Раҳматуллоҳ домла Файзуллаев

"Робия ҳожи она" жоме масжиди имом-хатиби

Zo'rTV

27 март куни Ўзбекистоннинг Куала-Лумпур шаҳридаги элчихонамиз Малайзия Ютара университети билан ҳамкорликда Ўзбекистоннинг иқтисодий, сармоявий, таълим ва туризм салоҳияти бағишланган қўшма тадбир ўтказилди. Унда Малайзия олий таълим вазири Моҳамед Халид Нордин, Ютара университети ректори вазифасини бажарувчи Шаҳими Мохтар, ушбу давлат сиёсий, илмий-академик ва ишбилармон доиралари ҳамда ОАВ вакиллари иштирок этди. Бу ҳақда «Дунё» ахборот агентлиги хабар бермоқда.
Тадбирда Ўзбекистонда олиб борилаётган кенг кўламли ишлар, Ўзбекистон ва Малайзия ўртасидаги ҳамкорликнинг ҳозирги ҳолати ва истиқболлари бўйича батафсил ахборот берилди.
Шунингдек, учрашувда Ютара университети ректори вазифасини бажарувчи Шаҳими Мохтар Ўзбекистон Банк-молия академияси (БМА) билан ислом молияси бўйича мутахассисларни тайёрлаш соҳасида ўрнатилган ҳамкорликни олқишлади ва ушбу алоқаларни келажакда янада кенгайтиришга қизиқиш билдирди.
Тадбир давомида Малайзия Ютара университети қошидаги Ислом бизнес мактаби 10 кунлик махсус ислом молияси бўйича ўқув курсларини муваффақиятли тугатган 21 та БМА тингловчиларига тегишли сертификатлар топширилди. Шуни таъкидлаб ўтиш керакки, жорий йилнинг бошидан жами бўлиб республиканинг 42 та мутахассислари Малайзияда ислом молияси бўйича малакасини оширди.
Малайзия Ютара университетининг Ислом бизнес мактаби 2011 йилда ташкил этилган бўлиб, у дунёда биринчи бўлиб Университетлар қошидаги бизнес мактабларни ривожлантириш халқаро ассосиацияси (Association to Advance Collegiate Schools of Business) томонидан рўйхатга олинган Ислом бизнес мактаби ҳисобланади.
Тадбир якунида жорий йил июнь ойида Малайзия Ютара университети ҳузуридаги Ислом бизнес мактаби делегациясининг Ўзбекистонга ташрифини амалга ошириш ва республика мутахассислари учун семинар ҳамда тренинглар ўтказиш бўйича келишувларга эришилди.

Ўзбекистон мусулмонлари идораси Матбуот хизмати

Жамиятда инсонпарварлик, бағрикенглик, эзгулик, меҳр-оқибат ғоялари ва қадриятларини қарор топтирувчи муқаддас Рамазон ойи кириб келгани муносабати билан Ўзбекистон Республикаси Президенти номига хорижий мамлакатларнинг давлат ва ҳукуматлари, халқаро ташкилотлар раҳбарлари, таниқли жамоат ва дин арбобларидан қутловлар келмоқда.

Табрикномаларда хорижий ҳамкорлар мамлакатимиз етакчиси ва кўп миллатли Ўзбекистон халқига ўзининг чуқур ҳурмат-эҳтиромини билдириб, тинчлик-осойишталик, тараққиёт ва равнақ йўлида янги муваффақиятлар тилаган.

