muslim.uz

muslim.uz

AҚШнинг Бинггемптон университетида ўтказилган тадқиқот намоз ҳаракатлари умуртқа поғонасининг пастки қисмидаги оғриқларни енгиллаштиришини исботлади. Олимларнинг фикрича, мунтазам намоз ўқиш умуртқа поғонасига терапевтик муолажалар каби кучли таъсир кўрсатади. Шунингдек, орқа миядан ташқари, қон босими ва юрак уриш тезлигини барқарорлаштиришга ёрдам беради, таранг мушакларни бўшаштиради.

Тадқиқотчиларнинг таъкидлашича, пастки умуртқа поғонасига энг катта таъсир тиз чўкиб сажда қилинган пайтда бўлади.

Намознинг саломатликка фойдаси ҳақидаги қизиқарли хулоса олимларни уни қисмларга бўлиб ўрганишга ундади ва бундай хулосага келишди.

Тик туриш вазнни тенг тақсимлайди, руку пастки орқа ва сон мушакларини чўзади ва юқори танага қон оқимини яхшилайди, сажда бўғинларнинг эластиклигини ошириб, бошга қон оқимининг кўпайтириб, қон босимини барқарорлаштиришга ёрдам беради, шунингдек, хотира ва консентрацияни яхшилайди.

Такрорий сажда эса тананинг нафас олиш, қон айланиш ва асаб тизимларини тозалашга ёрдам беради, овқат ҳазм қилишни ҳам бир меъёрга келтиради, чунки овқат ошқозон ичида юқорига ва пастга ҳаракатланади.

Тадқиқот умуртқа поғонасидаги оғриқларга бағишланганлиги сабабли, намоз улардан азият чекадиган беморларга самарали воситалардан бири сифатида тан олинди.

Муфтий Нуриддин домла Холиқназаров ҳазратлари

Жорий йилнинг 9 январь куни Жидда шаҳрида жойлашган “Superdome” форумлар саройида бошланган Ҳаж ва умра хизматлари конференция-кўргазмасида  Ўзбекистон делегацияси ҳам иштирок этмоқда. 

 

Саудия Арабистони Макка Амири, Икки муқаддас масжид ходими маслаҳатчиси Шаҳзода Холид ал-Файсал ташаббуси билан ташкил этилган мазкур нуфузли тадбирда Ўзбекистон Республикаси Президентининг маслаҳатчиси Музаффар Комилов, Ўзбекистон мусулмонлари идораси раиси, муфтий Нуриддин домла ҳазратлари ва Дин ишлари бўйича қўмита раиси Содиқжон Тошбоев иштирок этмоқда. 

 

Ушбу кўргазма жорий йилнинг 12 январь кунига қадар давом этади. Мазкур халқаро кўргазма Саудия Арабистони Подшоҳлиги ҳукумати "Ҳаж-2023" тадбирларига пухта тайёргарлик кўриш учун ўтказилмоқда. 

 

Тадбирда дунёнинг турли давлатларидан вазирлар, муфтийлар, ҳаж ва умра тадбирларини ташкил этишга маъсул Саудия Арабистонининг идоралари ва халқаро компаниялар иштирок этмоқда.

 

Кўргазма доирасида "Ҳаж-2023" мавсумида меҳмонхона, овқатланиш, транспорт, қурбонлик, Мино, Арафот ва Муздалифа водийларида хизмат кўрсатиш бўйича замонавий лойиҳалар тақдимот қилинади.

 

Ушбу тадбир Саудия тарихида кенг жабҳада биринчи бор ташкил этилаётгани билан катта аҳамиятга эга бўлиб, бу орқали Саудия ҳукумати ҳаж ва умра зиёратчиларига сифатли хизмат кўрсатилишини ташкил этиш борасидаги мақсадларни ўз олдига қўйган.

 

Анжуман доирасида Ҳаж ва умра зиёратчиларига кўрсатилаётган хизматлар ҳақида ўзбек, араб ва инглиз тилларида чоп этилган "Ўзбекистонлик зиёратчилар учун ҳаж ва умра хизматлари" номли фотоальбом айрим иштирокчиларга тақдим этилди. 

