Мирзамақсуд домла АЛИМОВ

Андижон вилояти бош имом-хатиби

Илм-у маърифатга  эътибор бериш ва унга тарғиб қилиш ҳамда жамият  тараққиётида  Ислом динининг  ўрни беқиёс. Зеро, Аллоҳ таоло Ўзининг сўнги пайғамбари Муҳаммад алайҳиссаломга биринчи нозил қилган ваҳийси, Қуръони каримнинг энг аввалги саналмиш Алақ сураси 1-5 оятларида бутун инсониятни ўқиш, илм олиш ва ёзишга буюриб шундай марҳамат қилади:

“Ўқинг (эй, Муҳаммад! Бутун борлиқни) яратган зот бўлмиш Раббингиз исми билан! (У) инсонни лахта  қондан яратди. Ўқинг!Раббингиз  эса карамлидир.     У инсонга қалам билан (ёзишни ҳам) ўргатди. У инсонга билмаган нарсаларини билдирди”.

Бугун, мамлакатимизда шиддат билан кечаётган ислоҳотлар натижаси ўлароқ диний таълим сифати ва самарадорлигини ошириш борасида ҳам кенг кўламли ишлар бажарилмоқда. Биргина 2019-2020 ўқув йилида мамлакатмизда мавжуд диний таълим муассасаларига жами 346 нафар ёшлар талабаликка қабул қилинди. Бундан ташқари, 58 нафар абитуриент оширилган тўлов-контракт асосида ўқишга қабул қилинди. Фарғона, Сирдарё, Жиззах, Самарқанд, Навоий ва Тошкент вилоятлари бўйича 23 нафар ёшлар мақсадли қабул асосида ўқишга олинди.

Самарқандда энг замонавий шаклда Ҳадис илми олий мактаби иш бошлади. Олий мактаб учун 12 нафар абитуриент талабаликка қабул қилинди. Миср давлатидан келган Ал-Азҳар университети Ҳадис бўйича фан доктори, профессор Маҳмуд Абдуллоҳ Абдурраҳмон ҳамда Араб тили фани бўйича Ал-Азҳар университети доктори, профессор Али Саад Ҳадис илми олий мактаби талабаларига дарс бериб келмоқдалар.

Масжидларда меҳнат қилаётган ўрта маълумотли имом-хатиблар учун илк маротаба Ислом институтида 3 йиллик Модуль таълим тизими жорий этилди. Жорий  ўқув йилида 120 нафар ўрта маълумотли имом-хатиблар машғулотларни бошладилар. “Вақф” фонди томонидан Тошкент шаҳридаги собиқ “Олтин тепа” масжиди биноси ўқув хоналари, талабалар турар жойи ва ошхона учун мослаштирилиб, барча зарур жиҳозлар ва уч маҳал бепул иссиқ овқат билан таъминланди.

“Хадичаи Кубро” ва “Жўйбори Калон” мадрасаларида 3 йиллик таълим тизимини жорий қилинди ва отинойилар, диний-маърифий ходимлар малакасини ошириш мақсадида Малака ошириш бўлими ташкил этилди.

Диний таълим муассасалари ташкил этилган “Араб тили”, “Қуръони карим ва тажвид” бўйича ўқув курслари ташкил этилиб, 4540 нафар тингловчи қамраб олинди. Шунингдек, эшитишда нуқсони бор ва ногирон фуқаролар учун Кўкалдош ўрта махсус ислом таълим муассасасида бепул ўқув курслари ташкил этилди.

 Ўзбекистон мусулмонлари идораси матбуот хизмати

Буюк Британия қироллиги миллий статистика бюросининг хабарига кўра, мусулмонларнинг сони 2019 йил якуни бўйича 3 миллион нафардан ошган.

Лондоннинг баъзи қисмларида мусулмонлар аҳолининг 50 фоизини ташкил этиши таъкидлаанган. Ҳолат шу даражада қолса, мазкур жойларда яқин ўн йилликда мусулмонлар аҳолининг аксариятини ташкил этиши айтилган.

Расмий маълумотларга асосан, Англия, Шотландия ва Уэльснинг мусулмон аҳолиси 3 363 210 нафар, яъни аҳоли умумий сонининг 5,9 фоизидир. Бу ҳақда The Sun маълумот берган (https://azon.uz/content/views/buyuk-britaniyada-musulmonlar-soni-rasma).

2018 йил маълумотларича Лондонда 1,26 миллион нафар Исломга эътиқод қилувчилар яшаган, бу пойтахт аҳолисининг 14,2 фоизидир.

Мусулмонлар сони ортар экан, христианлар сони камайиб бормоқда. Сикхлар, яҳудийлар ва буддистларнинг сони аввалги даражада қолган.

Ўзбекистон мусулмонлари идораси Матбуот хизмати

Якунига етган йил мамлакатимизда барча йўналишларда бўлгани каби диний-маърифий сохада ҳам янгиликлар, ислоҳотларга бой йил бўлди. Жаҳолатга қарши маърифат билан курашиш, ислом маърифатини таратиш, ижтимоий-маънавий муҳит барқарорлигини таъминлаш, давлат ва жамоат ташкилотлари, таълим, муассасалари билан ҳамкорлик йўлида кўплаб эзгу ташаббуслар, хайрли лойиҳаларга қўл урилди. Бу ишлар негизида имомлар, диний соҳа ходимлари томонидан олиб борилган саъй-ҳаракатлар алоҳида аҳамият касб этади.

