www.muslimuz
РАСМДАГИ ИБРАТЛАР: Ҳаёт учун кураш
Қоплон қувлаб, тутиб, емаса, яшолмайди.
Кийик қочиб қутулмаса, яшолмайди.
Интернет маълумотлари асосида Нозимжон Ҳошимжон тайёрлади
Ислом тарихи: ЮНУС АЛАЙҲИССАЛОМ
ИРОҚДАГИ АККОД ВА БОБИЛ ДАВЛАТИ
Иброҳим алайҳиссаломнинг қавмидан бўлган сумарийларнинг гумроҳлиги ва залолати ортиб борди. Аллоҳ таоло уларнинг устидан золим жамоаларни ҳукмрон қилди.
Минтақага аккодийлар эга бўлиб олишди. Сўнг жануби-ғарбий тарафдан бошқа жамоалар келишди. Улар ерлик аҳоли устидан ғолиб келиб, минтақага ҳукмдорлик қила бошлашди. Улар ўзларига Бобил шаҳрини пойтахт қилиб олишди. Бу давлат гуллаб-яшнади. Бобилликлар зироат ва меъморчилик ишларига алоҳида аҳамият беришди. Уларнинг энг машҳур подшоҳларидан бирининг исми Ҳаммурапи (мил. авв. 1792-1750 йилларда ҳукмронлик қилган) эди. У «Ҳаммурапи шариати» деб танилган қонунларни жорий қилди. Мана шу қонунлар ер юзида башарият тарихидаги инсонлар чиқарган илк қонунлар мажмуаси бўлади. Бу қонунлар одамлар устидан ҳукмронлик қилиш ва уларга эга чиқиш мақсадида чиқарилган эди.
Ҳаммурапининг ўлими билан у чиқарган қонунлар ҳам йўқ бўлиб кетди. Унинг қавми эса ҳайкаллар ва юлдузларга ибодат қилишда давом этаверди.
Аллоҳ субҳанаҳу ва таоло уларга бошқа қавмларни ҳукмрон қилди. Уларга шимол тарафдан ҳайсийлар (хеттлар) ва мийтонийлар, кейин ошурийлар номли қавмлар келишди. Мазкур қавмлар уларни ҳалокатга учратди.
ИРОҚДАГИ ОШУРИЙЛАР ДАВЛАТИ
Ошурийлар мазкур минтақада – Ироқнинг шимолида ўз ҳукмларини ўрнатдилар. Уларнинг пойтахти Нийнаво шаҳри эди. Сўнг ошурийларнинг нуфузи барча Ироқ ерларига, Шомга ва Мисрнинг баъзи жойларига тарқалди. Энг машҳур подшоҳларидан бири Салманасар (Шалманасар) Ш деб аталади (мил. авв. 858-824 йилларда ҳукмронлик қилган), бошқа бирининг исми эса Ошурбанибал (Ашшур-банипал) (мил. авв. 668-627 йилларда ҳукмронлик қилган) эди. Улар ҳам бутларга ибодат қилишда девом этавердилар. Ақлларини ишга солиб, ўзларидан олдингиларга етган офат-фалокатлардан ваъз-насиҳат олмадилар.
ЮНУС АЛАЙҲИССАЛОМ
Аллоҳ субҳанаҳу ва таоло Ироқнинг Мовсил вилояти яқинидаги Нийнаво деган жойга ўз набийси Юнус алайҳиссаломни пайғамбар қилиб юборди. Юнус алайҳиссалом Бану Исроилнинг набийларидандирлар. Насаблари Юсуф алайҳиссаломнинг туғишган укалари Бинёминга етиб боради. У зот Юнус ибн Матто исми билан машҳурдирлар. Матто у зотнинг оналарининг исми бўлган. Пайғамбарлар ичида фақат Юнус ва Ийсо алайҳиссаломлар оналарига нисбат берилганлар.
Ўша даврда Юнус алайҳиссалом набий этиб юборилган ерларнинг аҳолиси турли санамларга ибодат қилар, турфа гуноҳ ишлар билан шуғулланишарди. Юнус алайҳиссалом уларни Аллоҳ таолога иймон келтиришга, гуноҳ ишларни тарк этишга даъват қилдилар. Лекин улар бу даъватни кабул қилишмади, фисқу фасод ишларида давом этишди.
