muslim.uz
Тарихий обидалар ҳақида QR-код тизими “сўзлаб беради”
Сайёҳлар учун 12 та тилда Ўзбекистоннинг диққатга сазовор жойлари тўғрисида маълумот берувчи QR-код тизими ўрнатилиши ҳақида Туризмни ривожлантириш давлат қўмитаси томонидан хабар берилди.
Жорий йилнинг 6 декабр куни Ўзбекистон Республикаси Туризмни ривожлантириш давлат қўмитаси, Маданият вазирлиги ҳамда “Теҳно Даргоҳ” МЧЖ ўртасида уч томонлама келишув меморандумини имзоланган ва ушбу меморандумга кўра, юртимизнинг SMART туризм малакати сифатида халқаро туризм бозоридаги имиджини ошириш ва сайёҳларга қулайлик яратиш учун IТ-технологияларидан фаол фойдаланиш мақсадида томонлар “Verum QR” қўшма лойиҳасини амалга оширишнинг амалий босқичини бошлаб юбордилар.
Замонавий сайёҳ ўзига керакли маълумотни олишда замонавий ахборот-коммуникация технологиялари, биринчи навбатда, смартфонлардан фойдаланишга ўрганиб қолган. Ҳозирги кунда жаҳонда SMART туризм концепцияси жуда ҳам ривожланиб бормоқда, Ўзбекистонда эса бу технология илк бора ҚР-кодлар ёрдамида сайёҳларга тақдим этилмоқда. Ушбу лойиҳа доирасида сайёҳ QR-код тасвирига ишора қилган ҳолда бир неча сониядан сўнг ўз смартфонига 12 та тилда осон ва қулай кўринишда юртимизнинг диққатга сазовор жойлари ҳақидаги барча маълумотни қабул қилиб олади. Шу билан бирга фойдаланувчиларга нафақат сайёҳлик обектлари ҳақида, балки энг яқин меҳмонхоналар, ресторанлар, санъат галереялари ва бошқа архитектура ҳамда тарихий ёдгорликлар ҳақида ҳам маълумот берилади.
Ўзбекистон Республикаси Туризмни ривожлантириш давлат қўмитаси ва “Теҳно Даргоҳ” масъулияти чекланган жамияти ҳамкорлигида амалга оширилган дастлабки иш натижалари аллақачон Хива шаҳрида синов тарзида ишга туширилган эди.
Аслида бу бир зиёрат эди
Тошкент вилоят бош имом-хатиби Хайруллоҳ Турматов бошчилигида, Оҳангарон туман имом-хатиблари ҳомийлигида ушбу тумандаги “Саховат” интернат уйининг нуроний отахонлари ва дуоггўй оналари учун байрамона дастурхон тузатилди.
Мазкур даргоҳга кириб борар экансиз, ундаги ўзига хос таъсирчан сукунат, айниқса, дуогўй нуронийларнинг соғинчли нигоҳлари сизни ўзига ром айлайди. Уларнинг аксари ёлғиз кексалардир. Қулоғингизга худди аллақайдан “Болам, келдингми…” деган сас чалингандек туюлади.
Бу ердаги шароитлар ҳавас қилса арзигулик даражада. Фақат уларни вақти-вақти билан зиёрат қилиб турилса бас…
Хайруллоҳ Турматов нуронийларга гўзал тилаклар билдириб, уларга аталган совға-саломларни топширди. Сўнгра дастурхонга ош тортилди.
Уларнинг илтимоси шундай бўлди: “Домлажон, узоқ соғиртирмасдан тез-тез келиб туринг-а!”.
Миннатдорлик билан термилиб қолган нуронийларнинг дийдалари юмшаб, юзлари табассумдан ёришиб, кўзларида раҳмат ёшлари думалади.
Аслида эса бу бир кичик эътибор ва зиёрат эди.
Измирдаги кўргазмада Ўзбекистоннинг зиёрат туризми салоҳияти намойиш этилмоқда
Жорий йилнинг 7 декабрь санасидан “Travel Turkey Izmir-2017” халқаро сайёҳлик кўргазмаси ўз ишини бошлагани ва ушбу кўргазмада Ўзбекистон делегацияси биринчи маротаба иштирок этаётгани ҳақида Туризмни ривожлантириш давлат қўмитаси Мабуот хизмати хабар берди.
Ўзбекистоннинг сайёҳлик салоҳияти ягона “Ўзбекистон” Миллий стенди доирасида тақдим этилди. Унда Ўзбекистон Республикаси Туризмни ривожлантириш давлат қўмитаси вакиллари, Бухоро, Тошкент ва Хоразм вилоятлари ҳокимларининг туризм соҳасини ривожлантириш масалалари бўйича ўринбосарлари, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раиси ўринбосари, Ўзбекистон Мусулмонлари идораси вакиллари, “Зангиота” ва “Ҳаким ат-Термизий” мемориал мажмуаси раҳбарлари, шунингдек, Ўзбекистоннинг 12 йирик туристик компанияси вакиллари (East Asia Point, Orient Mice, Azimut Travel, Asia Tour Elite, Nanay’s Paradise, Expert Navigator, Bukhara Eco Travel, East Line Tour, Ulysee Tour, Uzintour, Ark Travel, Lola Tour Service), ҳаммаси бўлиб 53 киши иштирок этмоқда.