 

Ўзбекистон мусулмонлари идораси Матбуот хизмати

Понедельник, 09 Январь 2023 00:00

Ибодат риё учун қилинмайди

Алҳамдулиллаҳ, бугунги кунда минглаб юртдошларимиз эзгу ниятларига етиб, ҳаж ва умра ибодатларини адо этиб келишмоқда. Умра зиёратига квотанинг олиб ташлангани ва ҳаж сафарига квотанинг сезиларли оширилгани юртдошларимиз дилига катта қувонч улашди.

Минг афсус, айримларнинг ҳаж ва умрадан сўнг ташкил этилаётган турли дабдабали кутиб олиш маросимларию исрофгарчиликлари халқимизнинг ҳақли эътирозларига сабаб бўлаётир.

Ўзбекистон мусулмонлари идораси раиси, муфтий Нуриддин домла Холиқназаров ҳазратлари ҳам алоҳида мурожаат билан чиқиб, ҳаж ёки умра сафаридан қайтган инсонларни кимўзарга дабдабали тадбирлар қилишдан қайтариб, исрофгарчиликлардан огоҳлантирди.

Дарҳақиқат, бугун умра амалларини адо этиб қайтганлар орасида дабдабали исрофгарчилик тадбирлари, “ҳожи оши” каби турли маросимлар, риёкорона “байрам”лар, хўжакўрсин зиёфатлар ўтказиш тобора одат тусини олмоқда. Маҳаллаларда зиёратдан қайтганларни етти ухлаб тушга кирмайдиган бемаъни кўз-кўз қилишлар билан кутиб олиш ҳолатлари кўпайганини қандай тушуниш мумкин?! Гўё “Ҳамма кўриб қўйсин, мен муқаддас жойларда бўлдим”, демоқчими?! Бу ахир кибрланиш, риёкорлик, хўжакўрсинчиликдан бошқа нарса эмас-ку!

Аслида умра гуноҳлар кечирилишидан, жаннатдан умидвор бўлган ҳолда адо этилади. Қайтгандан сўнг эса барчага ўрнак бўлиб, хайрли ишларни кўпайтиради. Афсуски, бугун айримлар бу йўлдан эмас, динимизга ёт исрофгарчилик, риё каби иллатлар билан овора бўлмоқда.

Қуръони каримда: “…Шунингдек, еб-ичингиз, (лекин) исроф қилмангиз! Зеро, У исроф қилувчиларни севмагай” деб амр этилган (Аъроф сураси, 31-оят).

Исро сурасининг 26–27-оятларида эса: “…Исрофгарчиликка мутлақо йўл қўйманг! Чунки, исрофгарлар шайтонларнинг биродарларидир. Шайтон эса, Парвардигорига нисбатан ўта ношукур эди”, деб огоҳлантирилган.

Абдуллоҳ ибн Аббос розийаллоҳу анҳумодан ривоят қилинган ҳадисда эса: «Расулуллоҳ соллаллоҳу алайҳи ва саллам: Сени икки хислат – фахрланиш ва исрофгарчилик хатога бошламаса, хоҳлаганингни еб, хоҳлаганингни ичавер”, деганлар» (Имом Бухорий ривояти).

Умрани адо этган киши улуғ фазилатларга эришиб келсаю, юртимизга қайтиши билан исрофгарчиликка берилса, унинг ибодати, Каъбатуллоҳ олди қилган дуолари ижобат бўлармикин?! Риёга йўл қўйса-ку, қозонган савоблари ҳам йўққа чиқмайдими?

Зеро, мусулмон инсон одамлар мақтасин деб риё қилаётганида Аллоҳнинг фазлу карамидан маҳрум бўлиб қолиши мумкинлигини ўйласин. Одамларнинг гап-сўзидан қўрқиб риё қилаётганда Раббисининг қораловидан ва ғазабидан қўрқсин.

Имом Шамсуддин Заҳабий “Ал-Кабоир” китобида: «Риёкорлар қиёмат куни тўртта ном билан чақирилишини, яъни “Эй риёкор, эй хиёнаткор, эй фожир, эй зиёнкор! Боравер, ким учун амал қилган бўлсанг, ўшандан ажр-мукофотингни олавер. Бизнинг ҳузуримизда сен учун ажр йўқ”», дейилишини таъкидлайди.

Бобур МУҲАММАДИЕВ 

тайёрлади. 

“Ҳидоят” журналининг 2022 йил 12-сонидан олинди

Янгиликлар

Top