www.muslimuz
Энг афзал хислатдан бири – мусулмонларга манфаат етказиш
Уламоларимизнинг Сурхондарё вилоятига ташрифлари ҳудудларга файз, кўнгилларга қувонч бағишламоқда.
Бугун қалбларга хурсандчилик киритган учрашувларнинг бири Олтинсой туманида бўлиб ўтди. Унда Ўзбекистон мусулмонлари идораси раисининг биринчи ўринбосари Ҳомиджон қори Ишматбеков иштирок этдилар. У ерда устоз бошчилигидаги гуруҳ, аввало, кам таъминланган, боқувчисини йўқотган, эҳтиёжманд ва бемори бор оилалар ҳолидан хабар олдилар. Уларга “Вақф” фондининг пул маблағлари ҳамда совғаларини топширдилар.
Албатта, халқ қалбига қулоқ солиш, инсонларнинг дард-ташвишларини тинглаш, муаммоларини ҳал қилишда амалий ёрдам бериш ажру савоби улуғ амаллардандир. Бу ҳақда Пайғамбаримиз соллаллоҳу алайҳи васаллам бундай деганлар: “Икки хислат борки, ундан афзалроқ нарса йўқдир: Аллоҳга имон келтириш ва мусулмонларга манфаат етказиш. Икки хислат борки, ундан ёмонроқ нарса йўқ: Аллоҳга ширк келтириш ва мусулмонларга зарар келтириш”, дедилар (Ибн Ҳожар Асқалоний Мунаббиҳот асрида келтирган).
Демак, Холиқни таниб, халққа фойда келтириш инсоннинг пировард мақсади бўлиши керак экан.
Шунингдек, Ҳомиджон қори Ишматбеков “Ҳаким Термизий” жоме масжидига ҳам ташриф буюриб, масжид аҳли билан пешин намозини адо этдилар. Намоздан сўнг эса эътиқоднинг инсон ҳаётида тутган ўрни ва тавбанинг фазилатлари хусусида маъруза қилдилар.
Ўзбекистон мусулмонлари идораси Матбуот хизмати
Оқил билан дононинг фарқи нимада?
“Оқил” арабча сўз бўлиб, у ўзбек тилида “ақлли”, “ақл эгаси”, “фаросатли” деган маъноларни англатади. “Оқил” сўзи “Ўзбек тилининг изоҳли луғати”да бундай изоҳланади: “Оқил (арабча) - ақлли, фаросатли, баъмаъни”. Маълумки, ўз ақлига суяниб иш қиладиган кишини оқил киши дейилади. Оқил кишининг ўз фикри ва хулосаси бўлади. У ҳаётдаги барча ишларини фойда-ю зарарга қараб, ҳар бир нарсани ҳисоб-китоб билан бажаради.
“Доно” сўзи эса ўзбек тилига форс тилидан ўзлашган сўз ҳисобланади. У ўзбек тилида “донишманд”, “билимдон”, “ҳикматли” деган маъноларни англатади. “Доно” сўзи “Ўзбек тилининг изоҳли луғати” да: “Доно (форсча) билувчи, билимдон, донишманд” деб изоҳланади. Юқори даражада билим, тажрибага ва ҳикматга эга бўлган киши доно дейилади.
Хўш, оқил билан доно кишининг нима фарқи бор?
Оқил киши бирор ёмон вазиятга тушиб қолса, бу вазиятдан тўғри хулоса чиқариб, ақлини ишлатиб ўзини ёмон ҳолатдан қутқазади. Дононинг оқилдан фарқи шуки, доно киши ўзини билими ва тажрибасидан келиб чиқиб, ўзини ёмон вазиятларга тушиб қолиш эҳтимоли бор жой ва ҳолатлардан асрайди.
Р. Акбаров,
Ўзбекистон мусулмонлари идорасининг
Қашқадарё вилояти вакиллиги ходими
Жамоат тартибига таҳдид солувчи ёлғон ахборот тарқатиш тақиқланади
Масжид намозхонларга, қалблар эса маърифатга тўлган учрашув
Давлатимиз раҳбари бугун барчамизни халқ қалбига қулоқ солишга, инсонларнинг дард-ташвишларини астойдил тинглашга, муаммоларини ҳал қилишда амалий ёрдам беришга даъват этаётгани, қучоқ очиб халқ ичига бориш, унинг армонларини ушалтириш, орзуларини рўёбга чиқаришдек улуғ мақсадларга қаратилгани билан янада аҳамиятлидир.
Инчунун, юртимизда бўлаётган ўзгаришлар мазмун-моҳияти ҳақида хабардор қилиш билан бир қаторда уларнинг дарду ташвишларига кўмаклашиш, фикр-мулоҳазаларини тинглаш ва диний соҳага тегишли таклифларини жойида ўрганиб, бартараф этиш бугунги кунимиздаги долзарб вазифалардан бирига айланди.
Бугун айнан шу масъулиятли ва шарафли вазифани адо этиш мақсадида Устоз Саййид Раҳматуллоҳ Термизий Сурхондарё вилоятининг Жарқўрғон туманидаги "Хўжа Самандар" жоме масжидига ташриф буюрди ва пешин намозини адо этиб бўлгач, намозхонларга мавъиза қилиб берди.
Мухлислар ўзларини қизиқтирган саволларига жавоблар олдилар. Сўнгра мустақил юртимизда олиб борилаётган улкан ўзгаришлар янада равнақ топиши, эл-юрт тинчлиги ва мамлакат ободлиги, ҳаётимиз янада фаровон бўлишини тилаб дуои хайрлар қилдилар.
Фотолавҳаларини эътиборингизга ҳавола қиламиз.
Mehrob.uz Матбуот хизмати
Кўнгиллар Каъбаси обод этилмоқда
Ўзбекистон мусулмонлари идораси раиси ташаббуси билан Сурхондарё вилоятига ташриф буюрган делегация аъзоларининг учинчи куни ҳам файзли тарзда давом этмоқда.
Ана шундай самимий учрашувларнинг навбатдагиси Сурхондарё вилояти Қумқўрғон туманидаги "Аҳадхон" жоме масжидида бўлиб ўтди.
Тошкент шаҳрининг Яккасарой жоме масжиди имом-хатиби Тошанов Салоҳиддин домла ушбу масжидга ташриф буюриб, пешин намозидан кейин ваъз-насиҳат қилиб берди.
Мавъизада мўмин-мусулмонларга сўнгги йилларда юртимизда диний-маърифий соҳада амалга оширилаётган ислоҳотлар ҳақида гапириб, шукрнинг фазилатини баён этди. Дилдан қилинган суҳбатлар савол-жавобларга уланиб, намозхонларда катта таассурот қолдирди.
Шунингдек, Салоҳиддин домла ушбу туман маҳалласида яшовчи кам таъминланган, боқувчисини йўқотган ҳамда беморлиги бор оилаларнинг ҳам ҳолидан хабар олди.
Ўзбекистон мусулмонлари идораси
Матбуот хизмати
Видеолавҳалар
