Ўзбекистон мусулмонлари идораси раиси, муфтий

Нуриддин домла ҳазратлари

"Минор" жоме масжидидаги жума суҳбатидан лавҳа (07.01.2022 йил)

Ўзбекистон мусулмонлар идораси жамоаси пойтахтимиздаги “Имом Термизий” жоме масжиди имом-ноиби Абдураҳмон қори домланинг волидаи муҳтарамалари вафоти муносабати билан чуқур таъзия изҳор этади.

Аллоҳ таоло марҳума онахоннинг барча солиҳ амалларини ҳамроҳ айлаб, Ўз мағфиратига олсин.

Ҳақ таоло марҳума онахоннинг яқинлари, фарзанду аржумандларига чиройли сабр бериб, бу мусибатларига ажру мукофотлар ато этсин.

Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан Абдураҳмон қори домланинг оила аъзолари, фарзандлари, ёр-биродарлари, яқинларига ҳамдардлик билдирамиз.

Иннаа лиллааҳи ва иннаа илайҳи рожиъун!

Жаноза бугун соат 14:00 да Сирдарё вилоятида ўқилади.

Фирқалар ва оқимларга номни доимо жумҳур уламолар, анъанавий мазҳабдагилар, аҳли суннат ва жамоатнинг ҳақиқий аъзолари қўядилар. Фирқа ва оқим аъзолари бу номларни ўзлари инкор қилишлари мумкин. Мўътазилийларга номни буюк тобеъин Ҳасан Басрий раҳимаҳуллоҳ қўйганлар. Хаворижларга номни Пайғамбаримиз соллаллоҳу алайҳи ва саллам қўйган, деган фикр мавжуд. Фирқа ва оқимларнинг номлари алоҳида кўринишларидан, раҳбарларининг номларидан, келиб чиққан жойлари номидан, яққол кўринадиган асосий ақидаларидан олинган бўлади. Буни ҳамиша эсда тутинг!
Жумладан:

و لا تكون كالذين تفرقوا و اختلفوا من بعد ما جاءهم البينات و أولئك لهم عذاب عظيم

“Ҳужжатлар келгандан кейин ҳам бўлиниб, ўзаро ихтилофга берилган кимсаларга ўхшамангиз! Ана ўшаларга улкан азоб бордир” (Оли Имрон, 105).

Ҳа, ёмонларнинг ёмонликларини, фитначиларнинг фитналарини, тинчликка, тотувликка рахна солувчилардан огоҳлантирганидан кейин, бирга намоз ўқиб, бирга рўза тутиб, қавму қариндошлари, ёру биродарлари, юртдош ва ватандошлари билан бирга умргузаронлик қилиб келаётгандан кейин, куфрони неъмат қилиб, имон-ишончини ўзгартириб, кофир фитначиларга қўшилганлар охират кунини, юзлар қораядиган кунни эсламоқлари даркор. У кунда оқ юзли, обрўли бўлганлар ютади, обрў-эътиборидан айрилган, дунёда шарманда бўлганлар, у кунда ҳам шарманда бўладилар:

يوم تبيضّ وجوهٌ و تسودّ وجوهٌ فأمّا الذين اسودّت وجوههم أكفرتم بعد إيمانكم فذوقوا العذاب بما كنتم تكفرون

و امّا الذين ابيضّت وجوههم ففى رحمة الله هم فيها خالدون

“Баъзи юзлар оқарадиган ва баъзи юзлар қораядиган кунни (қиёматни) эсланг: юзи қорайганларга (ҳужжат-исботи учун шундай дейилур): “Имон келтиргандан кейин яна куфрга қайтган эдингизми? Куфрингиз туфайли мана шу азобларни тотиб кўринг, энди!” (Оли Имрон, 106).

“Юзлари оқарган зотлар эса Аллоҳнинг раҳматида (жаннатида)дирлар. Улар у ерда абадий қолувчилардир” (Оли Имрон, 107).

