Бугун, 10 апрель куни Ўзбекистон мусулмонлари идораси раиси, муфтий Усмонхон Алимов ҳазратлари Қозоғистоннинг Нур-Султон шаҳрида шу йил 11-12 апрель кунлари ўтказиладиган “Маънавий ипак йўли: Ислом ва ёшлар” мавзусидаги анжуманда иштирок этиш учун жўнаб кетдилар.
Мазкур анжуман 2016 йилдан буён ўтказилиб келинади. 2016 йил Хитой Халқ Республикасининг Урумчи шаҳрида, 2017 йил Татаристон Республикасининг Булғор шаҳрида ва 2018 йил Қирғизистоннинг Бишкек шаҳрида ўтказилган.
Сайтимизни кузатиб боринг, анжуман тафсилотларини ёритиб борамиз.
Ўзбекистон мусулмонлари идораси Матбуот хизмати
