muslim.uz
Фоторепортаж: Масжидларда ҳайит намози кўтаринки руҳда ўтди
Рамазон ҳайити – бир ой давомида покланган, раҳмат чашмаларидан қониб қувват олган қалбнинг шодлик айёмидир бу кун! Кундузлари рўзадор, кечалари бедор бўлиб, Аллоҳ амрини адо этишга шижоат кўрсатган покиза нафснинг нурли тажаллиси зоҳир бўлгувчи байрамдир бу кун!
Сарвари Коинот соллаллоҳу алайҳи васаллам бу байрамни аҳли оилалари, асҳобларга совға саломлар улашиб катта шодлик ила қарши олганлар. Ҳатто, эътибордан четда қолган бир етим мурғак қалби чўкмасин дея, уни муборак елкаларида миндириб, сайр қилдириб, бағоят хурсанд этганлар. Орзиқиб кутилгувчи байрам нафаси аввало масжидлардан таралади. Шу боис юртимизнинг барча масжидларида Ҳайит намозини кўтаринки руҳда адо этиш учун масжидлар жамоаси, ҳуқуқ тартибот идоралари, нодавлат ташкилотлар ходимлари бир оила бўлиб туну-кун меҳнат қилдилар, намозхонлар учун барча қулай шарт-шароитларни яратиб бердилар.
Бугун, 5 июн саҳаридан масжидларга отланган юртдошларимиз юз-кўзларида мамнуният билан байрам намозини адо этишга жойлашдилар. Имом-хатибларимиз барчани ушбу улуғ байрам билан қутлаб, Рамазон ойида амалга оширилган хайрли ишлар, эҳсон ва баракалар, бугунги тинч ва осуда юртда яшаётганимиз, хотиржам ибодатлар қилаётганимиз учун Яратганга такрор ва такрор шукроналар айтдилар. Шунингдек, ҳайит байрами фазилатлари, Расулуллоҳ соллаллоҳу алайҳи васаллам бу айёмни қандай ўтказганликлари хусусида маъруза қилдилар.
Ҳайит намози адо этилгач, юртимизга тинчлик ва тараққиёт тилаб, элимизга файзу барака, хонадонларимизга ободлик, дастурхонларимизга тўкинлик, муборак Рамазон ойида қилинган барча ибодатлар эҳсон ва хайрияларнинг ҳусни мақбул бўлишини, келаси йил Рамазон ойларига ҳамда ҳайит кунларига бекаму-кўст етиб бормоғлигимизни сўраб дуолар қилинди.
Жомеларга ташриф буюрган намозхонлар эмин-эркин ҳайит намозини адо этиб, бир-бирларини байрам билан самимий муборакбод этишди. Масжидлардан бошланган хурсандчилик хонадонларга, ундаги ихлосли қалб соҳибларига кўчиб, иймоннинг, эзгулик ва биродарликнинг танатанаси бўлади иншааллоҳ. Рамазон ҳайити муборак бўлсин!
Ўзбекистон мусулмонлари идораси Масжидлар бўлими
Ўзбекистон мусулмонлари идораси раиси, муфтий Усмонхон Алимов ҳазратларининг Рамазон ҳайити табриги
Бисмиллаҳир Роҳманир Роҳийм.
Рамазон ойининг рўзасини бандаларига фарз қилган Аллоҳ таолога ҳамду санолар бўлсин!
Рамазон ойининг тунларида бедор бўлишни умматига суннат қилиб қолдирган Ҳазрати Пайғамбаримиз соллаллоҳу алайҳи васалламга дуруду салавотлар бўлсин!
Азиз ватандошлар, Ўзбекистон мусулмонлари идораси ва ўз номимдан Сизларни улуғ айём – муборак Рамазон ҳайити муносабати билан чин қалбдан, самимий муборакбод этамиз.
Аллоҳ таолога ҳамду санолар бўлсинки, Рамазони шариф рўзасини адо этишни насиб қилди. Мўмин-мусулмонлар субҳидамда саҳарлик дастурхони атрофида ибодатга киришдилар, файзли оқшомларда эса ифторлик қилиб, таровеҳ намозларига ошиқдилар, юртимиздаги масжидларда хатми Қуръонлар ўқилди.
Имом Бухорий ҳазратлари ривоят қилган ҳадиси шарифда Ҳазрати Расулуллоҳ соллаллоҳу алайҳи ва саллам:
“Ким Рамазон рўзасини фарзлигига ишониб, савоб умид қилиб тутса, ўтган гуноҳлари кечирилади. Ким Рамазон кечаларида иймон билан, савоб умидида ибодат ила бедор бўлса, ўтган гуноҳлари кечирилади”, деб марҳамат қилганлар.