Юнус алайҳиссалом маълум муддатдан сўнг уларни Аллоҳнинг азоби нозил бўлишидан огоҳлантирдилар. Кўнишмагач, аччиқлари чиқиб, «Мен ўз вазифамни адо этдим, энди гуноҳкорлар ичида қолмаслигим керак», деган тўхтамга келдилар. Шаҳарни ташлаб, чиқиб кетдилар. Бу ишни ўзларича, шуниси тўғри деган фикрда, Аллоҳнинг изнисиз қилдилар. Юриб-юриб, ниҳоят денгиз соҳилига етиб бордилар. Жўнашга шайланиб турган бир кеманинг эгаларидан ўзларини бирга олиб кетишларини сўраган эдилар, улар рози бўлишди.
Кема денгизга чиққанда бирдан шамол туриб, довул бошланди. Тўлқин кучайиб, кеманинг ғарқ бўлиш хавфи туғилди. Кема бошқарувчилар ҳам, йўловчилар ҳам қўрқиб, даҳшатга тушишди. Тўпланиб маслаҳат қилишди. Баъзилар: «Ичимизда гуноҳкор киши бор, шунинг учун ноқулай аҳволда қолдик», дейишди. Маслаҳатдан сўнг қуръа ташлаб, қуръа кимнинг чекига тушса, ўша одамни қурбонлик учун денгизга ташлаб юборишга қарор қилишди. Қуръа қайта-қайта Юнус алайҳиссаломга чиқди ва у зотни денгизга ташлаб юборишди. Аллоҳ таолонинг амри билан у зотни улкан балиқ ютиб юборди ва ҳазм қилмасдан, қорнида олиб юрди. Шунда Юнус алайҳиссалом хатоларини тушуниб етдилар. Балиқнинг қорнида ёлвориб, зорланиб, Аллоҳ таолога дуо қилдилар. Аллоҳ таоло дуоларини ижобат қилиб, балиққа амр қилди ва у Юнус алайҳиссаломни озор етказмасдан, очиқлик жойга олиб чиқиб ташлади. Баданлари балиқнинг ичида оқ ем бўлиб кетган Юнус алайҳиссалом беҳуш ётиб қолдилар. Аллоҳ таоло раҳм қилиб, офтобдан зарар етмаслиги учун устиларига соя солиб турувчи сербарг ошқовоқни ўстириб қўйди. Ушбу ҳолатда бир муддат ётиб, соғайиб, ўзларига келдилар.
Аллоҳ таоло у зотга қавмларининг олдига боришлари учун фармон берди. Юнус алайҳиссалом кетиб қолгач, азобнинг бошланиши зоҳир бўлгандан сўнг улар хатоларини тушуниб, Аллоҳга азобни қайтаришини сўраб, ёлвориб, тавба қилишган эди. Уларнинг сони юз мингдан кўпроқ эди. Юнус алайҳиссалом уларнинг ҳузурига қайтиб, барчаларини иймонга чақирдилар ва Аллоҳ таоло уларни ҳидоятга бошлади.
Қуйидаги ояти каримада Аллоҳ таоло Юнус алайҳиссаломни «улул азм» («сабот-матонатли») пайғамбарлар билан бир қаторда зикр қилган:
«Биз сенга худди Нуҳ ва ундан кейинги набийларга ваҳий юборганимиздек ваҳий юбордик. Биз Иброҳим, Эсмоил, Исҳоқ, Яъқуб ва унинг авлодлари, Ийсо, Айюб, Юнус, Ҳорун ва Сулаймонга ваҳий юбордик. Довудга эса Забурни бердик» (Нисо сураси, 163-оят).
Аллоҳ таоло Қалам сурасида Юнус алайҳиссаломнинг қиссаларини қуйидагича баён қилади:
«Роббингнинг ҳукмига сабр қил ва бир вақтлар ғамга тўлган ҳолда нидо қилган «балиқ соҳиби» сингари бўлма» (48-оят).
«Балиқ соҳиби»дан мурод Юнус алайҳиссаломдир. У зот қавмига аччиқ қилиб, уларни ташлаб чиқиб кетганлари, кемада кетаётиб, қуръага тушганлари ва денгизга отилганлари, балиқ ютиб юборганда унинг қорнида Аллоҳга ёлворганлари ҳақида салгина юқорида маълумотлар олдик.
Кейинги оятларда Юнус алайҳиссаломнинг қиссалари баёни давом этади.
