muslim.uz.umi
Тошкент–Жидда авиақатновлари Саудия Арабистони ОАВ диққатида
Саудия Арабистонининг туристик янгиликлар агентлигининг Twitterдаги саҳифасида Тошкент ва Жидда ўртасида авиақатновлар йўлга қўйилаётгани ҳақидаги ахборот материали жойлаштирилди, деб хабар бермоқда «Дунё» АА мухбири.
Нашрда шу йил 4 сентябрдан бошлаб «Uzbekistan Airways» авиакомпанияси Тошкентдан Жиддага ва ортга қайтувчи мунтазам авиақатновларни амалга оширишни бошлаши маълум қилинган.
«Uzbekistan Airways» авиакомпания маълумотига кўра, бу Макка ва Мадинанинг мусулмон зиёратгоҳларига тез ва қулай тарзда бориш имконини беради, - дейилади хабарда. - Тошкент-Жидда-Тошкент мунтазам парвозлари ҳар куни амалга оширилади».
Хабар якунида, ушбу йўналишдаги авиачипталарни авиакомпания веб-сайти ва компаниянинг расмий агентларидан харид қилиш мумкинлиги таъкидланган.
Ўзбекистон мусулмонлари идораси
Матбуот хизмати
“Умра – 2023” мавсуми учун нимча (камзул) ва сумка тайёрлаб берувчи корхона ва ташкилотлар ўртасида танлов эълон қилинади
Ўзбекистон мусулмонлари идораси “Умра – 2023” зиёратчилари учун нимча (камзул) ва сумка тайёрлаб берувчи корхона ва ташкилотлар ўртасида мазкур маҳсулотларга алоҳида-алоҳида очиқ танлов эълон қилади.
Танловда қатнашиш учун қуйидагилар тақдим этилади:
1. Ташкилот гувоҳномаси, раҳбар шахснинг паспорт нусхаси.
2. Тижорат банклардан К-2 маълумотнома.
3. Нимча (камзул) ва сумка намуналари.
4. Тижорат таклифи.
5. Корхонанинг банкдаги сўнгги бир йиллик пул маблағлари айланмаси ҳақида маълумотнома.
6. Боғланиш маълумотлари.
7. Амалдаги қонунчиликка мувофиқ қўшимча ҳужжатлар талаб этилиши мумкин.
Эркаклар нимчаси
Ўлчамлари 50-52-54-56-58 бўлиши, тугмали, кийимнинг орқа томонида Ўзбекистон байроғининг тасвири ва UZBEKISTAN ёзуви бўлиши, оғирлиги 190-220 грамм зичликда бўлиб, ранги мовий бўлиши лозим. Олд томонида учта чўнтак бўлиб, юқори чап чўнтак устига Ўзбекистон мусулмонлар идораси ҳузуридаги “Ҳаж” ва “Умра” марказининг логотипи туширилиши керак.
Аёллар нимчаси
Ўлчамлари 50-52-54-56-58. Тугмали, кийимнинг орқа томонида Ўзбекистон байроғининг тасвири ва UZBEKISTAN ёзуви бўлиши, оғирлиги 190-220 грамм зичликда бўлиб, ранги мовий бўлиши керак. Олд томонида иккита чўнтак бўлиб, юқори чап қисмида Ўзбекистон мусулмонлар идораси ҳузуридаги “Ҳаж” ва “Умра” марказининг логотипи туширилиши лозим.
Сумка
Ёрқин кўк рангда бўлиб, оғирлиги 250-280 грамм зичликдаги матодан тикилиши, ён томонида сув олиб юришга мўлжалланган чўнтак бўлиши, олд томонида эса телефон учун чўнтак ва шахсни тасдиқловчи ҳужжатлар учун шаффоф чўнтак жойлашган бўлиши талаб этилади.
Танловда иштирок этмоқчи бўлган корхона ва ташкилотлар 2023 йил 26 август кунига қадар мазкур ҳужжатларни Ўзбекистон мусулмонлари идорасига тақдим этишлари зарур.
Манзил: Тошкент шаҳри Олмазор тумани Қорасарой кўчаси, 47-уй. Телефонлар: 71-240-04-75.
