Саудия Aрабистони Ҳаж ва умра вазирлиги мамлакат Миллий банки билан ҳамкорликда Ҳаж ва умра зиёратчилари учун махсус ишлаб чиқилган “Nusuk Wallet” номли биринчи халқаро рақамли ҳамённи ишга туширди. Бу ҳақда “IQNA” сайти “Golf News” га таяниб хабар берди.

Nusuk ҳамёни ўтган сешанба куни Ҳаж ва умра вазири Тавфиқ ар-Рабиаъ иштирокида расман ишга туширилди.

Ушбу инновацион рақамли ҳамён зиёрат сафарлари пайтида молиявий ишлар ва харажатларни бошқариш учун кенг қамровли ечимни таклиф этади. “Nusuk Wallet” фойдаланувчиларнинг молиявий операциялари учун максимал хавфсизликни таъминлаш учун илғор технология ва шифрлаш усулларидан фойдаланади.

Саудия Aрабистони Ҳаж ва умра вазирлигининг Рақамли тажриба бўйича директори Aҳмад бин Сулаймон Aл-Маймен ушбу ҳаракат муҳимлигини таъкидлаб, уни олтита асосий ютуқ келтирадиган бурилиш нуқтаси деб атади.

Aл-Маймен таъкидлаганидек, ҳамёни замонавий технологияларнинг фойдаланувчи функциялари, жумладан, сунъий интеллект, шифрлаш ва биометрик аутентификация каби илғор функцияларга эга.

Қайд етиш жоизки, бу Ҳаж ва умра зиёратчилари учун мўлжалланган биринчи халқаро рақамли ҳамён ва банк картаси бўлиб, уларнинг эгалари учун қулайлик ва хавфсизликнинг янги даврини очади. Рақамли ҳамён - бу электрон тўловлар, чипталар ва электрон ҳужжатларни сотиб олиш учун ишлатиладиган онлайн хизмат ёки дастур ҳамдир.

Ўзбекистон мусулмонлари идораси ходими

Илёсхон Аҳмедов тайёрлади.

بسم الله والله أكبر اللهم منك ولك اللهم تقبل مني

Ўқилиши: Бисмиллаҳи. Валлоҳу акбар. Аллоҳумма минка ва лака. Аллоҳумма тақоббал минний.

Маъноси: Аллоҳнинг номи билан. Аллоҳ улуғдир. Аллоҳим, бу Сендан ва Сен учундир. Аллоҳим, мендан қабул эт.

اللهم تقبل هذا منى كما تقبلت من حبيبك محمد و خليلك إبراهيم عليهما السلام

Ўқилиши: Аллоҳумма тақоббал ҳаазаа минний кама тақоббалта мин Ҳабийбика Муҳаммад соллаллоҳу алайҳи васаллам ва Халийлика Иброҳим алайҳимассалом.

Маъноси: Аллоҳим! Бу қурбонлигимни ҳабибинг Муҳаммад, халилинг Иброҳим алайҳимассаломдан қабул қилганингдек қабул қилгин.

إِنِّي وَجَّهْتُ وَجْهِيَ لِلَّذِي فَطَرَ السَّمَاوَاتِ وَالْأَرْضَ حَنِيفًا وَمَا أَنَا مِنَ الْمُشْرِكِينَ

Ўқилиши: Инний важжаҳту важҳий лиллазий фаторос самааваати вал арз ҳанийфан ва маа анаа минал мушрикийн.

Маъноси: Мен тўғри йўлни танлаган ҳолимда юзимни осмонлар ва Ерни ихтиро этган Зотга қаратдим. Мен мушриклардан эмасман.

قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ

Ўқилиши: Қул инна солаатий ва нусукий ва маҳйаая ва мамаатий лиллаҳи Роббил ъаламийн.

Маъноси: Айтинг: “Албатта, намозим, ибодатим ва ҳаёту мамотим оламлар Рабби бўлмиш Аллоҳ учундир”.

لَا شَرِيكَ لَهُ وَبِذَلِكَ أُمِرْتُ وَأَنَا أَوَّلُ الْمُسْلِمِينَ

Ўқилиши: Лаа шарийка лаҳу ва бизаалика умирту ва анаа аввалул муслимийн.

Маъноси: Унга (ҳеч қандай) шерик йўқдир. Мана шу (ақида)га буюрилганман ва мен (Аллоҳнинг буйруқларига) таслим этувчиларнинг аввалиман.

Абдувоҳид домла Аҳмадалиев,

Ўзбекистон мусулмонлари идораси
Фатво маркази мутахассиси.

Ўзбекистон мусулмонлари идораси Матбуот хизмати

2024 йил 15 июнь шанба куни зулҳижжа ойининг 9-куни – арафа кунидир.

Абу Қатода розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Арафа кунининг рўзаси ўзидан аввалги бир йил ва ўзидан кейинги бир йилнинг гуноҳларига каффорат бўлишини Аллоҳдан умид қиламан”, дедилар (Имом Муслим ривояти).

Оғиз ёпиш ва очиш вақти (Тошкент вақти билан):

Саҳарлик (оғиз ёпиш) вақти: 03:00

Ифторлик (оғиз очиш) вақти: 20:02

Нияти: Холис Аллоҳ учун нафл рўза тутишни ният қилдим.

Ғафлатда қолманг! Арафа куни рўзасини тутишни ўтказиб юборманг! Буни бошқаларга ҳам эслатинг. Эҳтимол Сиз сабабли бошқалар ҳам рўза тутар.

 Даврон НУРМУҲАММАД