Минг шукрлар бўлсинки, бу йил 2000 мингдан зиёд масжидда таровеҳ намозлари, 1200 дан ортиқ масжидда хатми Қуръонлар бўлиб ўтди. Қориларимиз йилдан-йилга кўпайиб бориши билан бирга хориж мамлакатларида, хусусан, АҚШ, Россия ва Малайзия давлатларида хатми Қуръонга ҳам ўтдилар.
Кейинги йилларда Ислом динини равнақ топтириш борасида мамлакатимизда жуда кўп ишлар қилинмоқда. Жумладан, Имом Бухорий ва Имом Термизий номларидаги халқаро илмий марказлар, Ислом цивилизацияси маркази, Ўзбекистон халқаро ислом академияси ташкил этилгани, Мусҳафи шариф нашр қилингани шу йўлдаги улкан қадамлар бўлди.
Жорий йилда Самарқанд вилоятида Ҳадис илми мактаби ташкил этилгани илм-маърифатга чанқоқ ёшларимизга жуда катта имконият бўлди.
Якунига етаётган Рамазони шариф бу йил ҳар қачонгидан ҳам фазилатли ва барокотли бўлди. Бу йилги Рамазони шариф ойининг аввал бошида марҳум ва мағфур Шайх Муҳаммад Содиқ Муҳаммад Юсуф ҳамда азиз авлиё зот Сузук ота масжид-мажмуаларининг қуриб битказилиб, мўмин-мусулмонлар ихтиёрига топширилиши халқимиз қалбига катта сурур бағишлади.
Хайр-саховат, меҳр-мурувват ойи бўлмиш Рамазони шарифда мўмин-мусулмонларнинг ҳиммати баланд, шижоати юксак бўлди, қариндош-уруғлар, қўни-қўшнилар, кексалар, беморлар, муҳтожлар кўнгли олинди, Аллоҳ таоло фарз қилган закотлар адо этилди, фитр садақаси ҳамда фидялар берилди.
“Вақф” фонди томонидан ҳам икки миллиардга яқин закот маблағлари тарқатилиб, ёрдамга муҳтож кишиларнинг қалбларига қувонч улашилди.
Энди йил давомида мана шундай олийҳимматлик ва қўли очиқлик қилишда бардавом бўлайлик.
Табаррук айём арафасида озодликдан маҳрум этиш жазосини ўтаётган бир гуруҳ шахсларни афв этиш тўғрисида муҳтарам Президентимизнинг фармонлари қабул қилингани халқимизга хос кечиримлилик ва меҳр-шафқат фазилатларининг яна бир яққол намоёни бўлди.
Давлатимиз Раҳбари томонидан муборак Рамазон ойида яна бир хайрли, улкан аҳамиятга эга инсонпарварлик иши амалга оширилди.
156 нафар ватандошимиз, асосан аёллар ва болалар Яқин Шарқдаги қуролли можаролар ҳудудидан юртимизга қайтарилди.
Алдов оқибатида ўзга юртга бориб қолиб, оғир ҳаётий даврни бошидан ўтказган бу инсонларга ҳукуматимиз томонидан тиббий, моддий ва маънавий ёрдам кўрсатилди. Уларнинг тинч ҳаётга қайтиб, жамиятга мослашишлари учун зарур шароит яратилди, бошпана ва иш билан таъминлаш чоралари кўрилди.
Ҳеч шубҳасиз, бу иш билиб-билмай нотўғри йўлга кирган инсонларни кечириш, уларни оиласи бағрига, тўлақонли ҳаётга қайтаришга қаратилган тарихий воқеадир.
Донишмандлардан бир «Бир ғариб кўнглини қила олсанг шод, Яхшидир ер юзин қилгандан обод», дейдилар.
Бизлар шундай берилган неъматларнинг қадрига етиб, динимиз ривожига кўрсатилаётган шароитларни Аллоҳ таборака ва таолонинг улуғ марҳамати деб қабул қилишимиз, бунинг шукронасини ҳамиша адо этишимиз лозим.
Бундай улуғ савобли ишларга бош бўлган муҳтарам Президентимиз ва бу ишларга самимий ёндошган мутасаддиларга мўмин-мусулмон халқимиз номидан чексиз миннатдорлик изҳор қиламиз.
Азизлар, бугун катта байрам – Рамазон ҳайити Ислом динимизнинг учинчи рукни бўлмиш рўза ибодатининг адо этилиши муносабати билан нишонланадиган улуғ байрам, қувончли воқеадир. Зеро, ҳар бир мўмин-мусулмон учун Роббининг ибодатини адо этиш чинакам бахту саодатдир. Шунинг учун бу байрам иймон ҳаловати байрами, ибодат байрамидир.
