Пандемия сабаб Саудия Арабистонидаги Масжидул Ҳаром ва Масжидун Набавий ишларининг Бош раҳбари Шайх, доктор Абдурроҳман Ас-Судайс Замзам сувини тарқатадиган ақлли роботни ишга туширди. У замзам суви идишларини одамлар аралашувисиз доимий равишда 8 соат давомида тарқатиши айтилди.
Шайх, доктор Абдурроҳман Ас-Судайс замонавий технологиялар инсониятга хизмат қилиш учун ишлатилаётгани, айниқса, коронавирус пандемияси хатарини эслатиб: “Бу технология Икки муқаддас масжид зиёратчилари хавфсизлигини сақлайди”, дея таъкидлади.
Масжидул Ҳаром ва Масжидун Набавийнинг умумий раҳбари бутун инсоният хизмат қилаётган замонавий илм-фан ва рақамли тараққиёт эришган ютуқларини мақтади. Ақлли робот идишдаги замзам сувини тарқатади ва зиёратчилар ҳаракатига тўсқинлик қилмасдан ишлайди.
ЎМИ Халқаро алоқалар бўлими
