muslim.uz
Аудит ташкилотлари диққатига!
“ВАҚФ” хайрия жамоат фонди 2019 йил фаолияти учун миллий аудит стандарти бўйича мажбурий аудит текширувидан ўтқазиш юзасидан аудит ташкилотини танлаш бўйича танлов эълон қилади.
Танловда қатнашчилар қуйидаги ҳужжатлар солинган ва муҳрланган конвертни тақдим этишлари керак:
1) Аудит ташкилотининг ташкилий хуқуқий шакли, жойлашган ери, почта манзили, телефон алоқа рақами тўғрисидаги маълумотлар;
2) Лицензиялар, раҳбар имзоси ва ташкилотнинг муҳри, суғурта полиси, давлат рўйхатидан ўтганлиги тўғрисидаги гувоҳнома билан тасдиқланган нусхалари;
3) Шартнома предмети, ариза берувчининг юридик шахслар фаолиятининг умумий аудитини ўтказиш тажрибасини кўрсатган ҳолда раҳбарнинг имзоси ва аудит ташкилотининг муҳри билан тасдиқланган тижорат таклифи;
4) Раҳбар имзоси ва ташкилот муҳри билан тасдиқланган хужжатлар, жумладан мутахассисларнинг таркиби ва малакасини тасдиқловчи ҳужжатлар, аудиторлик ташкилотида меҳнат шартномаси бўйича ишлайдиган сертификатларга эга бўлган ходимлар сони;
5) Аудит ташкилоти томонидан аудиторлик хизматларининг нархини кўрсатган ҳолда, молиявий ҳисоботларнинг мажбурий аудити тақдим этиш тўғрисида имзоланган шартнома лойиҳаси.
Юқорида кўрсатилган ҳужжатлар муҳрланган конвертда қуйидаги манзилга тақдим қилиш сўралади:
Тошкент шаҳри, Қорасарой кўчаси, 47 “Вақф” хайрия жамоат фонди
(мўлжал Ҳазрати Имом мажмуаси).
Тақдим қилиш муддати: эълон берилган кундан бошлаб 5 (беш) иш куни.
Танлов тижорат таклифлари топширишнинг охирги кунидан кейинги иш кунида ўтказилади.
Маълумотлар учун: 78-150-64-36, 78-150-64-37
Оқиллик - халқимизга хос фазилатдир
Интервью 24 | Раҳматулла Усмонов,
Қашқадарё вилояти бош имом-хатиби
Афв этилган маҳкумлар Рамазон ҳайитини оиласи бағрида нишонлаш бахтига муяссар бўлди
Муборак Рамазон ҳайити арафасида Ўзбекистон Республикаси Президентининг “Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги Фармонига асосан Пискент туманида жойлашган Тошкент вилояти ИИББ ЖИЭБ 50-сонли манзил колониясида содир этган жинояти учун жазо ўтаётган ҳамда қилмишига чин кўнгилдан пушаймон бўлиб, тузалиш йўлига қатъий ўтган 4 нафар фуқаро афв этилди. 5 нафар маҳкумнинг эса жазо муддати қисқартирилди.
—Бу йилги муборак Рамазон ҳайитини оилам ва яқинларим бағрида нишонлаш бахтига эришдим. Оиладагиларим бу кунни интиқлик билан кутишаётганди, — дейди, Афв Фармони билан жазо муддатини тўлиқ ўташдан 1 йил олдин озодликка чиққан, Фарғона вилояти, Данғара туманида истиқомат қилган Султонали Холиқов. – Баъзан инсон ҳаётда хато йўлга кириб қоларкан. Ўйламай босилган ана шу биргина ноўрин қадам унинг оиласи ва яқинлари юзини ерга қаратади. Мен қилган ишимдан афсусдаман! Хатоларимни тузатишга сидқидилдан киришишга тайёрман. Надоматдаги илтижоларимни қабул қилган Аллоҳга шукрлар айтган ҳолда, пушаймонлигимни инобатга олган Президентимиздан бутун оиламиз номидан бир умр миннатдорман!
Ушбу маҳкум хато йўлда эканлиги туфайли Ўзбекистон Республикаси ЖКнинг 159, 244-моддалари билан 10 йилу 2 ой озодликдан маҳрум қилинганди. Эни у муддатидан олдин оиласи бағрига қайтди. Шунингдек, ушбу манзил колониядан оиласи бағрига қайтиб, фарзанди ва яқинларини бағрига босган Андижон шаҳрида туғилган Дилшод Абдураҳмонов, Тошкент вилояти Ўрта Чирчиқ туманида яшаган Даврон Қўзибоев, Фарғона вилояти Бешариқ туманидан жазони ўташга юборилган Баҳодир Қамбаровлар қилмишидан пушаймонлигини изҳор этишди.
Афв тўғрисидаги Фармон туфайли Тошкент вилоятидаги манзил колониялардан улар каби тузалиш йўлига ўтган маҳкумлар озод этилди. Улар Рамазон ҳайити байрамни ўз яқинлари бағрида нишонлаш бахтига мушарраф бўлишди. Шу боис озодликка чиққан маҳкумлар қалбида мамлакатимиз раҳбариятига миннатдорлик туйғулари, хайрли дуолари мужассам эди.
Шодиёр МУТАҲАРОВ,
(Халқ сўзи)
Манба: xs.uz
Саховатли халқмиз
Интервью 24 | Хайрулла Абдуллаев – Хоразм вилояти бош имом-хатиби
Юртимизда диний соҳада эришилган ютуқлар
Охирги йилларда янгиланаётган Ўзбекистонда турли динларга мансуб қадриятларни авайлаб-асрашга, барча фуқароларга ўз эътиқодини амалга ошириш учун зарур шароитларни яратиб беришга, динлар ва миллатлараро ҳамжиҳатликни янада мустаҳкамлашга алоҳида эътибор қаратилиб, ушбу йўналишда бошқа давлатларга намуна бўладиган бой тажриба орттирилди. Диний қадриятларни тиклаш ва авайлаб-асрашга қаратилган кўплаб ҳукумат қарорлари қабул қилиниб, ҳаётга жорий қилинди.
