Қозон шаҳрида Ўзбекистон ва Татаристон муфтийлари ўринбосарларининг учрашуви бўлиб ўтди.
Ўзбекистон мусулмонлар идораси раисининг ўринбосари Иброҳимжон Иномов амалий ташриф билан Қозон шаҳрида бўлиб турибди.
Татаристон муфтийсининг биринчи ўринбосари Рустам Валиулин билан бўлиб ўтган учрашувда делегациямиз раҳбари татаристонлик диний уламоларнинг фаолиятлари билан яқиндан танишди.
Томонлар икки диний идоралар олдида турган муаммолар, вазифалар борасида атрофлича фикр алмашишди.
Ташриф доирасида Ўзбекистон мусулмонлар идораси вакили Булғор ислом академиясига ташриф буюриб, бу ердаги таълим услублари, талабаларнинг яшаш шароитлари билан яқиндан танишди.
Ўзбекистон мусулмонлар идораси матбуот хизмати