Бу йилги 11-анъанавий “Travel Turkey Izmir-2017” халқаро сайёҳлик кўргазмасида 83 давлатдан бўлган сайёҳлик саноатининг 40 мингдан зиёд вакили 119,400 квадрат метр майдонга эга бўлган замонавий кўргазма комплекси ҳудудида иштирок этмоқда.
Кўргазманинг биринчи кунида Ўзбекистон делегацияси Туркия Маданият ва туризм вазирлиги вакиллари, Туркия сайёҳлик агентликлари ассоциацияси (TURSAB) директор ўринбосари, Туркиянинг маҳаллий ҳокимияти органлари раҳбарлари, хусусан, Ургуп, Эскишаҳар, Кушадаси шаҳарлари мэрлари, хорижий сайёҳлик компаниялари ва оммавий ахборот воситалари вакиллари билан учрашганлари хабар қилинди.
Хусусан, Эскишаҳар ва Кушадаси шаҳарлари муниципалитетлари раҳбарлари билан музокаралар чоғида туркиялик ҳамкасблар ҳар икки йўналишда мунтазам равишда сайёҳлик оқимини таъминлаш, шунингдек, Ўзбекистон шаҳарлари билан дўстона муносабатлар ўрнатиш масалаларини ишлаб чиқиш борасида катта қизиқиш билдиришгани қайд этилди.
Кўргазма доирасида Туризмни ривожлантириш давлат қўмитаси вакиллари томонидан ўтказилган учрашувлар ва музокаралар давомида мамлакат сайёҳлик идоралари, йирик сайёҳлик ассоциациялари ва Туркия сайёҳлик соҳасидаги ишбилармон доиралар вакилларига Ўзбекистон раҳбари томонидан туризм соҳасини жадал ривожлантириш бўйича кўрилаётган чора-тадбирлар ҳақида маълумот берилди.
Хорижий шериклар “Зиёрат туризми” йўналиши бўйича катта салоҳият, инвестициялар, шунингдек, ўзаро манфаатли ҳамкорликни йўлга қўйиш имкониятлари билан таништирилди.
Байрам тадбирлари улашиб бормоқда
Самарқанд вилояти Ургут туман бош имом-хатиби Шоди Ҳақбердиев ташаббауси билан Конституциямизнинг 25 йиллик байрами арафасида ҳомийларни жалб этган ҳолда туман ногиронларнинг “Мурувват” уйида яшаб, даволанаётган 450 нафар 1 ва 2-гуруҳ ногиронларига байрам зиёфати ташкил этилди.
Ушбу тадбир “3 декабрь – Халқаро ногиронлар куни” муносабати билан қилинган муруват ишларининг узвий давомидир.
Тўкин дастурхон атрофига йиғилган кўмакка муҳтожларнинг хурсандчилик ила боққан нигоҳларидан уларнинг қанчалик мамнунлигини билиш мумкин эди.
Зиёфат сўнгида “Мурувват” уйида яшовчи кўмакка муҳтож 450 нафар кишига қишги иссиқ кийим-кечаклар улашилди.
Нанай қишлоғида янги мактаб фойдаланишга топширилди
8 декабрь санаси мамлакатимизда инсон ҳуқуқлари ва манфаатларининг асоси, Ўзбекистон мустақиллигининг ҳуқуқий манбаси бўлган Конституция қабул қилинганинг 25 йиллиги санасини нишонладик.
Ушбу кунда Республикамизнинг барча ҳудудларида турли тадбирлар ва эзгу ишларга йўғрилган маросимлар ўтказилди. Шифохоналар, мактабларнинг очилиши халқимизга совға бўлди дейиш мақсадга мувофиқдир.
Кеча, 8 декабрь куни Андижон шаҳрида шоир Муҳаммад Юсуф хотирасига бағишланган ҳиёбон ва унинг номи билан аталувчи ихтисослашган мактаб-интернатининг очилиш маросими ўтказилди. Таълим муассасасида шоир ҳаётини акс эттирувчи музей ҳам очилган. Музейда унинг шахси ва адабий меросига доир жуда кўп материаллар тўпланган.
Наманганда Конституция қабул қилинганининг 25 йиллиги арафасида мукаммал таъмирдан чиқарилган «Дўстлик уйи» фойдаланишга топширилди.
Вилоятда 80 дан ортиқ миллат вакиллари истиқомат қилмоқда. Рус, қирғиз, тожик, корейс миллий-маданий марказлари фаолият кўрсатмоқда.
Наманган вилоятининг Қирғизистон билан чегара ҳудудидаги Нанай қишлоғида 216 ўринли мактаб ва 60 ўринли ҳудудий шифохона ҳам фойдаланишга топширилди.
Бу сингари тадбирлар юртимизнинг барча ҳудудларида амалга оширилмоқда.
Видеолавҳалар
