Солнечногрск аҳолиси учун ушбу ҳудудда масжиднинг очилиши катта байрамга айланди. Бунинг сабаби сифатида эса Москва ва Москва вилоятларида масжидлар сонининг оз экани айтилди. islamosfera.ru нашрининг хабарига кўра 2000 йилда қурилиши бошланган масжид 18 йил ўтиб очилган.

Масжиднинг расмий очилиш маросими Рамазон ҳайити муносабати билан ўтказилган ва унда Фаластин, Индонезия ва Судан мамлакатларининг элчилари, муфтий Равил Гайнутдинов иштирок этган.

Маълумотларга кўра, масжидда бир вақтнинг ўзида 800 намозхон ибодат қилиши мумкин.

ЎМИ Матбуот хизмати