равил Гайнутдинов ва бошқа диний уламолар билан учрашув ўтказди. Россия Муфтийлар кенгаши раисининг биринчи ўринбосари Рушан Аббясов Sputnik мухбирига учрашув якунлари ҳақида маълумот берди.

Делегацияга Ўзбекистон бош вазирининг маслаҳатчиси Меҳриддин Хайриддинов бошчилик қилган. Делегация таркибидан Ўзбекистон мусулмонлари идораси раиси ўринбосари Иброҳим Иномов ҳамда мамлакатнинг Москвадаги элчихонаси ва меҳнат мигрантлари ҳуқуқларини ҳимоя қилиш бўйича ҳукумат департаменти вакиллари ўрин олишган.

“Муҳокаманинг асосий мавзуси – бу бизнинг шерикчилигимиз, мамлакатларимиз ўртасидаги ўзаро қардош ҳамкорлик, - деди Аббясов. – Халқларимизни боғлаб турувчи умумий ришталар бисёр – Ўзбекистонда бўлган оламга машҳур исломий диққатга сазовор жойлар. Ўзбекистон томони ҳозир зиёрат туризмини фаол ривожлантирмоқда, яъни муқаддас ислом жойларига ташриф буюриш”.

Россия ва Ўзбекистон томони бу йил “Маънавий ипак йўли” V халқаро илмий-диний конференциясини ўтказишни режалаштираётганини ҳам тасдиқлади. Конферанция 2020 йилда Тошкентда бўлиб ўтиши керак эди, бироқ коронавирус пандемияси сабаб ортга сурилганди.

Ўзбекистонлик мигрантларга Россия шарт-шароитларида мослашишига кўмаклашиш муҳокама қилинган асосий мавзулардан бири бўлган. Россия мусулмонлари идорасининг Қирғизистон билан ҳамкорликдаги бундай тажрибаси бор. Энди орттирилган тажрибалардан фойдаланиш Ўзбекистон томонига ҳам таклиф қилинди.

“Бу келишувлар ўзининг илк самарасини берди. Ўзбекистон вакиллари Москвадаги жоме масжидида мигрантлар билан учрашишди. Бунга қадар улар Тула ва бошқа минтақаларга бориб, у ерда ҳам бундай учрашувлар ўтказишди. Биз бу йўналишда тизимли ишлашга келишиб олдик”, - деди муфтий.

Бундан ташқари, Россия мусулмонлари идораси раиси Ўзбекистон Президенти Шавкат Мирзиёевга бу йил режалаштирилган Россияга ташриф давомида Москва жоме масжидига ташриф буюриш таклифномасини бериб юборган.

Ўзбекистон мусулмонлари идораси Матбуот хизмати

"Қуръон нозил бўлган кеча" номли тадбирининг иккинчи қисми бўлиб ўтди.

Рамазоннинг энг буюк фазилатларидан бири – бу унинг Қуръон ойи эканидадир. Аллоҳ таоло Ўзининг сўнгги китоби, қиёматгача боқий қоладиган, барчани ожиз қолдирган мўъжиза каломи Қуръони каримни нозил қилиш учун айнан Рамазон ойини танлаган.

Шу муносабат билан Самарқанд аҳлига Қуръони каримни хатм қилиб бераётган қориларга барча вилоят мўмин-мусулмонлари номидан миннатдорлик изҳор қилинди ҳамда ҳомийларнинг ҳадяларидан иборат совғалар қориларга улашилди. 

@sammuslimuz