Бу касаллик туфайли инсон ўзини солиҳ қилиб кўрсатишга ҳаракат қилади, ваҳоланки, ўзи гуноҳга ботган, фисқ-фасод ишларни қилади.
Муолажа услуби
Бу дардга шифо топиш учун – инсон иккиюзламачиликдан воз кечиши ва қалбида йўқ нарсани одамларга бор қилиб кўрсатмаслиги лозим. Агар у сўфийнинг ридосини кийса, энди бор куч-ғайратини улар каби бўлишга сарфласин. Расулуллоҳ соллаллоҳу алайҳи васаллам ўзини бошқалар олдида солиҳ қилиб кўрсатишдан қайтарганлар.
Абу Усмон раҳимаҳуллоҳ айтадилар: "Ким зоҳиран ўзини тақводор, Аллоҳнинг азобидан қўрқадиган қилиб кўрсатса-ю, лекин одамлардан яширинча турли гуноҳларни қилса, у ҳеч қачон гуноҳлар ботқоғидан чиқа олмайди".
Абу Абдураҳмон ас-Суламийнинг
“Нафс иллатлари ва уларнинг муолажаси” китобидан
Даврон НУРМУҲАММАД таржимаси.