«Агар Роббининг неъмати уни топмаганида, мазамматга қолган ҳолида очиқ саҳро жойга ташланган бўларди. Робби уни танлаб олди ва солиҳ бандаларидан қилди» (49-50-оятлар).
Яъни агар Юнус алайҳиссаломни Аллоҳнинг неъмати излаб топмаганида, у зот ўзларини ютиб юборган балиқ томонидан очиқ саҳрога мазамматли ҳолда ташланган бўлар эдилар.
Лекин Аллоҳ таоло у зотга раҳм кўрсатди. Балиқ озор етказмай қорнидан қирғоққа чиқариб қўйди. Беҳуш ётганларида, устларида сербарг ошқовоқ соя солиб турди. Аллоҳ таоло у зотни Ўзининг солиҳ бандаларидан қилди.
Юнус алайҳиссалом қавмининг нажот топиши
Юнус алайҳиссалом қавмининг нажоти ҳақида Аллоҳ таоло Юнус сурасида қуйидагиларни айтади:
«Қани энди, бирон қишлоқ иймон келтирганда, унга иймони манфаат берса эди. Фақат Юнус қавми иймон келтирганларида, улардан дунё ҳаётидаги хорлик азобини кушойиш қилдик ва уларни маълум вақтгача баҳралантирдик» (98-оят).
Бундан бошқа ҳеч бир қавм бошига илоҳий азоб келиб қолганда тавба қилиб, нажот топмаган. Балки Фиръавнга ўхшаб охирги лаҳзада келтирган иймони фойда бермай, ҳалокатга учраган.
ИККИНЧИ БОБИЛ
КАЛДОНИЙЛАР ДАВЛАТИ ТАМАДДУНИ
Вақт ўтиб минтақада ҳукмронликни калдонийлар ўз қўлларига олишди. Уларнинг энг улуғ подшоҳларидан бири Бухтанассор (Навуходоносор) II деб аталади (мил. ззв. 605-562 йилларда ҳукмронлик қилган). У Шом юртларини эгаллаб олган эди. Бухтанассор II Қуддусни вайрон қилди, яҳудийларни қирғинбаротга учратди, уларнинг мол-мулкларини талади ва устларидан ўз ҳукмини ўрнатди. У ўшa пайтдаги яҳудийларнинг кўпчилигини ҳалок қилди, қувғинга учратди ва асирга олди. Ана шу даврда Бану Исроил ер юзининг турли тарафларига тарқалиб кетди. Уларни бир жамоаси Ҳижозда, бошқаси Мисрда ва яна бошқалари турли ерларда жойлашиб қолишди. Бухтанассор II Мисрни ҳам босиб олди. У қўл урган энг катта ишлардан бири – машҳур Бобил минорасини бино қилиш бўлди.
Ушбу давлат форслар томонидан йўқ қилиб битирилди. Форс шоҳи Куруш (Кир II Буюк) милоддан аввалги 539 йилдa мазкур давлатни босиб олди.
ФОРС ДАВЛАТИ ТАМАДДУНИ
Форслар асли ироқлик кишилардир. Кейинроқ улар шарққа ҳижрат қилишган ва Форс давлатини обод этишган. Улар кучли бўлганларидан сўнг калдонийларга қарши юриш қилишди. Аввал айтиб ўтилганидек, Миср ва Ироқни эгаллаб олишди. Миср форсларнинг ҳукмида Александр Македонский давригача қолиб кетди. Ироқ эса форсларнинг ҳукмронлиги остида Ислом фатҳларигача турди.
КЕЙИНГИ МАВЗУЛАР:
УЧИНЧИ ФАСЛ.
ШОМ ЮРТЛАРИНИНГ НАБИЙЛАРИ ВА ТАМАДДУНЛАРИ:
Лут алайҳиссалом;
Исмоил алайҳиссалом;
Исҳоқ алайҳиссалом;
Яъқуб алайҳиссалом;
Юсуф алайҳиссалом;
Ўша даврдаги баъзи тамаддунлар;
Эътироф: Ўзбекистон энг хавфсиз мамлакатлар қаторидаги ўрнини мустаҳкамлади
Халқаро миқёсда ҳар йили эълон қилиб бориладиган Global Terrorism Index рейтингида мамлакатимиз 160 давлат ичидан 135-ўринни эгаллаб, энг хавфсиз мамлакатлар қаторидаги ўз мавқеини янада мустаҳкамлади. Таъкидлаш лозимки, халқаро экспертлар Ўзбекистонни ушбу рейтингда 2017 йилда 117-ўрин, ўтган йили 132-ўринга жойлаштиришган эди.
