Абдурашид қози домланинг кенжа ўғиллари, "Ислом ота" жомеъ масжиди жамоаси, Ўзбекистон мусулмонлари идораси "Мовароуннаҳр" нашриётида узоқ йиллар хизмат қилган Абдулмажид МУСАБЕКОВнинг вафот этганлари муносабати билан оила аъзолари, қариндош ва барча яқинларига чуқур таъзия изҳор қилади.

Аллоҳ таоло марҳумнинг барча хайрли ишларини, солиҳ амалларини ҳусни қабул айлаб, Ўз мағфиратига олсин, охиратларини обод қилсин!

Марҳумнинг барча қариндош-уруғларига чиройли сабр ато қилиб, ажру мукофотларини кўпайтириб берсин.

Иннаа лиллааҳи ва иннаа илайҳи рожиъун!

Телефон рақамларнинг бошидаги “0” олиб ташланиб ўрнига “+966” рақами ёзилади.

ТОШКЕНТ ШАҲРИ

ТОШКЕНТ ВИЛОЯТИ

ФАРҒОНА ВИЛОЯТИ

АНДИЖОН ВИЛОЯТИ

НАМАНГАН ВИЛОЯТИ

СИРДАРЁ ВИЛОЯТИ

САМАРҚАНД  ВИЛОЯТИ

ХОРАЗМ ВИЛОЯТИ

БУХОРО ВИЛОЯТИ

ЖИЗЗАХ ВИЛОЯТИ

ҚОРАҚАЛОҒИСТОН

НАВОИЙ ВИЛОЯТИ

СУРХОНДАРЁ  ВИЛОЯТИ

ҚАШҚАДАРЁ  ВИЛОЯТИ

Дин ишлари бўйича қўмита Ахборот хизмати

2017 йил 24 августдаги Ўзбекистон Республикаси Президентининг ПҚ-3241-сон қарори

Муборак Қурбон ҳайитининг маънавий ҳаётимиздаги ўрни, моҳияти ва аҳамиятини, халқимизга мансуб меҳр-оқибат, шукроналик ва бағрикенглик рамзи эканини эътиборга олиб, миллий-диний қадриятларимизни асраш ва улуғлаш мақсадида:

1. Ўзбекистон мусулмонлари идорасининг жорий йилда Қурбон ҳайитининг биринчи куни 1 сентябрь жума кунига тўғри келиши ҳақидаги мурожаатини инобатга олиб, 2017 йил 1 сентябрь мамлакатимизда байрам сифатида кенг нишонлансин.

2. Республика “Нуроний”, “Маҳалла” жамғармалари ва бошқа барча мутасадди идоралар, жамоат ташкилотлари Қурбон ҳайитининг жойларда тартибли ва юқори даражада, халқимизнинг миллий қадриятларига мос равишда ўтиши учун тегишли тадбирларни амалга оширсин.

3. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Қурбон ҳайитини нишонлаш билан боғлиқ тадбирларни кенг ёритиш тавсия этилсин.

Ўзбекистон Республикаси
         Президенти                                                                    Ш.Мирзиёев

Хожа Бухорий ўрта махсус ислом билим юртида Ўзбекистон мусулмонлари идораси тасарруфидаги диний таълим муассасалари раҳбарларининг август семинари бўлиб ўтди.

Унда Дин ишлари бўйича қўмитанинг таълим бўлими бошлиғи С.Шерхонов, Ўзбекистон мусулмонлари идораси таълим ва кадрлар тайёрлаш бўлими бошлиғи вазифасини бажарувчи А.Дўсматов ҳамда барча диний таълим муассасалари раҳбарлари иштирок этди.

Дастлаб меҳмонлар Хожа Бухорий ўрта махсус ислом билим юртида янги ўқув йилига тайёргарлик юзасидан амалга оширилган ишлар билан танишиб чиқишди. Шундан сўнг бошланган  семинарда қуйидаги масалалар кўрилди:

1. Янги ўқув йилида диний таълим муассасалари олдида турган муҳим вазифалар;
2. Мустақиллигимизнинг 26 йиллик байрамига жиддий тайёргарлик кўриш ва байрамни муносиб кутиб олиш, янги ўқув йилига тайёргарлик ишлари бўйича таълим муассасалари раҳбарларининг ҳисоботини тинглаш;
3. ДТМда ўтказилган 2017-18 ўқув йили қабул имтиҳонлари натижалари таҳлили;
4. 2017-19 ўқув йилларида ДТМ ривожлантириш дастури юзасидан бажарилган ишлар ҳисоботи;
5. Мустақиллик дарсини ташкил этиш ва уларни юқори савияда ўтказиш бўйича таклиф ва тавсиялар;
6. 2016-17 ўқув йили битирувчиларининг ЎМИ буйруғи асосида тақсимот қилинган жойларда иш билан таъминланганлик мониторинги;
7. Ўзбекистон Республикаси Президентининг 2017 йил 15 июнь куни "Ижтимоий барқарорликни таъминлаш, муқаддас динимизнинг софлигини асраш – давр талаби" мавзусида дин арбоблари билан ўтказилган анжуманда белгиланган устувор вазифалар ижроси ҳамда Самарқанд вилоятида Имом Бухорий илмий марказида ҳадисшунослик, Имом Мотуридий маркази қошида калом илми, Фарғона вилоятидаги Марғиноний илмий марказида ислом ҳуқуқи, Бухоро вилояти Баҳоуддин Нақшбанд марказида тасаввуф, Қашқадарё вилоятидаги Абу Муин Насафий марказида ақида илмий мактабларини ташкил этиш бўйича аниқ таклифлар тайёрлаш.

Семинар кун тартибида белгиланган ҳамда иштирокчиларни қизиқтирган кўплаб масалалар юзасидан қизғин муҳокамалар бўлиб ўтди ва якунда амалиётга жорий қилиш юзасидан тегишли қарорлар қабул қилинди.

Муҳаммади ҚОРАЕВ,

Хожа Бухорий ўрта махсус ислом билим юрти мудирининг маънавий-маърифий масалалар бўйича ўринбосари

Шу кунларда ижтимоий тармоқларда Маккаи мукаррамадаги Ҳарамда юз берган фожеа видеоси кенг тарқалмоқда. Видео тасвирда Ҳарамнинг юқори қаватидан бир аёл пастга тушиб кетган ва унга биринчи ёрдам  кўрсатаётганлар орасида ўзбекистонлик зиёратчи ҳам кўринган. Шу сабабли йиқилган аёл ҳам ўзбекистонлик зиёратчилардан бири деган нотўғри маълумот тарқалган.

Фожеа 22 август, сешанба куни юз берган эди.

Ўзбекистон ишчи гуруҳи мазкур масалани атрофлича ўрганди. Ўзбекистондан келган зиёратчилар соғ-саломат ҳолда ибодатларини давом эттирмоқда.

Ҳарам хавфсизлик хизмати йиқилган аёл эфиопиялик зиёратчилардан эканини аниқлади.