Маъҳад (Имом Бухорий номли Тошкент Ислом институти)да ўқиётганимизда, устозлар бизга саҳобалар ҳаётига оид китобларни кўп ўқишни тавсия қилишар ва бу нарса Аллоҳга бўлган ихлоснинг зиёда бўлишига сабаб бўлишини айтишарди. Чиндан ҳам саҳобалар, салафи солиҳлар ҳаёти ёзилган китобларни ўқиш қалбдаги ихлоснинг ошишига, солиҳ амалларга, илм ўрганишга, Динимизга хизмат қилишга, яхшиликларга рағбат, ҳиммат кучайишига сабаб бўлиб, бу ишларни муҳаббат билан бажарадиган бўлинади.
*****
Саҳобаи киромлар Набий соллаллоҳу алайҳи васалламга муҳаббатли бўлиш борасида қиёматгача келадиган барча инсонларга ўрнакдирлар. Уларни яхши кўриш мўминлик, ёмон кўриш мунофиқлик аломатидир.
*****
Имом Шофеий раҳматуллоҳи алайҳ “Бегона аёлга қараш ёдланган нарсаларнинг унутилишига олиб келади” деганлар.
- Садоқат зиёда бўлгани сайин ризқ ҳам зиёда бўлади.
- Намозда хушуъ кўпайгани сайин бахт-саодат ҳам кўпаяди.
- Ота-онага яхшилик қилиш ошгани сайин ҳаётингда тавфиқ (хотиржамлик, тинчлик, изга тушганлик, бировга муҳтож бўлмаслик) ҳам ошади.
Шайх Шаъровий раҳимаҳуллоҳ
*****
Аллоҳ таоло рўзаларимизни қабул айлаб, гуноҳларимизни кечирсин!
Юртимиздаги масжидларда қилинаётган барча хатми Қуръонларни даргоҳида қабул қилсин!
Ҳар бир диндошимизнинг масжидда, хатми Қуръондан кейин, уйида, ифтор арафасида, тундаги ибодатдан кейин, Қуръон тиловатидан кейин, ҳар бир солиҳ амалдан сўнг қилаётган дуоларини ижобат этсин!
Ҳайит кунига гуноҳлардан холи бўлиб етишимизни насиб этсин! Омин!
Мақолани Нозимжон Иминжонов тайёрлади
