1. Фитна энг кўп қон тўкилишининг энг катта сабабларидан бўлиб, фитна натижасида жамиятда талон-тарож ва босқинчилик ишлари кенг тарқалади.
2. Фитна дунё ва охиратда хасрат чекишнинг сабаби бўлади.
3. Фитна уни чиқарган кишиларнинг кўзларини ҳақ ва тўғри йўлни кўрмайдиган қилиб қўяди. Ҳақ ва тўғри йўлни кўра олмайдиган инсоннинг қўлидан эса ҳар қандай қабиҳликларни кутса бўлаверади. Бегуноҳ ёш болаларни, аёлларни ўлдираётганлар, мусулмонни кофирга чиқариб қонини ҳалол санаётган ҳозирги кундаги фитначилар бунинг ёрқин мисолидир.
4. Фитначи ва шайтон бир-бирига яқин дўстлар. Шайтонни энг яхши кўрган ишларидан бири икки мусулмон ўртасини уруштириб қўйишдир. Қўпол қилиб айтадиган бўлсак, фитначининг “касб”и ҳам шу ҳисобланади. Демак, булар жуда яқин дўстлар экан.
5. Фитналар мўмин кишининг динига шубҳаларни солади.
6. Кишининг ўз аҳлида фитналаниши уни динидан буриб юборади.
7. Фитна мўмин кишининг қалбини яхшиликлардан буриб юборадиган энг ашаддий нарсалардандир.
8. Ҳукуматга қарши уруш қилиш фитнаси жамиятни парчалайдиган омилларнинг энг каттасидир. Буни ҳозирги кунда араб давлатларида бўлаётган фитналардан билиб олишимиз мумкин. Бу давлатлар фитналар бўлишидан олдин қандай ҳолатда эди-ю, ҳозирги кунга келиб қандай ҳолатга тушди? Статистик маълумотлар бу давлатларнинг ривожланишдан неча ўн йилларга ортда қолганини кўрсатмоқда.
9. Фитна сабабидан ўзаро уруш қилиш дин душманларининг мақсадларини рўёбга чиқаради ва мусулмонларни иқтисодий, ижтимоий ва тиббий ҳаётини парчалайди. Ҳақиқатда ҳам ҳозирги кунга келиб, дин душманлари ўз мақсадларига эришмоқда. Чунки фитналар содир бўлаётган диёрларга эътибор берадиган бўлсак, буларнинг деярли барчаси мусулмонобод юртларда эканлигини кўришимиз мумкин. Натижада, у юртларнинг иқтисоди, тинчлиги, ижтимоий ҳаёти барбод бўлмоқда ва мусулмонлар бошқа юртларга cчиқиб кетишга мажбур бўлмоқдалар.
10. Фитналар жамиятнинг обрў-эътиборини йўқ қилиб юборади.
11. Фитналар исломий жамиятларнинг ортда қолишининг энг асосий сабабларидан бўлиб, мусулмонларни душманлар қўлида қўзғолончи қилиб қўяди. Минг афсуслар бўлсинки, бир пайтлар бутун олам учун илм маркази бўлган Бағдод, Куфа, Дамашқ каби шаҳарлар бугунги келиб, фитначиларнинг жанг майдонига айланмоқда. Бу фитналар натижасида қанча илм даргоҳларида илм тўхтаб қолмоқда ва мусулмонларнинг бошқа жамиятлардан отда қолишига сабаб бўлмоқда. Энг ачинарлиси эса, фитначилар бу ишларида айнан мусулмонларнинг ўзларидан фойдаланишмоқда. Мусулмонлар бу фитналарга қарши бирлашмоқликлари ва ўзларининг уламоларини йўлидан юрмоқликлари лозим бўлади.

ТИИ Модуль таълим шакли талабаси,

Самарқанд шаҳар Хўжа Нисбатдор жоме масжиди

имом-хатиби Бобохон Бобохонов

Шайх Салоҳ Абулҳож ҳафизаҳуллоҳ

Ўзбекистон Республикаси Президенти Шавкат Мирзиёев раислигида 2019 йил 19 март куни ёшларга бўлган эътиборни янада кучайтириш ҳамда 5 та муҳим ташаббусни амалга ошириш ва бу ташаббуслардан бири “Ёшлар ўртасида китобхонликни кенг тарғиб қилиш” вазифаси ҳам белгиланган.
Шу муносабат билан бугун 14 ноябр куни Мир Араб ўрта махсус ислом билим юртида Ахборот Ресурс маркази ходимлари томонидан “Ҳилол нашр” нашриёт- матбааси билан ҳамкорликда китоблар савдо ярмаркаси ташкил қилинди. Ушбу ярмаркада билим юрти устозлари ва талабалари иштирок этишди.
  Тадбир давомида билим юрти мудири Ж. Сабуров талабаларга Шайх Муҳаммад Содиқ Муҳаммад Юсуф ҳазратлари томонидан асос солинган “Ҳилол нашр” нашриёт- матбааси ҳақида ҳамда Шайх ҳазратларининг ҳаётлари ва чоп этилаётган китоблари тўғрисида гапириб ўтдилар.
Сўнгра маънавият ва маърифат ишлари бўйича мудир ўринбосари А. Нажмиддинов нутқимиз равон бўлишлиги учун бадиий ва илмий оммабоп китобларни кўпроқ мутолаа қилишлик кераклигини айтдилар ҳамда нашриёт директори А. И. Саттиевга ва “Ҳилол нашр” нашриёт- матбаасининг Бухоро вилояти филиалига билим юрти номидан ўз миннатдорчиликларини билдирдилар.

Тўрахон Музрабов

Билим юрти Ахборот
Ресурс маркази мудири

Абдуллоҳ домла Йўлдошев

Олмазор тумани бош имом-хатиби

15 ноябрь куни амалий ташриф билан Ўзбекистонда бўлиб турган ЮНЕСКО Бош директори О.Азуле хоним Ўзбекистон Республикаси Маданият ва санъатни ривожлантириш жамғармаси ижрочи директори Г.Умерова ҳамроҳлигида Ҳазрати Имом мажмуасини зиёрат қилди.
Мартабали меҳмонга Ислом цивилизацияси маркази директори Шоазим Миноваров ҳамда Ўзбекистон мусулмонлари идораси раиси ўринбосари Иброҳимжон домла Иномов ҳамроҳлик қилди. Меҳмонларга юртимизда диний-маърифий соҳада олиб борилаётган ислоҳотлар ва уларнинг мазмун-моҳияти ҳақида маълумот тақдим этилди. Шунингдек, Эски Тошкент тарихи, Ҳазрати Имом мажмуи, ЎМИ идораси кутубхона-музейида сақланаётган Усмон Мусҳафи ва унинг тарихи ҳақида ҳам батафсил маълумотлар берилди.
О.Азуле хоним Ўзбекистон ва унинг халқига чуқур эҳтиромини билдирди, маданий меросни сақлаш бўйича мамлакатда олиб борилаётган ишлардан мамнун эканини, келгусида ҳам ЮНЕСКО бу йўналишдаги барча лойиҳаларни қўллаб-қувватлашини таъкидлади.

Ўзбекистондаги Ислом цивилизацияси маркази
Матбуот хизмати