— Нард, карта ўйинларини ўйнаш ҳаромми? Баъзи танишларим фақат қимор ҳаром деб, буларни рад этяпти. Шунга изоҳ берсангиз?

— Орага пул тикиб карта ўйнаса, қимор бўлади. Пул тикмасдан ўйнаш намоз ва зикрдан тўсса, ҳаром бўлади. Бу умумий ҳукм. Бундай ўйинларни ўйновчилар, одатда, Аллоҳни кам зикр қилувчи ва намозга бепарво кимсалар бўладилар. Қолаверса, бу ўйинлар вақтнинг зое кетишига сабаб бўлгани учун умрни исрофи бўлади, вақт исрофи эса ҳаром ҳисобланади.

Абу Мусо Ашъарийдан ривоят қилинади. Расулуллоҳ соллаллоҳу алайҳи васаллам: “Ким нард ўйнаса, батаҳқиқ, Аллоҳга ва Унинг Расулига осий бўлибди”, дедилар.

Албатта, нарддан бошқа қимор турларини ўйнаганлар ҳам Аллоҳ таолога ва Унинг Расулига осий бўлишлари турган гап. Аллоҳ таолога ва Унинг Расулига осий бўлиш эса катта бадбахтликдир. Шунинг учун, бу каби нарсалардан тамоман четда бўлиш керак. Инсон вақтини дунёсига ва охиратиги фойдали бўлган ишга сарфлаши керак.

Муҳаммад Айюбхон домла Ҳомидов

Ўзбекистон мусулмонлари идораси жамоаси Жиззах вилояти бош имом-хатиби ўринбосари Ботирхон домла Рўзиевнинг волидаи муҳтарамаларининг вафоти муносабати билан у кишининг яқинларига чуқур таъзия изҳор этади.

Аллоҳ таоло марҳума онахоннинг барча солиҳ амалларини ўзларига ҳамроҳ айлаб, Ўз мағфиратига олсин.

Ҳақ таоло марҳума онахоннинг яқинлари, фарзанду аржумандларига чиройли сабр бериб, бу мусибатларига ажру мукофотлар ато этсин.

Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан Ботирхон домла Рўзиевга ва марҳума онахоннинг оила аъзолари, ёр-биродарлари, яқинларига ҳамдардлик билдирамиз.

Иннаа лиллааҳи ва иннаа илайҳи рожиъуун.

«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».

Ўзбекистон мусулмонлари идораси

Абдулбоситхон Юсупов,
Наманган шаҳар Абу Юсуф жоме масжиди имом-хатиби

Ўзбекистон мусулмонлари идораси Уламолар Кенгаши аъзолари Марказий Осиёдаги эътиборли уламолардан бири, Қирғизистоннинг биринчи муфтийси Кимсанбой ҳожи Абдураҳмонов вафоти муносабати билан Қирғизистон мўмин-мусулмонларига ва марҳум дин арбобининг яқинларига чуқур таъзия билдиради.
Қардошларимизнинг ушбу улкан қайғу ва йўқотишларига шерик бўлган ҳолда, Аллоҳ таолодан уларга сабр-бардош тилаймиз. Зеро, Қуръони каримда: “…Албатта, биз Аллоҳнинг ихтиёридамиз ва албатта, биз Унинг ҳузурига қайтувчилармиз…” (Бақара, 156) дейилган.
Таниқли уламо Кимсанбой ҳожи Абдураҳмонов динимиз таълимотини кенг ёйиш, мўмин-мусулмонлар эҳтиёжини таъминлаш ва халқларимиз ўртасидаги дўстликни мустаҳкамлашдаги хизматларини ҳусни қабул айлаб, улкан ажру савоблар ато этсин.
Раҳматли Кимсанбой ҳожи Абдураҳмонов Бухоро шаҳридаги Мир Араб мадрасасида таълим олганларидан сўнг Ўрта Осиё ва Қозоғистон мусулмонлари диний назоратида турли лавозимларда хизмат қилган.
Ҳақ таоло марҳум олимнинг аҳли оиласи, фарзанду аржумандларига чиройли сабр бериб, бу мусибатларини яхшиликлар ила тўлдирсин.
Аллоҳ таолодан марҳум уламони Ўзининг чексиз раҳматига олишини, жаннат боғларига дохил этишини сўраб қоламиз.
Иннаа лиллааҳи ва иннаа илайҳи рожиъун!
«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».

Глобаллашиб бораётган бугунги кунда ахборот техналогиялари ,айниқса интернет ёшлар ҳаётининг ажралмас қисмига айланди. Жаҳон ахборот тармоғи шиддат билан ривожланиб,имкониятлари кун сайин кенгайиб бормоқда.
Кўпчилик ёшлар интернетни маълумот олишнинг асосий манбаи деб қарайди. Интернетга янгиликлардан хабардор бўлиш, дўстлар билан мулоқот қилиш, мусиқа ва кино ёзиб олиш учун кираётган ёшлар, манашу ахборот алмашинуви орқали кўринмас тахдидлар хужуми остида қолаётганларини сезмаяпдилар. Натижада эса базилари бундай хатарларнинг қурбонига айланмоқдалар.
Инсон онгига зимдан хавф солувчи тахдид бу ғаразли ниятда ёлғон хабарлар ёки бузғунчи ғояларни тарғиб этиш орқали ёшлар онгини захарлашга қаратилган харакатлардир. Бу тахдидлар домига тушган кишида келажакка ишонч сусаяди ёки буткул йўқолади.
Глобал тармоқ орқали келаётган ахборот ёки маълумотларнинг кўпчилиги инсониятни тахликали йўлларга бошлашини, бу маълумотлар ҳаммаси ҳам тўғри маълумотлар эмаслигини, ҳали онги шуури ва эътиқоди тўлиқ шаклланиб улгурмаган ёшлар тушуниб етмаяптилар. Шунинг учун ёшларда хабар ва маълумотларни таҳлил эта олиш малакасини хосил қилиш зарур. Зеро, ҳар қандай хабар хам тўғри ва холис бўлавермайди. Ҳар бир маълумотни текшириш ҳақида Аллоҳ таоло шундай дейди: “Эй мўминлар! Агар сизларга бирор фосиқ кимса хабар келтирса,сизлар (ҳақийқий аҳволни) билмаган ҳолингизда бирор қовмга азият етказиб қўйиб, (кейин) қилган ишларингизга пушаймон бўлмаслигингиз учун (у хабарни) аниқлаб (текшириб) кўрингиз” (Ҳужурот,6).
Интернет тармоғида ақидапарастлик, беҳаёлик ва масъулятсизликка тарғиб этувчи сайтлар сони кўпайиб бормоқда. Тўғри ва соф эканлиги текширилган маълумотлар олиш учун ёшлар фақат “UZ” доменидаги сайтлардан фойдаланишса айни муддао бўлар эди. Эхтиётсизлик ва бепарволик кишини маънавий бузулиш ва ўзи билмаган ҳолда эътиқодий қулликка олиб боради.
Донолар айтадиларки: Фазилатлилик шундаки, ярамас нопок ниятлардан воз кечиш эмас, балки улардан мутлақо холи бўлиш керак.
Шундай экан жамиятнинг барқарорлигига тахдид соладиган, хунрезлик, беҳаёлик, қаллоблик, бузғунчилик кайфиятидаги глобал тармоқдаги сайт ва гуруҳлардан холи бўлиш даркор.

Наманган вилояти

“Мулла Тожи Ахмад” масжиди

имом ноиби С Камолов.