muslim.uz

Неділя, 28 Январь 2018 00:00

Термизда энг яхши қориялар аниқланди

Сурхондарё вилояти Термиз шаҳрида ташкил этилган Қуръон мусобақасининг аёллар ўртасида ўтган саралаш босқичи натижалари билан танишинг.

Тиловат йўналиши

18-25 ёш
1. Жўраева Меҳринисо
2. Муҳаммадиева Кибриё
3. Шамсиджинова Сарвинисо

26-40 ёш
1. Қораева Кимё
2. Дўстматова Мадина
3. Раҳимова Шахноза

Мусобақа ғолибларига ташкилотчилар томонидан диплом ва эсдалик совғалари берилди.

Бизни muslim.uz портали ва ижтимоий тармоқларда кузатинг.

ЎМИ Матбуот хизмати

Published in Ўзбекистон янгиликлари

Неділя, 28 Январь 2018 00:00

Шавкат Мирзиёев Қашқадарёга жўнаб кетди

Президентимиз Шавкат Мирзиёев жойларда ижтимоий-иқтисодий ислоҳотларнинг бориши, амалга оширилаётган бунёдкорлик ва ободонлаштириш ишлари билан яқиндан танишиш, халқ билан мулоқот қилиш мақсадида 28 январь куни Қашқадарё вилоятига жўнаб кетди.

Қашқадарё вилояти 1924 йил 1 ноябрда ташкил топган. Аҳолиси сони 3 миллион 148 мингдан зиёд. Умумий ер майдони 28 минг квадрат километр. Вилоятда 182 минг гектардан зиёд экин майдони мавжуд. Шундан суғориладиган ерлар – 122 минг гектарга яқин. Вилоят маркази – Қарши шаҳри. Вилоятдаги 13 та туман, 2 шаҳарнинг ҳар бири ўзига хос салоҳиятга эга. 50 йирик саноат корхонаси, 57 қўшма корхона, 14 минг 960 дан зиёд кичик бизнес ва хусусий тадбиркорлик субъекти, 20 минг 333 фермер, 19 минг 917 деҳқон хўжаликлари фаолият юритмоқда.

Президентимиз Шавкат Мирзиёев 2017 йил 24-25 февраль кунлари Қашқадарё вилоятига ташрифи чоғида кўплаб истиқболли лойиҳалар билан танишиб, ҳудудни ижтимоий-иқтисодий ривожлантириш юзасидан зарур топшириқлар берган эди. Ўтган бир йилга яқин вақт мобайнида вилоятда иқтисодиёт тармоқларини ривожлантириш, ишлаб чиқаришни модернизация қилиш, янги қувватларни ишга туширишни кўзда тутувчи кўплаб истиқболли лойиҳалар амалга оширилди.

Вилоятда 2017 йилда ялпи ҳудудий маҳсулот ҳажми 17 триллион 366 миллиард сўмни ташкил этди. Бандлик дастури доирасида 70 мингдан ортиқ янги иш ўрни яратилди. 2 минг 711 та, жумладан, саноатда 776 та, хизмат кўрсатишда 1 минг 115 та ва қишлоқ хўжалиги йўналишида 820 та лойиҳа амалга оширилди.

Манба: http://uza.uz

Published in Ўзбекистон янгиликлари

Неділя, 28 Январь 2018 00:00

Фарзанд тарбиясида ота-оналар эътиборидан четда қоладиган хатолар

Фарзанд тарбияси жуда улуғ ва шу билан бирга жуда масъулиятли иш. Бу юмушга минг йиллардан буён жуда катта эътибор билан ёндашишади. Бу миллат ва элат танламас маънавий ҳислатлардан биридир. Фарзанд тарбиясида ҳар бир лаҳза, ҳар бир ҳаракат эътиборга олиниши, таҳлил этилиши лозим. Бу ҳақда машҳур олим, доктор Ториқ ал-Ҳабибий шундай ёзади:

Фарзандингиз кўп ёлғон гапирадими, демак, сиз уни ҳаддан ташқари қаттиқ ҳисоб-китоб қилиб, тергайсиз. Агар у сизга ишонмаса, сиз уни шижоатлантирмаётган экансиз.

Фарзандингиз сўзлашишни билмайдими? У билан суҳбатлашишга алоҳида эътибор қаратинг. У ўғирлик қиляптими, демак, сиз унга совғалар, ҳадялар бермас экансиз.

Доктор Ториқ ал-Ҳабибийнинг таъкидлашича, фарзанднинг қўрқоқлиги, ота-онанинг уни кўп ҳимоя қилиши билан боғлиқ экан. Бундан ташқари, ота-онанинг ўз фарзанди билан баланд овозда гаплашиши, болани бошқаларни ҳурмат қилмаслигига олиб келар экан.

“Фарзандингиз доим дарғазабми?
Демак, сиз уни мақтаб турмас экансиз.

Фарзандингиз бахилми?
Демак, сиз у билан шерик, ҳамкор бўлмас экансиз.

Фарзандингиз бошқаларга зулм қиладими?
Демак, сиз ҳам қўпол экансиз.

Фарзандингизнинг шахсияти заифми?
Демак, сиз доим дўқ-пўписа билан муомала қилар экансиз.

Фарзандингиз жонсаракми?
Демак, сиз ҳадеб муҳлат қўяверар экансиз.

Фарзандингиз сиздан ўзини олиб қочадими?
Демак, сиз уни бағрингга босиб, қучмас экансиз.

Фарзандингиз сизга итоат қилмайдими?
Демак, сиз талабни жуда кучайтириб юборар экансиз.

Фарзандингиз бошқаларга аралашмайдиган одамови бўлиб қолганми?
Демак, сиз ишга ҳаддан ташқари банд экансиз”, деб ёзади Доктор Ториқ ал-Ҳабибий.

Манба: http://kun.uz

Published in Мақолалар