Истанбулда Бутунжаҳон мусулмон уламолари кенгашининг янги раҳбари танланди. Жорий йилнинг 8 ноябрь куни Туркиянинг Истанбул шаҳрида Бутунжаҳон мусулмон уламолари кенгашининг навбатдаги йиғилиши ўз ишини якунлади. Ушбу йиғилишда ташкилотнинг узоқ йиллар давомида раҳбари сифатида фаолият юритиб келган раҳбари шайх Юсуф ал Қарзовий истеъфога чиққанлигини эълон қилди.
Бутунжаҳон мусулмон уламолари кенгашининг ушбу анжумани ташкилот тарихидаги энг кўп аъзо иштирок этгани бўлди. Тадбирда 1030 нафар уламолар ва 50 та исломий ташкилотлар иштирок этган.
Бугун, 8 ноябрь куни Бутунжаҳон мусулмон уламолари кенгашининг янги раҳбари сифатида марокашлик уламо Аҳмад ар Рисуний сайланган. Уни сайлаш учун кенгашнинг 93 фоиз аъзоси овоз берган.
ЎМИ Матбуот хизмати