Фирқа ва оқимлардагиларнинг айримларининг амалиёти ва ақидалари аҳли суннат ва жамоатга жуда яқин кўринишда бўлиши мумкин. Масалан, ҳақиқий ҳанафий уламоларнинг ақидаси тўғри ҳанафий шогирдлари шу хилда фирқа ва оқим вакиллари бўлиши мумкин. Ана шундай фирқа ва оқимларнинг раҳбарлари эса ўша фирқа ёки оқимни яхши ниятда ташкил қилган ҳаққоний олим, ҳақиқий аҳли суннат ва жамоат аъзоси бўлиши ҳам мумкин. Ҳақиқий аҳли суннат ва жамоатдан бўлгани боис у ҳатто раббоний олим, улуғ авлиё ҳам бўлиши мумкин. Бу нарса эса сизни алдаб қўймасин! Ўша фирқа ва оқим қандай ниятда ташкил қилинган бўлмасин, унинг раҳнамолари нақадар яхши инсонлар, нақадар буюк уламолар бўлмасин, лекин алоҳида кўринишлари, мусулмонлар ҳамжамиятидан ажралиб, озчилик билан алоҳида бўлиб олишларининг ўзи, кўпчилик мусулмонлар уларнинг алоҳида кўринишига қараб, алоҳида ном қўйиб қўйишининг ўзи уларни аҳли суннат ва жамоатдан чиқариб қўяди. Буни унутманг!

Мусулмон кимса раҳбарларига итоатли, юртидаги инсонлар билан муросаю мадора билан яшамоғи фарз. Шундай экан, фирқа ва оқимларга қўшилишни жамият ман қилиб қўйган экан, давлат қонуни жиноят деб баҳолар экан, ундай фирқа ва оқимлардан узоқ бўлаверинг. Шу сизнинг мусулмонлик бурчингиздир! Хуллас, фирқа ва оқимлардан доимо эҳтиёт бўлинг, қочинг, яқинлашманг!

"Ёрилган масжиди"
имом хатиби
Тожиддин Хўжаханов

ЎМИ матбуот хизмати

Туркия Президенти Ражаб Тойиб Эрдўғаннинг айтишича, мусулмонлар ўсиб бораётган исломофобия қаршисида ўзаро бирлик ва ҳамжиҳатликни ўрната олсагина мутлақ тинчлик ва тотувликка эришади.

Чикагода Шимолий Америкада ҳар йили бўлиб ўтадиган энг йирик Ислом анжуманларидан бири Америка мусулмон жамияти (MAS) ва Шимолий Америка Ислом доираси (ICNA) анжуманида трансляция қилинган телемурожаатида сўзга чиққан Эрдўған бирлик ва мусулмонларга нисбатан ижобий муносабат муҳимлигини таъкидлади.

"Биз пандемия пайтида кучайган мусулмонларга қарши нафрат, ксенофобия ва маданий ирқчиликка қарши ҳамжиҳатликни кучайтиришимиз керак, мусулмонлар бирлашиши, маданий ва этник фарқларни йўқ қилиш зарур", - деди у.

"Барча мусулмонлар келиб чиқиши, терисининг ранги, миллати, маданияти, мазҳабидан қатъи назар, ака-ука ва опа-сингиллардир", - деди Эрдўған.
"Замонамизнинг ўсиб бораётган қийинчиликлари фонида мусулмонлар бегоналашмаслиги ва ўз кучига ишониб, жамиятда муносиб ўрин эгаллашга интилишлари керак", - деди Туркия раҳбари.

Қўшма Штатлардаги энг йирик ислом анжуманлардан бири сешанба куни Чикагода уч кунлик қизғин учрашувлардан сўнг якунланди. Тадбир "қийинчиликлардан кейинги енгилликлар" шиори остида ўтказилди.

Ислом анжуманларидан бири Америка мусулмон жамияти (MAS) ва Шимолий Америка Ислом доираси (ICNA) томонидан уюштирилган 20- ҳар йиллик съезд 26 декабрдан 28 декабргача бўлиб ўтди. Жорий йилда тадбир ташкилотчилари томонидан барча иштирокчилар учун мажбурий эмлаш сиёсати жорий этилди.

Съезд давомида барча кўнгиллилар ва барча иштирокчилар тўлиқ эмлашдан ўтишлари ёки COVID-19 га салбий тест натижаларини тақдим этишлари керак эди. Интенсив семинарлар, давра суҳбатлари, бадиий кўргазмалар, фильмлар, истеъдодлар шоуси ва бозор
Съезд дастурининг бир қисмига айланди.

Islam.ru хабарига кўра, 90 дан ортиқ таниқли америкалик мусулмонлар, жумладан, турли динларнинг кўплаб вакиллари томошабинларга мурожаат қилишди. Машҳур олимларнинг маърузаларини тинглаш учун 20 мингга яқин мусулмон йиғилди.

Ўзбекистон мусулмонлари идораси матбуот хизмати