Ўзбекистон мусулмонлари идорасининг Тошкент вилояти вакиллиги ўтган 2019 йилда соҳада амалага оширилган муҳим ишлар, ютуқларнинг сарҳисобини эълон қилди. Унга кўра:

• Ўзбекистон Республикаси Президенти Ш.Мирзиёевнинг 2017 йил 9 сентябрдаги“Китоб маҳсулотларини нашр этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғиб қилиш бўйича комплекс чора-тадбирлар дастури тўғрисида”ги қарорига асосан ўтган 2019 йил давомида ҳафтанинг ҳар жума кунлари ҳар бир туман ва шаҳарлардаги жоме масжидларда “Китоб сайллари” ташкил этилди. Ҳар бир китоб сайлида 300 дан ортиқ диний-маърифий, бадиий китоблар савдоси арзон нархларда йўлга қўйилди. Мазкур лойиҳа орқали вилоятнинг чекка ва олис ҳудудларидаги аҳолига китобларни арзон нархларда етказиб бериш ва уларда китобхонлик муҳитини оширишга эришилмоқда. 

• 2019 йилда бинолари эскириб, нураб қолган, таъмирга муҳтож масжидларни замон талабига мос, шаҳарсозлик анъаналарига мувофиқ ҳолда қайта қуриш ишларига катта аҳамият берилди. Ҳозирги вақтда вилоят бўйича 40 дан ортиқ масжидлар халқ ҳашари йўли билан  янгидан қурилмоқда.

• Жойлардаги ФҲДЁ бўлимлари ҳамда маҳалла фуқаролар йиғини қошидаги яраштирув комиссияси ҳамкорлигида имом-хатиб, имом ноиблари тоомнидан вилоят бўйича жами 785 та оилавий ажрим остонасида турган оилалар билан якка тартибда суҳбатлар ўтказилиб, улардан 584 та оила сақлаб қолинишига эришилди.

• Масжид имомлари томонидан ҳомийларни жалб этган ҳолда ижтимоий ҳимояга муҳтож, ногиронлиги бор, боқувчисини йўқотган ёрдамга муҳтож жами 1954 нафар кишилар ҳолидан хабар олиниб, уларга жами 442.560.000 сўм миқдорда турли моддий ёрдамлар улашилди.

• Тошкент вилоятида фаолият юритаётган 10 нафар ўрта-махсус маълумотли имом-хатиблар Тошкент ислом институтида илк бор ташкил этилган Модуль таълим тизимига мақсадли равишда ўқишга қабул қилиндилар.

• Оҳангарон тумани “Абдуқаҳҳор махсум” жоме масжиди имом-хатибиАбдулбосит Нусратуллаев “Энг маърифатли имом – 2019” кўрик танловининг Республика босқичида фахрли иккинчи ўринни қўлга киритди.

• Тўрт нафар имом-хатиб хорижий давлатларда ташкил диний-маъриифий тадбирлар, Рамазон ойида хатми Қуръонларда иштирок этиб, мусулмонларнинг таҳсин ва ташаккурларига сазовор бўлдилар.

• Махсус ҳайъат томонидан вилоятда фаолият юритаётган отинойиларнинг билимлари синовдан ўтказилиб, иш фаолиятлари таҳлил қилинди. Суҳбатлардан қониқарли ўтган номзодларнинг 278 нафар номзодга илк бор отинойилик фаолияти билан шуғулланиш ҳуқуқини берувчи учун гувоҳномалар берилди.

Ўзбекистон мусулмонлари идораси Масжидлар бўлими

7 январь куни Саудия Арабистонининг Макка шаҳрида Бутун дунё Ислом уюшмаси Олий кенгашининг 44-давра йиғилишида Яқин Шарқ мамлакатларидаги можаролар, турли минтақалардаги мусулмон озчиликка қарши зўравонликларга барҳам бериш, хусусан роҳинжалар масаласи муҳокама қилинди.
Шунингдек, дунё давлатларида тинчлик-осойишталикни таъминлаш, бузғунчиликнинг ҳар қандай кўринишига қарши курашиш ва халқларнинг осуда ҳаётига раҳна солувчи қора кучларнинг хатти-ҳаракатларига чек қўйишга чақирилди.
Муҳокама қилинган масалалар бўйича Саудия Арабистони бош муфтийси Шайх Абдулазиз Оли Шайх, Бутун дунё Ислом уюшмаси бош котиби, доктор Муҳаммад Абулкарим Ийсо ва бошқа бир қатор мартабали кишилар тилга олинган мавзулар юзасидан фикр-мулоҳазалар билдирдилар.
Ушбу анжуман доирасида Саудия Арабистонининг Мадина шаҳрида жойлашган Халқаро Ислом фиқҳи академияси фатволар ишлаб чиқиш, шаръий масалаларга мақбул ечимлар топиш ва замонавий муаммоларни ўз вақтида ҳал этиш борасидаги хизматлари учун юксак мукофот билан тақдирланди. Таъкидлаш жоизки, Ўзбекистондаги Ислом цивилизацияси маркази директорининг ўринбосари Шайх Абдулазиз Мансур Халқаро Ислом фиқҳи академиясининг доимий аъзоси ҳисобланади.
Олий кенгаш йиғилишида Ўзбекистон мусулмонлари идораси раиси, муфтий Усмонхон Темирхон ўғли Самарқандий ҳазратлари Бутун дунё Ислом уюшмаси Олий кенгаши аъзоси сифатида иштирок этмоқдалар.

Ўзбекистон мусулмонлари идораси Матбуот хизмати