Ўзбекистон мусулмонлари идораси раиси, муфтий Усмонхон Алимов ҳазратлари, Самарқанд вилояти бош имом-хатиби Зайниддин домла Эшонқулов ва Пайариқ тумани бош имом-хатиби Мансур домла Абдухолиқов ҳамда Пайариқ тумани ҳокими Дилшод Мусиновларнинг ҳамроҳлигида мазкур туманда жойлашган “Тоҳир Шайх” жоме масжидига ташриф буюрдилар. Маълумот ўрнида айтиш жоизки, мазкур масжиднинг янги, замонавий биносининг қурилиши ишлари бошланиш арафасида.
Муфтий ҳазратлари ушбу хайрли ишларнинг боши ўлароқ мазкур масжид пойдеворига тамал тошини қўйдилар ҳамда бу масжид мўмин-мусулмонлар учун зиё ва ҳидоят тарқатувчи, ёшлар маърифати юксалишида ҳисса қўшадиган даргоҳ бўлишини Аллоҳдан сўраб ва бундай хайрли ишларга моддий ва маънавий ёрдам бераётган саховатпеша инсонлар ҳаққига дуои хайрлар қилдилар.
Шундан сўнг Ўзбекистон мусулмонлари идораси раиси, муфтий Усмонхон Алимов ҳазратлари ва Самарқанд вилояти бош имом-хатиби Зайниддин домла Эшонқулов ҳамда Ургут туман бош имом-хатиби Шоди домла Хақбердиевлар билан туманидаги янги қурилган, замон талабларига тўла жавоб берадиган масжид биносига ҳам ташриф буюрдилар.
Муфтий ҳазратлари ушбу мўжаз масжидга ташрифлари давомида унинг фаолияти юзасидан муҳим тавсиялар бердилар ва ушбу масжиднинг қиёматга қадар мўмин-мусулмонларга хизмат қилишини сўраб хайрли дуолар қилдилар.
ЎМИ Самарқанд вилоят вакиллиги матбуот хизмати
