Ўзбекистон янгиликлари

Ўзбекистон ва Судан “зиёрат-туризм” соҳасида ҳамкорликни йўлга қўйиш имкониятларини муҳокама қилишди

25 декабрь Ўзбекистон ташқи ишлар вазирининг ўринбосари Фурқат Сидиқов Хартумдаги (Судан) Ўзбекистон Савдо уйи раҳбари, «Mumlaka Investment Group» компанияси президенти Муса Муҳаммад Саид билан учрашди, деб хабар бермоқда “Дунё” АА.
Учрашувда Судан билан савдо-иқтисодий алоқалар ўрнатиш, шунингдек, ўзбек маҳсулотларини Африка қитъаси бозорларига олиб чиқиш масалалари муҳокама қилинди.
Судан Ўзбекистон билан қишлоқ хўжалиги, ирригация ва мелиорация, таълим каби соҳаларда яқин ҳамкорликни йўлга қўйишдан манфаатдор, хусусан, қишлоқ хўжалиги техникаси ва электротехника маҳсулотларини импорт қилиш бўйича таклифларни кўриб чиқишга тайёр.
Томонлар, шунингдек, “зиёрат-туризм” соҳасида ҳамкорликни йўлга қўйиш имкониятларини муҳокама қилди. Мусо Муҳаммад Саиднинг сўзларига кўра, Ўзбекистоннинг бой тарихий ва маънавий-маданий мероси суданлик сайёҳлар ва мусулмон аҳоли орасида катта қизиқиш уйғотмоқда.
Учрашувда томонларни қизиқтирган бошқа масалалар ҳам муҳокама қилинди.

Ўзбекистон мусулмонлари идораси матбуот хизмати

1217 марта ўқилди

Янгиликлар

Top