muslim.uz
Маккада ногиронлиги бўлган кишилар учун махсус намозхона очилди
Масжиди Ҳаромнинг ишлар бош бошқармаси намозхоналардан бирини эшитиш қоблияти билан боғлиқ ногиронлиги бўлган шахслар учун сурдо (ишорат) тилини биладиган таржимон билан ажратилганини маълум қилди. Бу ҳақда IQNAга таяниб islom.uz нашри хабар беради.
Хабарда айтилишича, жума намози, Фитр ва Қурбон байрамлари мавъизалари, ёмғир дуоси, дарслар ва Масжиди Ҳаромда айтиладиган ваъзларни сурдо таржима орқали уларга етказиш имконияти яратилган. Шунингдек, бу ерда кўзи ожизлар учун намозхонага олиб борадиган махсус оқ тутқичлар ҳам ўрнатилган. Улар учун Брайл ёзувидаги Қуръони каримлар ҳамда Мусҳафни тутиб турадиган махсус ускуна тайёрланган.
Бундан ташқари, бу каби намозхонлар учун ақлли соатлар ҳам ишга туширилган. Умуман олганда, ногиронларнинг бемалол ҳаракат қилишлари учун барча шарт-шароитлар яратилган.
Ўзбекистон мусулмонлари идораси Матбуот хизмати
Ажабтовур маълумотлар
Инсон туш кўраётганда, телевизор кўраётган пайтидагидан кўра кўпроқ қувват сарф этар экан.
*****
Инсоннинг қовурға суяклари бир йил давомида 5 миллион ҳаракатни амалга оширар экан.
*****
Инсон кўзи очиқ ҳолда аксира олмас экан.
*****
Чекувчи кишиларда ранг ажратиш қобилияти пасайиб кетар экан.
*****
Чекувчи кишиларнинг танасида чекмайдиганларга нисбатан 10 баробар кўп ажин бўлар экан.
*****
Уят ва хижолатдан юзингиз қизарган пайтда ошқозонингиз ҳам қип-қизил тусга кирар экан.
*****
Шаҳарда яшайдиган одам бутун умри давомида ўртача икки хафтани светофор чироғи ёнишини кутиб ўтказар экан.
*****
Инсоннинг бир дона соч толаси 3 килограммгача юкни кўтара олар экан.
*****
Инсон 40 ёшдан кейин “пастга ўсиш”ни бошлаб, ҳар ўн йилда бўйи 10 сантиметрга қисқариб борар экан.
*****
Ҳар сонияда дунё аҳолисининг 1 фоизи маст ҳолда вафот этар экан.
*****
Ўртача вазндаги инсоннинг боши 3,6 килограммни ташкил этар экан.
*****
Инсон сувсиз 2-3 кундан ортиқ яшай олмас экан.
*****
Инсоннинг юраги умри давомида ўртача 250 миллион литр қонни ҳайдар экан.
*****
Инсон бутун умри давомида иккита катта ҳовузни тўлдиришга етадиган сўлак ишлаб чиқарар экан.
*****
Ўрта ёшли инсоннинг танаси 639 та мускулдан иборат экан.
*****
Оддий инсоннинг кўзи 160 хил рангни ажрата олар экан.
*****
Вазни 65 кг бўлган инсон танасида битта мих ясашга етадиган темир моддаси бор экан.
*****
Инсон кўзларининг қоронғу шароитга тўла мослашиши 60-80 дақиқа давом этар экан.
Интернет маълумотлари асосида
Нозимжон Иминжонов тайёрлади
Шавкат Мирзиёев Россия Федерациясига жўнаб кетди
Бугун, 6 декабрь куни Ўзбекистон Республикаси Президенти Шавкат Мирзиёев Санкт-Петербург шаҳрига жўнаб кетди. Бу ҳақда Президент матбуот хизмати хабар берди.
Президентимиз у ерда Мустақил Давлатлар Ҳамдўстлигига аъзо мамлакатлар раҳбарларининг норасмий учрашувида иштирок этади.
Ўзбекистон мусулмонлари идораси Матбуот хизмати
Венесуэла пойтахти Каракасда масжид қурилади
Туркия томони Венесуэла маъмурияти розилигидан сўнг Каракас шаҳрида масжид қуришга киришди. Бу ҳақда Туркия президенти Ражаб Тоййиб Эрдўғон Венесуэла Президенти Николас Мадуро жорий йилнинг 3 декабрь куни ўтказган матбуот анжуманида маълум қилди. Бу ҳақда Daily Sabah нашри хабар берди.
“Венесуэла ҳукумати сўровига асосан, биз пойтахт Каракас шаҳрида янги масжид қуриш бўйича ишларни бошладик ҳамда биз ҳозирги пайтда масжид қуриш учун қулай ҳудудни қидирмоқдамиз", деган Туркия президенти.
Эрдўғон Венесуэлани Лотин Америка ва Кариб денгизидаги энг яқин ҳамкори сифатида кўришини маълум қилиб, икки мамлакат ўртасида маданий, иқтисодий ва дипломатик соҳада ривожлантириш зарурлигини таъкидлаган. Венесуэлада тахминан 100 мингдан ортиқ мусулмонлар бўлиб, улар мамлакат аҳолисининг қарийб 0,5 фоизини ташкил этади.
Маълумот учун, Туркия президенти Аргентинада ўтган G-20 саммитидан сўнг Лотин Америкаси мамлакатлари бўйлаб ўзининг расмий сафарини давом эттирмоқда.
Ўзбекистон мусулмонлари идораси Матбуот хизмати
Мақолалар