Рамазон ойидан барча гуноҳларидан пок бўлиб чиққан мўмин-мусулмонларга жаннатнинг Райён дарвозасидан кириш бахти насиб этиши башорат қилинган.
Имом Бухорий ҳазратлари ривоят қилган ҳадиси шарифда Ҳазрати Пайғамбаримиз соллаллоҳу алайҳи ва саллам:
“Жаннатнинг бир эшиги бор, у Раййон деб аталади. Қиёмат куни ундан фақат рўзадорлар киради, улардан бошқа ҳеч ким кирмайди. “Рўзадорлар қаерда?” дейилади. Рўзадорлар турадилар...”, деб марҳамат қилинган.
Муҳтарам Президентимизнинг “Муборак Рамазон ойини муносиб тарзда ўтказиш тўғрисида”ги қарорлари эълон қилинди. Ушбу қарорда белгиланган вазифалар Рамазон ҳайитини юртимизда жуда ҳам кўтаринки руҳда ўтишига асосий омил бўлади.
Азизлар юртдошлар, яна бир бор Рамазон ҳайитингиз муборак бўлсин!
Аллоҳнинг раҳмати ва баракоти ёғилиб турган ушбу дамда, қалбимиз юмшаб, ихлосимиз ортиб турган лаҳзаларда дуо қилайлик: Илоҳо, бизга истиқлол ва тинчликдек улуғ неъматларингни бердинг, бу неъматларни то Қиёматгача бардавом қилгин. Элини, юртини янги марралар сари дадил етаклайдиган ва динингни азиз қиладиган раҳбарни бердинг, у кишини Ўз ҳифзу ҳимоятингда асрагин, олиб бораётган ишларида Ўзинг ёру мададкор бўлгин! Халқимизни, жонажон Ватанимизни офату кулфатлардан, балою қазолардан Ўзинг сақлагин. Ҳаётимизни бундан-да фаровон қилгин.
Азизлар юртдошлар, Рамазон ҳайитингиз муборак бўлсин!
Усмонхон АЛИМОВ,
Ўзбекистон мусулмонлари идораси раиси, муфтий
Фоторепортаж: "Ҳазрати Имом" масжидида ҳайит намози
Суратлар муаллифи Шаҳзод Шомансур
Мирзиёев поздравил Узбекистан с Рамазан хайитом
Президент республики поздравил народ Узбекистана и всех мусульман с праздником Рамазан хайит, сообщает пресс-служба главы государства.
Президент заметил, что именно этот праздник - время проявления доброты, милосердия и гуманизма. И вместе с народом мы стремимся укреплять в себе только самые добрые чувства.
Мирзиёев подчеркнул, что проводимые в Узбекистане реформы созвучны и помогают добиваться этих целей, наряду с благосостоянием народа.
Одной из важных целей сейчас это сохранить национальную самобытность, духовные ценности, древнюю историю и богатую культуру, глубоко изучать их и широко популяризировать.
За время Рамазана были открыты новые соборные мечети: в Термезе – имени великого ученого-богослова Хакима Термези, в Ташкенте – названные именами выдающихся улемов Сузук-ата и Шейха Мухаммада Содика Мухаммада Юсуфа.
По данным Sputnik, в этот светлый праздник президент от всей души поздравил мусульман из стран ближнего и дальнего зарубежья, всех наших друзей и партнеров, желаем всем народам мира благополучия и процветания.
Шавкат Мирзиёев процитировал также Имама Бухари "истинный мусульманин желает другим людям только добра, как самому себе".
"Убежден: если мы всегда будем жить с открытым сердцем, наполненным светом доброты Всевышнего, и вместе с тем, в полной мере осознавая требования времени, осваивая достижения науки и прогресса, будем преданно служить Родине во имя ее процветания, – обязательно достигнем поставленных перед собой высоких целей,"- завершил президент.
Также поздравить узбекистанцев поспешила и Саида Мирзиёева. В своем Instagram она выложила фото отца, которое сразу стало хитом в сети.
"Иногда Папа сам готовит плов для нашего семейного дастархана, а мы ему помогаем. Поздравляю с днем Арафа!,"- добавила Мирзиёева.
Ранее сообщалось, что согласно постановлению "О праздновании Рамазан хайита", из-за совпадения в 2019 году первого дня Рамазан хайита с 5 июня (средой), этот день будет широко отмечаться как праздник, а четверг, 6 июня, также объявлен выходным днем.
Пресс-служба Управления мусульман Узбекистана
Видеолавҳалар
