"Шайх Муҳаммад Содиқ Муҳаммад Юсуф" жоме масжиди имом ноиби Ҳасанхон Яҳё Абдулмажид

Имом Нававийнинг «Арбаъин» асари асосида ташкил қилинган ҳадис суҳбатларидан

Иллинойс штатида жойлашган Нагамия халқаро ислом тиббиёти ва фанлари институтининг музей кутубхонасида “Қадимий Қуръон ва Қуръон қўлёзмаларининг нодир коллекцияси” очилиши эълон қилинди.

Маълумотларга кўра, кўпгина экспонатларнинг ёши 600 йилдан ошган. Улардан баъзилари Қўшма Штатлардаги Қуръоннинг энг қадимги тарихий нусхаларидир.

Ушбу тўпламда Қуръоннинг 100 га яқин нусхалари ва Қуръон қўлёзмалари мавжуд бўлиб, уларнинг барчаси қўлда ёзилган, баъзилари бамбук, палма барглари ва терига ёзилган. Чикагодаги кутубхона мамлакатда биринчи бўлиб бундай хазинага эга бўлди, дейилади islam.ru хабарида.

Ўзбекистон мусулмонлари идораси раиси, муфтий

Нуриддин домла ҳазратлари

Саудиялик қадимги тиллар бўйича мутахассислар, Макка шаҳрида топилган 1400 йиллик тошдаги матнни ўқий олишди. Рlanet-today маълумотига кўра, артефактдаги ёзувда араб давлат арбоби ва сиёсатчи, Пайғамбаримиз Муҳаммад соллаллоҳу алайҳи ва салламнинг энг яқин саҳобаларидан бири, учинчи рошид халифа Усмон ибн Аффон розияллоҳу анҳу ҳақида сўз боради.

Бундан аввал ушбу матн ҳижратнинг 24-йилида, яъни 1419 йил олдин тузилгани ҳақида тахмин қилинган эди. Энди қадимий тиллар бўйича мутахассислар бу тахминни тасдиқлашди. Бутун экспертлар гуруҳи матннинг биринчи қаторини ўқий олишга муваффақ бўлишди. Унда шундай ёзилган: "мен Зуҳайр Аллоҳга ишондим ва 24 йилда ибн Аффоннинг вафот этган вақтини ёздим".

Маккада топилган артефакт сўнгги пайтларда археологлар томонидан топилган энг муҳим топилмалардан бири сифатида тан олинган. Олимлар аслида ислом тарихи бошланишидаги энг муҳим воқеалар ҳақида ҳикоя қилувчи ҳужжатли далилларни олдилар.

Ўзбекистон мусулмонлари идораси матбуот хизмати

Юртимизда амалга оширилаётган кенг кўламдаги ислоҳотлар, одамларимизнинг тўқ ва фаровон яшаётганликлари, яратиб берилган имтиёз ва эркинликлар, энг асосийси, тинч ҳаётимиз ана шу халқаро террористик ва диний экстремистик ташкилотлар ва уларнинг маънавий раҳнамоларига ёқмаяпти. Шу боисдан улар зўр бериб, ўз ғаразли мақсадлари – ғояларини ёйишга, миллат бирлиги, юрт тинчлигига рахна солишга уринишмоқда.

Улар ўз ниятларига эришиш йўлида ҳеч қандай қабиҳликдан қайтишмайди. Аввало, аҳолига ҳанафийлик мазҳабига зид мутаассиб ғояларни сингдириш, ижтимоий-сиёсий вазиятни беқарорлаштириш, ҳукуматга тазйиқ ўтказиш, аҳоли орасида қўрқув, парокандалик, давлатга нисбатан ишончсизлик кайфиятини шакллантиришга ҳаракат қилишади. Уларнинг асосий фаолият услублари экстремистик руҳдаги адабиётлар, видео ва аудио тасмаларни тарқатиш, яширин гуруҳлар тузиш, мавжуд ижтимоий воқеликни кескин қоралаш, давлат ва диний идора вакилликларини обрўсизлантириш ҳамда шу билан бирга террористик ҳаракатларни амалга оширишдан иборат.
Диний экстремистик ва террористик гуруҳларнинг пешволари биринчи навбатда ёшларимиз орасига кириб олишга, уларнинг энди шаклланаётган онги, тасаввурини ўзларининг ботил ва ёвуз йўлларига солишга интилишади. Бу мақсад йўлида ҳеч нарсадан тойишмайди. Турмушнинг кичик муаммоларини дастак қилиш, моддий қўллаб-қувватлаш орқали ўз йўлига тортиш синалган усуллардан бири.

Ақидапараст оқимлар биринчи навбатда келажагимиз бўлмиш ёшларга кўз тикишлари бежиз эмас. Бугунги ёшлар эртанги кунимизни, тараққиётини белгилаб берувчи кучдир.
Динимизда тарбияга алоҳида ўрин берилиши бежиз эмас. Пайғамбаримиз соллаллоҳу алайҳи ва саллам: «Ҳеч бир ота ўз фарзандига яхши тарбия ва гўзал одобдан буюкроқ ҳадя бера олмас», деб марҳамат қилганлар. Фарзандларимизнинг фаол, ватанпарвар ёшларга айланиши кўп жиҳатдан ота-онага боғлиқ. Халқимизнинг “Қуш уясида кўрганини қилади” мақоли бежиз айтилмаган. Бу борада нафақат ота-она балки маҳалла-кўй, ўқув даргоҳлари, жамоат ташкилотлари ҳамкорлигида иш олиб боришлари даркор.

Ёшларимизни ёвуз кучлардан асраш лозим. Биз ёшларимиз онги ва руҳиятини заҳарлашга қаратилган ғоялардан қатъият билан ҳимоя қилсаккина, ҳар қандай ғаразгўй кучлар юртимиз мустақиллиги ва унинг порлоқ келажагига рахна сола олмайди.

“Эшонбобо” жоме масжиди имом хатиби Усмонов Ибодулло