Ушбу нуфузли ташкилот томонидан эълон қилинган маълумотларда Ўзбекистоннинг юқори поғоналарда қайд этилганини, муҳтарам Юртбошимиз ташаббуслари билан сўнгги йилларда юртимизда экстремизм ва терроризмга қарши кураш «жаҳолатга қарши маърифат» улуғвор ғояси асосида диннинг асл инсонпарварлик моҳиятини, эзгулик, тинчлик ва инсонийлик каби фазилатлар азалий қадриятларимиз ифодаси эканлигини кенг ёритиш, ёт ғояларнинг асл моҳияти ва мақсадлари ҳақида аҳолининг, айниқса, ёшларнинг хабардорлик даражасини ошириш, тақиқланган ташкилот ва гуруҳлар таркибига адашиб кириб қолган, шу жумладан, Ўзбекистон Республикаси ҳудудидан ташқарида бўлган, ўз қилмишининг ҳуқуққа хилофлигини англаб етган ва тузалиш йўлига ўтган фуқароларга Ватанига, оиласи бағрига, тинч ҳаётга қайтиш имконини бериш каби йўналишларда амалга ошириб келинаётган кенг қамровли ишлар натижаси сифатида қайд этиш лозим.
Шу ўринда юртимизда Ўзбекистоннинг мусулмон дунёсидаги нуфузини тиклаш мақсадида буюк мутафаккир олим ва аллома аждодларимиз хотирасига кўрсатилаётган юксак эҳтиром, улар тарғиб этган соф ислом таълимоти, тарихи ва маданиятини тадқиқ этиш ҳамда халқимиз қалбига янада чуқур кириб бориши йўлида амалга оширилаётган эзгу ишларни таъкидлаш жоиз. Имом Термизий халқаро илмий-тадқиқот маркази, Имом Бухорий халқаро илмий-тадқиқот маркази, Ўзбекистондаги ислом цивилизацияси маркази, Мир Араб Олий мадрасаси, Ҳадис Олий мактаби, Ўзбекистон мусулмонлари идораси тизимидаги мадрасалар ва илмий мактаблар халқимизнинг маънавияти, диний маърифатини янада ошириш, ёшларни соғлом дунёқарашли, дунёвий ва диний илмларга интилувчан этиб тарбиялаш каби эзгу мақсадларга хизмат қилмоқда.
Бундай эътирофга лойиқ кўрилишнинг ўзи бўлмагани, бунинг ортида республикадаги давлат, жамоат ва диний ташкилотларнинг ижтимоий ҳамкорлик асносидаги сермаҳсул меҳнати турганини кўпчилик англаб турибди. Бу ўз навбатида, барчамиздан амалий шукроналик, тинчлик ва хавфсизликни таъминлашда барча фуқароларимизнинг фаол бўлишлигини талаб этади. Зеро, кўплаб давлатлар бугунги кунда хавфсизлик масалаларида таҳликали ҳолатларни гувоҳи бўлмоқдамиз. Турли хил низолар, дин ниқобидаги экстремистик ва террористик гуруҳлар томонидан амалга оширилаётган бузғунчилик ишлар, уларнинг фитнаси сабабли юзага келаётган қуролли можаролар натижасида рўй бераётган мудҳиш оқибатлардан тўғри хулоса чиқариш лозим.
Таассуфки, Афғонистон, Ироқ, Нигерия, Сурия, Покистон ва Сомали сингари мамлакатларида муқаддас динимизнинг ниқоб қилиб олган мутаассиб кучлар томонидан кўплаб қон тўкилишлари содир этилмоқда. Улар юқорида қайд этилган глобал рейтингда террорчилар фаолияти ва таҳдиди бўйича энг хавфли мамлакатлар деб топилиб, рейтингнинг дастлабки поғоналаридан ўрин олишган.