Ўзбекистон мусулмонлари идораси
Аллоҳ таоло 10 нарсани “нур” деб атади
Биринчиси, Аллоҳ таоло Ўзини “Нур” деб атади: «Аллоҳ осмонларнинг ва Ернинг нуридир ҳамма нарсанинг нури – ёруғлигини берувчи, борлиқни ёритгувчидир» (Нур сураси, 35-оят).
Иккинчиси, Қуръони каримни: «Эй инсонлар! Муҳаққақки, сизларга Раббингиздан бир бурҳон (ўлароқ мўъжизалар ила ҳазрати Муҳаммад) келди ва Биз сизларга очиқ бир нур (қилиб Қуръонни) нозил қилдик» (Нисо сураси, 174-оят).
«Лекин Биз уни (Қуръонни) бир Нур қилдик, Ўз бандаларимиздан хоҳлаганимизни у орқали тўғри йўлга ҳидоят қилурмиз» (Шўро сураси, 52-оят).
«У ҳолда Аллоҳга, Унинг Расулига ва Биз нозил қилган Нурга (Қуръонга) имон келтиринглар. Аллоҳ қилаётган амалларингиздан тугал хабардордир» (Тағобун сураси, 8-оят).
Учинчиси, Тавротни(нг аслини): «Ҳеч шубҳасиз, ўзида ҳидоят ва нур (аҳком ва насиҳатлар) бўлган Тавротни Биз нозил қилдик» (Моида сураси, 44-оят).
(Изоҳ. Бу васф фақат Таврот туширилган даврга тегишлидир, инсонлар қўли билан бузилган бугунги кундаги нусхаларга алоқаси йўқ.)
Тўртинчиси, кундузни нур деб атади: «Ер Раббининг нури ила ёришур» (Зумар сураси, 69-оят).
Бешинчиси, тавҳидни: «(Улар) Аллоҳнинг нурини (гўё) оғизлари билан ўчирмоқчи бўлурлар. Ҳолбуки, кофирлар ёқтирмаса-да, Аллоҳ Ўз нурини (Ислом динини батамом ёйиб) камолига етказгувчидир» (Саф сураси, 8-оят).
Олтинчи, Исломни: «Аллоҳ кимнинг кўксини (қобилият ва туйғуларини, ният ва истаклари сабабли) Исломга очиб қўйган бўлса, у Раббидан (келган) бир нурда бўлмасми, ахир!» (Зумар сураси, 22-оят).
Еттинчиси, қиёмат кунидаги мўминларнинг нурини: «Бизга қаранглар (бизни кутинглар, токи) нурингиздан ол(иб бир оз фойдалан)айлик», дерлар (Ҳадид сураси, 13-оят).
Саккизинчиси, маърифатни: «Унинг нури мисоли бир токчадаги (қувватли) чироқ кабидир» (Нур сураси, 35-оят).
Изоҳ. Ҳидоят топган мўминларга, хоссатан, нури илоҳийдан етган ҳидоят ва маърифатнинг насибаси шуки, обид мўминнинг жисми бир токча кабидир, ичида юлдуз каби порлоқ бир қандил қўйилгандир. У қандил унинг қалбидирки, олами улвийга боғлиқдир, у қандилда ҳидоят ва маърифат чироғи ёниб туради (тафсири Саййид Маҳмуд Торозий – М.К.).
Тўққизинчиси, Пайғамбар алайҳиссаломни: «Дарҳақиқат, сизларга Аллоҳдан бир нур (ҳазрати Муҳаммад) ва равшан бир Китоб (Қуръон) келди» (Моида сураси, 15-оят).
Изоҳ. Кўпчилик муфассирлар бу оятдаги “Нур”дан мурод Муҳаммад соллаллоҳу алайҳи ва салламдир, деб ёзганлар. Дарҳақиқат, бошқа кўпгина оятларда ҳам у зот нур ва чироқ каби нурафшон нарсаларга ўхшатилган (Аҳзоб сураси, 46-оятга қаралсин.) (Абдулазиз Мансур).
Ўнинчиси, ойни: «У Қуёшни бир зиё, ойни бир нур қилган Зотдир» (Юнус сураси, 5-оят).
«Ва у (етти қават осмон)лар ичида ойни нур қилди, қуёшни эса (ёруғлик манбаи бўлмиш) чироқ қилди» (Нуҳ сураси, 16-оят).
Шайх Аҳмад Ғаззолийнинг
“Баҳрул маҳабба” асаридан.
MuslimShosh
Янгиликлар
