Шовот туман “Қарри Эшон бобо” масжид имом-хатиби П.Бобожонов 

Айни кунларда нафақат юртимизнинг таниқли уламолари Тошкент вилоятидаги масжидларга ташриф буюришиб, ўзларининг гўзал мавъизалари билан намозхонларни яхшиликка чақирмоқда, шу билан бирга, мўмин-мусулмонлар ҳам олимларимизни ҳайратга солишяпти.

Хуфтон намозига Зангиота туманидаги “Имоми Аъзам” жомесига келган Ўзбекистон мусулмонлари идораси раиси ўринбосари Иброҳимжон домла Иномов куннинг сўнгги намозини жамоат билан адо этгач, маърузадан кейин ёши улуғ бир отахоннинг қилган ажойиб ишидан ҳайратланганини гапириб бердилар.

–  Масжидга кираётсам, – дейди Иброҳимжон домла, – 85 ёшлар чамаси бир отахон ҳассасининг учини дастрўмоли билан артиб, сўнгра Аллоҳнинг уйига қадам босди. Юртимиз бўйлаб турли ҳудудларга борамиз, лекин бундай ҳолатлар кам кузатилади. Чунки қалби пок одам масжидни ҳам тоза, озода сақлайди. Табаррук ёшли отахоннинг бу гўзал хатти-ҳаракати барчамизга ибрат бўлиши керак. Халкимизнинг тақвоси –- Худодан қўрқиш фазилати энг олий ва беқиёс даражада. Бу таҳсинга сазовор, албатта. Ана шундай жамоани шакллантирган масжид имом-хатиби ва ходимларига ташаккур изҳор қиламан.

Дарҳақиқат, масжид Аллоҳнинг уйи. Бу табаррук масканда аввало сурат ва сийрат гўзал бўлиши керак. Шундагина ибодатларимиз мукаммал бўлади.

Ўзбекистон халқининг қалбидан чуқур жой эгаллаган ижодкор, “Меҳнат шуҳрати”, “Эл-юрт ҳурмати” орденлари ҳамда “Меҳнат фахрийси” кўкрак нишони соҳиби Бахтиёр Ихтиёров 81 ёшида вафот этиши муносабати билан унинг оила аъзоларига чуқур таъзия изҳор этамиз.

Бахтиёр Ихтиёров сермаҳсул ижоди давомида “Ўтган кунлар”, “Нодирабегим”, “Абу Райҳон Беруний” каби жуда кўп фильмларда ролларни ижро этган.

Ҳақ таоло марҳум ижодкорнинг яқинлари, фарзанду аржумандларига чиройли сабр бериб, бу мусибатларига ажру мукофотлар ато этсин.

Иннаа лиллааҳи ва иннаа илайҳи рожиъун!

Бугун, 20 ноябрь куни юртимизнинг бир гуруҳ таниқли уламолари Тошкент вилояти масжидларига ташриф буюриб, пешин ва хуфтон намозларини жамоат билан бирга адо этгандан сўнг мўмин-мусулмонларга маърифий суҳбат қилиб беришади.

Қуйида уламолар пешин ва хуфтон намозларига борадиган масжидлар рўйхати билан танишишингиз мумкин:

Зангиота туманидаги “Имом ал-Бухорий” масжидига пешинга, тумандаги “Имом Аъзам” жомесига хуфтонга Ўзбекистон мусулмонлари идораси раиси ўринбосари Иброҳимжон домла Иномов;

Зангиота туманидаги “Нурил Ислом” масжидига пешинга, тумандаги “Садр ота” жомесига хуфтонга Тошкент вилояти бош имом-хатиби Жасур домла Раупов;

Қибрай туманидаги “Дорул Ислом” масжидига пешинга, тумандаги “Ўнқўрғон” жомесига хуфтонга “Вақф” хайрия жамоат фонди раҳбари Яҳё домла Абдураҳмонов;

Зангиота туманидаги “Иттифоқ” масжидига пешинга, тумандаги “Мир Абдуллоҳ эшон” жомесига хуфтонга Ўзбекистон мусулмонлари идораси бўлим бошлиғи ўринбосари Аброр домла Мухтор Алий;

Қибрай туманидаги “Дарвеш бува” масжидига пешинга, тумандаги “Тўқай тепа” жомесига хуфтонга Тошкент шаҳар бош имом-хатиби ўринбосари Абдуқаҳҳор домла Юнусов;

Қибрай туманидаги “Машариб ота” масжидига пешинга, тумандаги “Ҳожи Туроб ўғли ҳожи Абдулла” жомесига хуфтонга Тошкент вилоят бош имом-хатиби ўринбосари Миродил домла Миржалилов;

Қибрай туманидаги “Ўткир” масжидига пешинга, тумандаги “Ар-Раҳмон” жомесига хуфтонга Тошкент вилоят бош имом-хатиби ўринбосари Зайнилобиддин домла Қудратов;

