muslim.uz
Шайх Муҳаммад Содиқ Муҳаммад Юсуф раҳимаҳуллоҳ: Ихтилофчиларга раддия (инфографика)
Мусулмонлар учун алоҳида машина тўхташ жойи
Хабаровск ўлкаси муфтийси Муҳаммад ҳазрат Гитинов ва имом-муҳтасиб Абдуллоҳ ҳазрат Магомедханов Хабаровск шаҳар ҳокими муовини, Темир йўл туманини бошқариш бўйича шаҳар маъмурияти қўмита раиси Роман Брюханов билан учрашди.
Учрашув жоме масжиди жойлашган Кострома кўчасининг тиқилинчлиги билан боғлиқ муаммога бағишланди. Бу ҳақда Islam.ru хабарига кўра transsibinfo.com маълум қилмоқда.
Томонлар кўчада автомобилларнинг кўплиги билан боғлиқ муаммоларни ҳал қилиш, шунингдек ибодат хизматлари ва дам олиш кунларида автомобилларни қўйиш жойлари учун ҳудуд топишда ҳамкорлик қилишга келишиб олишди.
Ўзбекистон мусулмонлари идораси Матбуот хизмати
Қиёмат кунида сўраладиган тўрт нарса
Аллоҳ таоло бу дунё ҳаётини инсонга синов ўлароқ берди. Инсон ҳаётда яшар экан, Аллоҳнинг синовини бошидан ўтказади. Инсон яхши кунлар учун шукр қилади, синовли кунларига сабр қилади. Инсон дунё ҳаётини яшаб Аллоҳнинг ҳузурига борганида берилган неъматлардан сўроқ қилинади.
Қиёмат кунида тўрт нарсадан сўроқ қилинмасдан қадамларимиз жойидан силжимайди. У тўрт нарса қуйидагилардан иборат:
Дунёда берилган умримизни нимага сарф қилганимиз;
Йигитлик даврини қандай ўтказганимиз;
Мол-мулкимизни қаердан топиб, қаерга сарфлаганимиз;
Илмимизга қандай амал қилганимиз.
Бу ҳақда Пайғамбаримиз соллаллоҳу алайҳи васаллам бундай деганлар: “Қиёмат куни банда тўрт нарсадан сўралмагунча, унинг қадами жойидан жилмайди; умрини нимага сарфлагани, йигитлик даврини қандай ўтказгани. Молини қаердан топиб, қаерга сарфлагани ва олган илмига қандай амалгани” (Имом Термизий ривояти).
Шу сабабли барчамиз бу дунё ҳаётида ёшлик даврини икки дунёда манфаатли бўлиб ўтказишга, олган илмимизга амал қилишга, мол-мулкимизни қаердан топиб, қаерга сарфлаётганимизга, умримиз сарфини тўғри қилишга жиддий эътибор беришимиз лозим.
Аллоҳ таоло барчамизни ёшлик чоғларини тўғри ўтказишга, илмимизга амал қилишга, мол-мулкни ҳалол йўл билан топиб, уни ҳалол жойларга сарфлашга, берилган умрни эса икки дунё саодати йўлида сарф қилишга муваффақ қилсин!
Аллоҳ таоло қиёмат кунида юқорида тилга олинган тўрт нарсадан саволга тутилганида Ўзи юзимизни ёруғ бўлишига муваффақ қилсин!
Р. Акбаров,
Ўзбекистон мусулмонлари идорасининг
Қашқадарё вилоятидаги вакиллиги ходими.
Юртимизда “Кексалар учун туризм ойлиги” ўтказилади
Жорий йилнинг 1-30 ноябрь кунлари мамлакатимизда “Кексалар учун туризм ойлиги” ўтказилади.
Ўзбекистон Республикаси Вазирлар Маҳкамасининг 2020 йил 28 майдаги “Кексаларни давлат томонидан қўллаб-қувватлаш тизимини янада такомиллаштиришнинг қўшимча чора-тадбирлари тўғрисида”ги Қарорига мувофиқ, ҳар йили ноябрь ойи юртимизда “Кексалар учун туризм ойлиги” этиб белгиланган. Бу ҳақда Маҳалла ва оилани қўллаб-қувватлаш вазирлиги маълум қилмоқда.
Ойлик доирасида кексалар ва ногиронларни қўллаб-қувватлаш, уларнинг вақтини мазмунли ташкил этиш мақсадида турли ижтимоий лойиҳалар амалга оширилади, юртимизнинг диққатга сазовор жойларига саёҳатлар уюштирилади.
Вазирлик томонидан ушбу вазифалар ижросини таъминлаш мақсадида айни вақтга қадар мамлакатимизда I гуруҳ ногиронлиги бўлган ҳамда саёҳат қилиш истагини билдирган 552 нафар кексалар рўйхати шакллантирилди.
Ойлик доирасида ушбу фуқаролар ҳамда 60 мингдан ортиқ кекса авлод вакиллари иштирокида мамлакатимиз бўйлаб турли саёҳат, маданий-маърифий тадбирлар, учрашувлар,
“Ҳар куни 5 минг қадам" шиори остида пиёда юриш марафонлари ўтказилиши белгиланган.
Қарорга асосан, ойлик доирасидаги саёҳатлар учун қатор чегирма ва акциялар, хусусан, Транспорт вазирлиги, «Uzbekistan Airways» АЖ ва «Ўзбекистон темир йўллари» АЖ билан биргаликда саёҳат қилувчилар учун йўл чипталари учун ихтиёрий чегирмалар белгиланиши кўзда тутилган.
Жумладан, республикамиз ҳудудида саёҳат қилиш истагидаги I гуруҳ ногиронлиги бўлган кексалар, 55 ёшдан ошган аёллар ва 60 ёшдан ошган эркакларга
“Uzbekistan Airways” АЖ томонидан 25 фоиз,
“Ўзбекистон темир йўллари” АЖ томонидан 10 фоиз,
“Uzautotrans Service” МЧЖ томонидан маҳаллий йўналишларда қатновчи автобус чипта нархларига 15 фоиз чегирмалар тақдим этилади.
“Кексалар учун туризм” ойлиги доирасида барча тадбирлар Соғлиқни сақлаш вазирлиги билан ҳамкорликда, белгиланган карантин талаблари асосида ўтказилиши қатъий назоратга олинади.
Ўзбекистон мусулмонлари идораси Матбуот хизмати
Террорчилик исломдан эмас
Наманган вилояти вакиллиги
Ғиёсиддин Тожимирзаев
Мақолалар
