Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.
Агар инсонларнинг қалбларини кўра олганингда, ҳар бир қалбда оғриқли қиссани кўрган бўлардинг. Шундай экан бир-биримизга раҳмли бўлайлик, шояд Аллоҳ таоло бизга раҳм қилса!
“Сукутдаги садолар”
*****
Илм - ёд олингани эмас, балки фойда берганидир.
Имом Шофеий раҳимаҳуллоҳ
*****
Ҳар қандай алоқанинг бошида ҳис-туйғулар кўринса, охирида ахлоқ кўринади.
Нажиб Маҳфуз
*****
Уч нарса ҳаётга бўлган қарашинг ўзгаришига сабаб бўлади:
- Беморлик;
- Мусофирлик;
- Яқин кишисини йўқотиш.
“Сукутдаги садолар”
*****
Нозик дидли инсон бўлишни истасанг, одамлар ҳақидаги гапларингни озайтир!
Пок инсон бўлишни истасанг, одамлар ҳақида яхши гумон қил!
“Сукутдаги садолар”
*****
Замон ўзгармайди, балки замон фош этади.
“Сукутдаги садолар”
*****
Шар юзингга “пақ” этиб ёрилса, асабийлашма! Ахир унга керагидан ортиқ ҳажмни бериб шиширган ўзинг-ку! Баъзи одамлар ҳақида ҳам шу гапни айтиш мумкин.
“Сукутдаги садолар”
*****
Интернет материалларидан тўплаб, таржима қилувчи
Нозимжон Иминжонов