Зангиота туманидаги “Салмони Форсий” масжидига пешинга, тумандаги “Умир” жомесига Тошкент шаҳар Мирзо Улуғбек тумани бош имом-хатиби Акбарали домла Маматов;

Қибрай туманидаги “Дўрмон” масжидига пешинга, тумандаги “Байтқўрғон” жомесига хуфтонга Тошкент шаҳридаги “Маҳкам ота” масжиди имом-хатиби Муҳаммадбобур Йўлдошев;

Қибрай туманидаги “Абдураҳмон ибн Авф” масжидига пешинга, тумандаги “Хўжақўрғон” жомесига хуфтонга Тошкент шаҳар “Доруссалом” масжиди имом-хатиби Муҳаммадраҳим домла Абдуқодиров;

Қибрай туманидаги “Дадамуҳаммад ҳожи Фирдавс” масжидига пешинга, тумандаги “Зайниддин ҳожи ота” жомесига Тошкент шаҳар “Ислом ота” масжиди имом-хатиби Йўлдошали домла Каримов;

Зангиота туманидаги “Фатҳ” масжидига пешинга, тумандаги “Абдужалилбоб” жомесига хуфтонга Тошкент шаҳар “Ракат” масжиди имом-хатиби Роббимқул домла Муҳаммадиев;

Зангиота туманидаги “Абдулло ибн Равоха” масжидига пешинга, тумандаги “Абу Бакр Сиддик” жомесига Тошкент шаҳар “Кўкча оқтепа” масжиди имом-хатиби Абдуллажон домла Ғуломов;

Зангиота туманидаги “Ал-Имон” масжидига пешинга, тумандаги “Амир Ҳамза ибн Абдумуталиб” жомесига хуфтонга Зангиота тумани “Абу Бакр Сиддиқ” жоме масжиди имом-хатиби Нурали домла Мавланов;

Зангиота туманидаги “Анас ибн Малик” масжидига пешинга, тумандаги “Андалус” жомесига Чирчиқ шаҳар “Марказий” жоме масжиди имом-хатиби Обид домла Мирҳамидов;

Зангиота туманидаги “Мўмин ҳожи ота” масжидига пешинга, тумандаги “Ботир” жомесига хуфтонга Пискент тумани Собирхон ота жоме масжиди имом хатиби Суннатилла домла Эрназаров.

Аллоҳ таоло уламоларимизнинг суҳбатини манфаатли ва давомли қилсин!

Ўзбекистон мусулмонлари идораси Матбуот хизмати

Минглаб одамлар уларни тинглашди

Бугун хуфтон намозида Тошкент вилоятининг Янгийўл, Тошкент ва Қибрай туманларидаги  масжидларга уламолар ташриф буюришиб, намоздан сўнг мўмин-мусулмонларни иршод қилдилар. Динимизнинг соф таълимотини одамларга етказиб, кўнгилларга зиё улашдилар.

Зеро, Аллоҳ таоло амру маъруф ва наҳйи мункар қилувчи, ваъз-насиҳат этувчи бандаларини энг яхши уммат дея мадҳ этган: «Сиз одамлар учун чиқарилган энг яхши уммат бўлдингиз. Амри маъруф қиласиз, наҳйи мункар қиласиз ва Аллоҳга имон келтирасиз» (Оли Имрон сураси, 110-оят).

Пайғамбаримиз соллаллоҳу алайҳи ва салламдан одамларнинг энг яхшиси кимлиги сўралганда, у зот алайҳиссалом: «Одамларнинг яхшиси – қорироғи, тақводорроғи, амри маъруф қилувчироғи, наҳйи мункар қилувчироғи ва силаи раҳм қилувчироғи», деганлар (Имом Аҳмад ривояти).

Шунга мувофиқ, бугун Тошкент туманидаги “Айриота” масжиди қавми Ўзбекистон мусулмонлари идораси раиси ўринбосари Иброҳим домла Иномовнинг маърузасидан баҳраманд бўлишди. Аброр Мухтор Али домла “Раҳим ота”га, шунингдек, бошқа имом домлалар “Ҳожиота”, “Эшонбува”, “Эшонхўжа ота”, “Ҳамд” масжидларига ташриф буюришди.

Янгийўл туманидаги “Гулбаҳор” жомеси намозхонлари Тошкент вилояти бош имом-хатиби Жасурбек домланинг гўзал мавъизисидан мутаассир бўлишган эса, “Олтинобод”ликлар Яҳё домла Абдураҳмоновнинг, “Гулбоғ”, “Имоми Аъзам”, “Кескан”, “Саид ибн Зайд” ва “Саид ота” масжидлари жамоаси ҳам олимларимизнинг маърифатидан баҳра олишди.

Қибрай тумани “Саъдулла ота” масжиди намозхонлари Тошкент шаҳар бош имом-хатиби ўринбосари Абдуқаҳҳор домла билан суҳбатлашдилар.

Хуллас, 15 уламо 15 масжидга ташриф буюриб, турли мавзуларда маърузалар қилиб, халқимиз маърифатини юксалтиришга хизмат қилмоқда.

Толиб Низом