Буюк алломаларимизнинг зиёратгоҳлари тикланиб, уларнинг илмий мерослари ўрганишга кенг эътибор қаратилмоқда. Сўнгги йилларда Имом Бухорий, Имом Термизий, Имом Мотуридий, Абу Муин Насафий, Ҳаким Термизий, Абдухолиқ Ғиждувоний, Бурҳониддин Марғиноний, Баҳоуддин Нақшбанд, Сузук ота каби алломаларимиз номлари билан боғлиқ қадамжолар ободонлаштирилди.
Шунингдек, Наманган вилоятидаги “Султон Увайс Қораний”, Мавлоно Алийюл қори ва “Ғойиббува” номидаги масжид-мажмуаларининг янги биноларининг оичлиши ҳамда Исоқхон тўра Ибрат номли музей, илмий мактаб ва боғ барпо этилиши юртдошларимизнинг янада қувончига қувонч бағишлади.
Айниқса, “Ҳидоя” ўрта махсус ислом билим юртининг жаҳон андозаларига тўла мос келадиган янги ўқув биноси, анжуманлар зали ва спорт комплекси биноларининг фойдаланишга топширилиши вилоят аҳлининг қалбини сурур билан нурафшон этди.
Юртимиз ва мусулмон дунёсидан етишиб чиққан улуғ мутафаккир ва алломаларнинг бой мероси, уларнинг жаҳон цивилизацияси, илм-фан тараққиёти ривожига қўшган бебаҳо ҳиссасини чуқур тадқиқ этиш ва кенг тарғиб қилиш мақсадида Ўзбекистон халқаро Ислом цивилизацияси маркази, Ўзбекистон халқаро Ислом академияси, Мир-Араб олий мадрасаси, Имом Бухорий ва Имом Термизий халқаро илмий-тадқиқот марказлари, Ҳадис илми мактаби фаолияти йўлга қўйилди. Самарқандда калом илми мактаби, Бухорода тасаввуф мактаби, Қашқадарёда ақида мактаби, Фарғонада ислом ҳуқуқи (фиқҳи) илмий мактаблари очилди. Шунингдек, узлуксиз диний таълим тизими жорий этилди.
“Жаҳолатга қарши маърифат” улуғвор ғояси асосида диннинг асл инсонпарварлик моҳиятини, эзгулик, тинчлик ва инсонийлик каби фазилатлар азалий қадриятларимиз ифодаси эканлигини кенг ёритиш ва бу соҳадаги илмий-маърифий фаолиятни жадал ташкил этиш йўлга қўйилди.
Ислом анъаналарига хос меҳр-шавқат, саҳоват ва хайрия ишларини кучайтириш, диний соҳа ходимларини рағбатлантириш каби эзгу мақсадларда Ўзбекистон мусулмонлари идораси ҳузурида “Вақф” хайрия жамоат фонди ташкил этилди.
Тўғри йўлдан адашганларни ижтимоий реабилитация қилиш
ва уларни соғлом ҳаётга қайтариш мақсадида мазкур шахслар билан кенг жамоатчиликни жалб этган ҳолда тушунтириш-профилактика ишларини тизимли ташкил қилиш, уларни махсус рўйхатдан чиқариш бўйича механизм яратилди. Мазкур механизмнинг самараси сифатида ақидапарастлик ғоялари таъсирига тушган фуқароларнинг ички ишлар органларининг махсус ҳисобларидан чиқарилиши жамиятда катта ижобий натижа берди. 2020 йилда билиб-билмай диний экстремистик ва террористик ташкилотлар сафига кириб, Сурия, Ироқ каби мамлакатларда қуролли ҳаракатларга иштирок этган шахсларнинг аёллари ва фарзандларини “Меҳр”, “Меҳр-2” тадбирлари доирасида юртимизга қайтарилиши оламшумул воқеа бўлди.
Сайт ва ижтимоий тармоқларда Ислом дини маърифати мавзуларини кенг ёритишда эркинлик таъминланиши баробарида салмоқ ва сифат ҳам сезиларли даражада ошди.
Мўмин-мусулмонларнинг диний саволларига ўз вақтида тезкор жавоб бериш мақсадида, колл-марказ, телеграм бот ва алоҳида фатво.уз сайти ишга туширилди. Аллоҳ таоло қуръони каримда:
“Агар (берган неъматларимга) шукр қилсангиз, албатта, (уларни янада) зиёда қилурман…”,- деб таъкидлаган (Иброҳим сураси 7-оят).
Инсон ўзидаги неъмат ҳақида мулоҳаза юритиши, шу неъматдан ўзгалар ҳам баҳраманд ёки бебаҳра эканлигини ўйлаб кўриши билан унинг қадрини англайди.
Бу эса янада кўпроқ Аллоҳга шукр қилишга ундайди.Албатта, бу Аллоҳ таолога хуш келади. Натижада неъматнинг янада зиёда бўлишига сабаб бўлади.
Аллоҳ таоло барчамизга юқоридаги каби неъматларнинг қадрига етиш, унинг учун шукрлар айтиб, уни янада мустаҳкам ва бардавом бўлиш йўлида савобли амалларни қилишимизни насиби рўзи айласин!
Абдулҳай ТУРСУНОВ,
Ўзбекистон мусулмонлари идорасининг
Наманган вилоят вакили
Янгиликлар
