@vaqfuz 

Саудия Aрабистони фаровонлик ишлари департаменти Бош кенгаши “Нутқ лаззати” Қуръон ва азон айтиш мусобақасининг иккинчи босқичига жами 50 минг иштирокчидан 2116 нафари қабул қилинганини эълон қилди.

IQNA сайтининг “ал-Ахбар-24”га таяниб хабар беришича, “Ушбу мусобақанинг энг ёш иштирокчиси 5 ёшда, энг ёши каттаси эса 104 ёшда”.

Қуръони карим тиловати ва азон айтишга бағишланган “Нутқ лаззати” 2-халқаро танловининг биринчи босқичида дунёнинг 165 давлатидан 50 минг нафардан ортиқ киши иштирок этди.

Танловнинг дастлабки босқичлари шахсан ва иштирокчиларнинг видеороликларини ҳакамлар ҳайъатига юбориш орқали ўтказилди. Ҳакамлар ҳайъати иштирокчиларнинг Қуръони карим ўқилиши ва азон айтилган ҳолда олинган видеолавҳаларини кўриб чиқади ва сараланганлар кейинги босқичга ўтади.

Танловнинг якуний саралаш босқичи Рамазон ойида ўтказилади ва “МБC” телеканалида жонли эфирда намойиш этилади.

Саудия Aрабистони фаровонлик ишлари департаменти аввалроқ ушбу танлов ғолиблари учун 12 миллион Саудия реёли миқдоридаги маблағ мукофот тарзда тақдим этилишини эълон қилган эди.

Ўзбекистон мусулмонлари идораси
Матбуот хизмати

Диний таълим муассасалари, илмий-тадқиқот марказлари фаолиятини молиялаштириш, уларнинг профессор-ўқитувчилари, тадқиқотчилари, мутахассислари ва ўқувчи-талабаларини моддий ва ижтимоий қўллаб-қувватлаш Вақф фондининг асосий вазифаларидан бири ҳисобланади. Бу борада кўплаб хайрия ишлари амалга оширилган бўлиб, куни кеча Бухоро шаҳрида мана шундай тадбирларнинг навбатдагиси ўтказилди.

“Вақф” хайрия жамоат фонди Бухоро вилоят филиали томонидан ҳомийларни жалб қилган ҳолда, диний таълим муассасалари профессор-ўқитувчиларини моддий қўллаб-қувватлаш мақсадида, Бухоро шаҳридаги "Жўйбори Калон" аёл қизлар ўрта махсус ислом таълим муассасасида фаолият олиб бораётган устоз ва мураббийларнинг 30 нафарига, ҳар бирига 1 миллион сўмдан жами 30 миллион сўм, Мир Араб олий мадрасасининг 15 нафар мударрислари ва ходимларининг ҳар бирига 1 миллион сўмдан жами 15 миллион сўм ҳамда Мир Араб олий мадрасасида таҳсил олаётган, моддий кўмакка муҳтож бир нафар талабанинг ўқув шартномаси учун 5 миллион сўм, жами 50 миллион сўм маблағни нақд пул кўринишида таълим муассасалари устоз ва мураббийларига хайрия сифатида тақдим этди.

Вақф фонди Матбуот хизмати

Мусулмонлар орасида турли ихтилофларни қўзғаётган бемазҳабларнинг фаолиятлари ҳам ўзига хос. Одатда, ихтилофни қўзиган шахс одамларга кўринмайди. Балки ўз одамини юбориб, «фалончига мана бу саволни бер, у ундай деса, сен бундай дегин» қабилида гап ўргатади. Ҳалиги одам унинг айтганини қилиб, мусулмонлар ичида ихтилоф қўзғайди. Бу ҳолат бир эмас, бир неча кишидан, бир неча марта такрорлангандан кейин, ихтилоф тарқалиб, ўз кучини кўрсата бошлайди. Баъзи одамлар, биз нотўғри иш қилаётган эканмиз деб, ихтилофчига ергашади. Бошқалари шубҳага тушади. Учинчиси: «Шу пайтгача қилган ибодатимиз нима бўлди?» дейди ва ҳоказо. Охири, одамлар орасида катта нохушлик содир бўлади.

Бу пайтда ихтилофчиларнинг «мулла»си ўзининг югурдакларига яна бошқа бир ихтилофни ўргатиб, уларни кишилар ичига юборишга тайёрлаётган бўлади. Югурдаклар эса, ўзларига айтилган, ихтилоф қўзғаш учун тўқилган сафсатани тўтиқушдек такрорлашга ошиқаётган бўладилар. Аммо аста-секин уларнинг сирлари фош бўлиб, башаралари кўпчилик ичида намоён бўлмоқда.

Муҳтарам имом домлаларимиздан бирлари масжидда намозхонларга бир масалани баён қилибди. У кишининг олдига бир одам келиб: «Сиз хато қилдингиз, аслида бундай бўлади», дебди. Домла: «Бу гапни қаердан олдингиз?» деса, «китобда бор», дебди. Имом домла: «Ўша китобни олиб келинг, ўқиб кўрайлик», дебди. Ҳалиги одам китобни олиб келиб, мазкур масала ёзилган жойини қўли билан кўрсатибди. Домла ўқиб кўрсалар, «Бу масалада мана бу гапни айтганлар ҳам бор», деб ихтилофчининг гапи ёзилган ва давомида: «Аммо бу гапнинг тўғриси бундай», деб домланинг гапи ёзилган экан. Домла: «Мана, мен айтган гап тўғри экан-ку», деб кўрсатсалар, ихтилофчи: «Мен ўқишни билмайман», дер эмиш. Араб тилини билмайдиган одам ўша тилдаги китобни кўтариб олиб, олим одам билан тортишгани келибди!

Кейинчалик, маълум бўлишича, ихтилофчиларнинг «мулла»ларига ҳам кўрсатмалар чет элдаги хўжайинларидан келар экан. Бошқача қилиб айтадиган бўлсак, дунё мусулмонлари орасида ихтилоф қўзғаш ишлари халқаро марказдан бошқариб борилмоқда. Эндиликда ихтилофчи бемазҳабларнинг «мулла»ларига марказдан факс, электрон почтада ёки интернет орқали кўрсатмалар келмоқда. Улар мазкур кўрсатмаларни таржима қилиб, югурдакларни кўтариб олиб, мўмин-мусулмонлар ичида ихтилоф уруғини сочмоқдалар. Ушбу сатрларда зикр қилинаётган ихтилофлар нафақат Ўзбекистон, Ўрта Осиё ёки МДҲ давлатларида, балки бутун дунёда мусулмонларнинг бошини қотирмоқда. Биз «ихтилофчилар» ва «Бемазҳаблар» деб атаётган фитначилар кимлар? Энг ачинарлиси шу юртда туғилиб қаерлардаги дунёсини деб охирати бой берган, нафсини қулига айланган инсонларди ўртасига фитна уруғини тарқатаётган инсонлар зў юртини хоини, кечириб бўлмайдиган гунохларди содир этувчи инсонларга эргашиб не-не орзулар билан дунёга келтирган ота-онасини халқ олдида бошини эгилишига сабаб бўлаяпти. Аллоҳ таоло барчвмизди бу ўткинчи дунё ёлғонларига алданиб Аллоҳ таоло вада қилган мукофотлардан бенасиб бўлиб қолишдан ўз панохида асрасин.

Норин туман " Умархўжа эшон" масжиди имом хатиби Бобохўжаев Мухаммадшокир

Ўзбекистон мусулмонлари идораси Матбуот хизмати