Жумладан, қуйидагилар ўз табрикларини йўллаган:

Саудия Арабистони Подшоҳи Салмон бин Абдулазиз Ол Сауд;

Саудия Арабистони Валиаҳди, Вазирлар Кенгаши Раиси Муҳаммад бин Салмон бин Абдулазиз Ол Сауд;

Туркия Республикаси Президенти Режеп Таййип Эрдоған;

Миср Араб Республикаси Президенти Абдулфаттоҳ ас-Сиси;

Эрон Ислом Республикаси Президенти Иброҳим Раисий;

Бирлашган Араб Республикаси Президенти Муҳаммад бин Зоид Ол Наҳаён;

Бирлашган Араб Амирликлари Вице-президенти, Бош вазири, Дубай амирлиги ҳокими Муҳаммад бин Рошид Ол Мактум;

Қувайт Давлати Амири Тамим бин Ҳамад Ол Таний;

Қувайт Давлати Амирининг ўринбосари Абдуллоҳ бин Ҳамад Ол Таний;

Иордания Подшоҳи Абдулла II;

Фаластин Давлати Президенти Маҳмуд Аббос;

Ислом ҳамкорлик ташкилоти бош котиби Ҳусайн Иброҳим Тоҳа;

Туркий давлатлар ташкилоти бош котиби Кубаничбек Омуралиев;

Кавказ мусулмонлари идораси раиси, шайхулислом Оллоҳшукур Пошшозода.

Қутловлар келишда давом этмоқда.

Президентимизнинг “Рамазон ойини муносиб ўтказиш тўғрисида”ги қарорда ҳудудларда Рамазон ойининг мазмун-моҳиятида мужассам бўлган одамийлик, инсон шаънини улуғлаш, яхшилик ва меҳру саховат каби фазилатларни намоён этадиган, бугунги тинч ва осойишта ҳаётимизни қадрлаш, оила ва маҳаллаларда, бутун юртимизда меҳр-оқибат, ўзаро ҳурмат муҳитини мустаҳкамлаш, кам таъминланган, ижтимоий ҳимояга муҳтож кишиларни ҳар томонлама қўллаб-қувватлашга қаратилган тадбирларни ташкил этишга алоҳида эътибор қаратиш кераклиги алоҳида таъкидланган.

Муборак Рамазон кунлари мазкур хайрли қарор ижроси ҳудудларда кенг кўламда амалга оширилиб, юртдошларимиз ўртасида меҳр-мурувват, яхшилик фазилатларини янада мустаҳкамланишига хизмати қилмоқда. Айниқса, юртимиз бўйлаб кам таъминланган, ижтимоий ҳимояга муҳтож аҳоли учун ёзилаётган ифторлик дастурхонлари юқори кайфиятда бўлиб ўтмоқда. Хусусан, Самарқанд вилоятида ҳам.

Куни кеча вилоятнинг Булунғур, Оқдарё, Ургут, Иштихон, Пайариқ ва шу каби барча туман ва маҳалларида ана шундай савобли ифторликлар ташкил этилди.
Булунғур тумани “Самарқанд” МФЙда яшовчи, кам таьминланган 100 нафар фуқароларга ифторлик дастурхони ёзилиб, туман бош имом хатиби М. Жомонқулов томонидан Рамазон фазилатлари тўғрисида мавъиза қилиб берилди. Сўнгра тадбир якунида Қурьон тиловати ўқилиб, Юртбошимиз ва халқимиз ҳаққига хайрли дуолар қилинди.

Худди шундай Каттақўрғон шаҳар “Баҳористон” МФЙда яшовчи кам таъминланган оилалар учун “Осиё” тўйхонасида 100 нафар кам таъминланганларга ифторлик дастурхони ёзилди. Тадбирда “Муҳаммад Нақиббек” жоме масжиди имом хатиби Назаров Анвар қатнашиб шукроналик тўғрисида маъруза қилиб, йиғилганлар ва саховатпеша инсонлари ҳаққига хайрли дуолар қилди.
Бундай саховат тадбирлари Оқдарё туманида ҳам кенг миқёсда бўлиб ўтмоқда. Жумладан, “Яккабоғ” масжид ходими Ахмедов Суюнхўжа бошчилигида “Бобур” МФЙда Мўллақўрғон қишлоғида яшовчи Норбоев Эрали ҳамда Исмоилов Самад хомийлигида эхтиёжманд оилалардан 60 нафар рўзадорларга ифторлик дастурхони ёзилди.
Бундай ифторлик дастурхонлари юртимиз бўйлаб давом этмоқда.

ЎМИ Матбуот хизмати