Аввалроқ Қуръон мусобақасининг ҳудудий босқичлари Жиззах вилоятида давом этаётгани ҳақида хабар берган эдик.
Мусобақанинг ҳудудий босқичи Жиззах шаҳридаги мусиқали драма театрида давом этмоқда. Ушбу зал вилоятдаги йирик томоша зали бўлиб, 2017 йилда Жиззах вилояти мусиқали драма театри ҳам замонавий талаблар даражасида реконструкция қилинган.
Одамларимизда Қуръонга муҳаббат кучлилигидан Жиззах вилоятидаги энг катта залга ҳам томошабинлар сиғмай қолди. Зал ЎзА маълумотига кўра 550 ўринли бўлиб, айрим ихлосманд мухлислар зиналарда ўтириб кузатишга ҳам рози бўлдилар. Суратларда кўриб турганингиздек айрим кишилар зал ташқарисида қолиб кетдилар.
Бизни кузатишда давом этинг, ушбу икки вилоятдаги ҳудудий босқич жараёнларини жонли хабарларда ёритиб борамиз.
Ўзбекистон мусулмонлари идораси Матбуот хизмати
