Аминжон ИСМОИЛОВ
Сирдарё тумани бош имом-хатиби.

Германиянинг Мюнстер университетида “Ислом ижтимоий хизматларда” деб номланган янги курс ташкил этилди, унда талабалар Ислом таълимотлари ва Қуръоннинг ижтимоий хизматларда қўлланилишига оид мавзуларни муҳокама қиладилар.

IQNA (Эрон Қуръон ахборот ваколати) сайти маълумотига кўра, Германиядаги кўплаб ижтимоий соҳадаги тадқиқотчилар инқироз ва фавқулодда вазиятларда имомларнинг иштирокига муҳтож, деб ҳисоблайдилар. Айни пайтда, Германия ижтимоий иш соҳасида мусулмон кучларининг етишмаслигига дуч келмоқда.
Шу сабабли Мюнстер университети “ Ислом ижтимоий хизматларда ” деб номланган янги малака ошириш курсини ташкил қилди. Ушбу 9 ойлик малака ошириш курси асосан имом-хатиблар ва ижтимоий соҳа ходимлари учун олиб борилади. Ҳозирда биринчи курсга 25 киши келиши кутилмоқда.

“Islamische-Zeitung” веб-сайтида хабар берилганидек, Мюнстер университети қошидаги Ислом илоҳиёти маркази раҳбари Муҳанд Хуршидий курс очилиши ҳақида бундай деди: “Ушбу курсда талабаларга ижтимоий соҳада Ислом ва Қуръон таълимотларини амалда қўллашга доир машғулотлар ўтилади. Бундан ташқари, курс иштирокчилари Германиянинг ижтимоий қадриятларини ҳурмат қилиш зарурлигини ўрганиши ва тадқиқ этиши керак”.

"Ушбу ўқув дастурининг бошланиши немис жамиятининг эҳтиёжларини қондиришга қаратилган", деди Мюнстер университети президенти Майкл Кванте. Курсда ижтимоий хизмат кўрсатиш масалалари ҳам кўриб чиқилади.

                                                                ЎМИ  Халқаро алоқалар бўлими

Марокаш ҳукумати яқинлашиб келаётган Муқаддас Рамазон ойида фуқароларнинг эҳтиёжларини қондириш учун озиқ-овқат маҳсулотларини узлуксиз етказиб беришни таъминлаш чораларини эълон қилди. Бу ҳақда Islam.ru хабар қилган.

Саноат ва савдо вазири Риад Меззурнинг таъкидлашича, ҳукумат фуқароларнинг зарур маҳсулотлар сотиб олиш қобилиятини, шунингдек, уларнинг саломатлиги ва хавфсизлигини ҳимоя қилиш мақсадида тегишли ишларни амалга оширмоқда.

Ушбу баёнотлар Рамазон ойида одатда истеъмол қилинадиган муҳим маҳсулотлар нархларининг сезиларли даражада ошиши олдидан эълон қилинди.

Ҳукуматнинг таъкидлашича, вазият дунёдаги иқтисодий инқироз билан боғлиқ бўлиб, бир қатор маҳсулотлар, жумладан, унни субсидиялаш орқали инқироз оқибатлари юмшатилиши мумкин.

Ўзбекистон мусулмонлари идораси Матбуот хизмати

Ўзбекистон мусулмонлари идораси раиси, муфтий

Нуриддин домла ҳазратлари

Ислом ҳамкорлик ташкилоти Нигериянинг Афғонистон учун 1 миллион АҚШ доллари миқдоридаги хайр-эҳсонини маъқуллайди.
ИҲТ Бош котиби Ҳусайн Иброҳим Тоҳанинг айтишича, бундай ташаббус ўз вақтида келиб тушган. Бу Афғонистондаги гуманитар вазиятни юмшатиш ва миллионлаб афғонларнинг эҳтиёжларини қондириш бўйича ташкилотнинг саъй-ҳаракатларига янги туртки бериши шубҳасиз, деди Ҳусайн Иброҳим Тоҳа.
Islam.ru хабарига кўра, ИҲТ барча аъзо давлатлар ва ҳамкорларга Ислом тараққиёт банкида ушбу фонд учун ажратилган банк ҳисобварағи орқали Афғонистон учун гуманитар ёрдам траст фондига қўшилиш ва ўз бадалларини қўшиш чақириғи билан мурожаат қилди.

Ўзбекистон мусулмонлари идораси Матбуот хизмати