Таъкидлаш жоизки, рейтинг Сидней университети (Австралия) Иқтисодиёт ва тинчлик институти шафелиги остидаги халқаро экспертлар гуруҳи томонидан тузилган. Глобал терроризм индекси у ёки бу мамлакат ичидаги террористик фаолият даражасини тўрт асосий кўрсаткич бўйича ўлчайди: террористик ҳодисалар, ҳалок бўлганлар, жабрланганлар сони ва моддий зарар ҳажми. МДҲ мамлакатларидан Украина 24-ўринда, Россия 37-ўринда, Тожикистон – 50-ўринда, Қозоғистон 85-ўринда, Қирғизистон 87-ўринда, Озарбайжон 103-ўринда қайд этилган.
Аллоҳ таолодан муқаддас Ватанимиз ва динимиз равнақи, юртимиз осойишталиги, халқ фаравонлигини бардавом этишини сўраб қоламиз.
Ўзбекистон мусулмонлар идораси матубот хизмати
Дунёнинг энг шимолидаги масжид ҳақида эшитганмисиз?
69-параллел чизиғида, Ер шарининг энг четида, Таймир яриморолида Нурд-Камал масжиди жойлашган бўлиб, Шимолий қутб минтақасидаги энг биринчи қурилган масжиддир. У Россиянинг Норилск шаҳрида бунёд этилган.
Масжид татар миллатига мансуб тадбиркор Мидехат Нурдинович Бикмаев маблағлари ҳисобидан қурилган бўлиб, унга отаси Нурдин ва онаси Гайникамал исмларини бирлаштириб, “Нурдкамал” деб ном қўйилган.
Норилск шаҳрида кўп мусулмонлар истиқомат қилиб, улар деярли шаҳар аҳолисининг учдан бир қисмини ташкил этади. Улар асосин озарбайжонлар, чеченлар, лезгинлар, аварлар ва бошқа миллатлардан иборат. Бундан ташқари шаҳарда сезиларли даражада Марказий Осиёнинг ўзбек, қирғиз ва тожик халқлари вакиллари ҳам истиқомат қилишади. Қолаверса, Норилскда нганасан элати (маҳаллий Сибир халқининг вакиллари) ҳам яшайди. Улар Ислом динини қабул қилишган бўлиб, тез-тез масжидларга қатнаб турадилар. Биргаликда барчалари Россиянинг узоқ шимолида катта таъсирга эга бўлган мусулмон диаспорасини шакллантирадилар.
Масжид жойлашган ҳудудда ҳавонинг ҳарорати қиш пайтларида - 50º даражадан пастга тушиб кетади. Мусулмонлар эса бундай об-ҳавога парво қилмай, масжидга қатнаб, ибодатларини жамоат билан адо этадилар. Жумъа намозига келувчи намозхонлар сони 500 кишидан ошади.
Масжиднинг қурилиши 1993 йилда бошланган. Унинг очилиш маросими 1998 йил 19 сентябрда бўлиб ўтди. Масжид девор ва минораси феруза ранг қилиб ишланган бўлса, масжиднинг хонақоси ва минораси гумбази олтин рангда товланади.
Ушбу Масжид “Дунёнинг энг шимолий масжиди” номи билан Гиннеснинг рекордлар китобига кирган.
Аллоҳ таоло барча масжидлар қатори ушбу масжиднинг дарвозасини қиёматга қадар очиқ ва мўмин-мусулмонлар учун ибодат, илм-маърифат маскани бўлишини насиб этсин!
Интернет маълумотлари асосида Нозимжон Ҳошимжон тайёрлади
"СИЗ БИЗГА КЕРАКСИЗ" шиори остида имконияти чекланганларнинг қўл меҳнати маҳсулотлари кўргазмаси ташкил қилинди.
Ўзбекистон мусулмонлари идораси ташаббуси билан жорий йилнинг 23 ноябрь куни "Шайх Муҳаммад Содиқ Муҳаммад Юсуф" масжидининг мажлислар залида имконияти чекланганларнинг қўл меҳнатлари билан тайерланган маҳсулотларнинг "СИЗ БИЗГА КЕРАКСИЗ" шиори остида кўргазма ташкил қилинди.
Ўзбекистон мусулмонлари идораси ташаббуси билан жорий йилнинг 23 ноябрь куни "Шайх Муҳаммад Содиқ Муҳаммад Юсуф" масжидининг мажлислар залида имконияти чекланганларнинг қўл меҳнатлари билан тайерланган маҳсулотларнинг "СИЗ БИЗГА КЕРАКСИЗ" шиори остида кўргазма ташкил қилинди.
Янгиликлар
