Имом Бухорий халқаро илмий-тадқиқот марказига Малайзия Бош вазирининг махсус вакили, Ташқи ишлар вазирининг ўринбосари Марзуки Яхья ва Малайзиянинг Ўзбекистондаги Фавқулодда ва мухтор элчиси Хенди Ассан бошчилигидаги делегация ташриф буюрди.

ЎзА хабарига кўра, меҳмонлар дастлаб Имом Бухорий мажмуасини зиёрат қилиб, марказ фаолияти билан танишган.

Марказ раҳбар ва ходимлари иштирокида ўтказилган давра суҳбатида Президентимиз ташаббуси билан ташкил этилган мазкур муассасанинг мақсад ва вазифалари, бу ерда заминимиздан етишиб чиққан буюк алломаларнинг илмий меросини ўрганиш ва тадқиқ этиш борасида амалга оширилаётган ишлар ҳақида маълумот берилди. Марказ иш бошлаганидан буён ўтган қисқа вақт ичида олиб борилган илмий тадқиқот ишлари натижалари, дунёдаги Ислом таълимоти бўйича нуфузли университет ва таълим даргоҳлари билан йўлга қўйилган ҳамкорлик алоқалари тўғрисида сўз юритилди.

– Ўзбекистонга ташрифимиз унутилмас таассуротларга бой ўтмоқда, – деди Марзуки Яхья. – Бу ердаги ўзгаришлар, улкан қурилиш ва бунёдкорлик ишларини кўриб ҳайратландим. Ўзбекистон Республикаси Ташқи ишлар вазири билан суҳбатлашиб, Имом Бухорий халқаро илмий-тадқиқот маркази хусусида маълумотлар олдик. Бугунги кунда Малайзиядаги ислом тадқиқот марказлари ва университетлари мазкур марказ билан ҳамкорликни йўлга қўйган. Ана шу ҳамкорлик натижасида биз ҳам юртимизда Имом Бухорий номидаги халқаро илмий-тадқиқот марказини очишни режалаштираяпмиз. Яқинда малайзиялик бир гуруҳ исломшунос олимларнинг Самарқандга саёҳатини ташкил қиламиз. Улар ҳам мазкур марказ ва Ҳадис илми мактаби фаолияти билан яқиндан танишади. Бу илмий ҳамкорлик алоқаларимизнинг янада кенгайиши, биргаликда кўплаб тадқиқот ишларини амалга оширишга хизмат қилади.

Ўзбекистон мусулмонлари идораси Матбуот хизмати

«Ўзбеккино» миллий агентлиги ва Малайзиянинг Illusion Pictures компанияси икки томонлама ҳамкорлик тўғрисидаги меморандум имзолаб, бу ҳамкорлик доирасида “Имом ал Бухорий” телесериалини суратга туширишни режалаштирган.

Ўзбекистон Республикаси ва Малайзия ўртасида фильм яратиш бўйича биринчи лойиҳа 2014 йилда суратга олинган ва ўша йили Сурия ТВ телеканали, Малайзия Радио Телевидениесида намойиш этилган “Fajar Di Bukhara” телесериали эди.

Сингапур ва Бруней радиоэшиттиришлари. “ILLUSION PICTURES” AQUILA EMAS SDN BHDнинг навбатдаги ютуғи Aquila Emas Sdn Bhd томонидан "Ўзбеккино" Миллий агентлиги ва Illusion Pictures МЧЖ билан икки томонлама ҳамкорлик тўғрисидаги меморандумлар имзоланиши бўлиб, ушбу лойиҳа 2020 йил январь ойида бошланиб, олти ой давом этади. AQUILA EMAS “ILLUSION PICTURES” ўртасида ҳамкорлик тўғрисидаги ушбу меморандумнинг имзоланиши Ўзбекистон ва Малайзия Республикасида, шу жумладан МДҲ ва Осиё минтақаларида контент-индустрия хизматларини илгари суриш ва тақдим этиш бўйича ўзаро манфаатли ҳамкорликнинг янги босқичидир.

AQUILA EMAS компаниясининг ижро директори Сяризаннинг сўзларига кўра, ушбу меморандумлар AQUILA EMASнинг муваффақиятли ривожланишидаги навбатдаги босқичдир.

“Бизнинг "ЎЗБЕККИНО" ва “ILLUSION PICTURES” компаниялари билан ҳамкорлигимиз ҳақиқатан ҳам ўз вақтида амалга оширилмоқда, чунки Малайзиядаги контент индустрияси мустаҳкам пойдеворга эга ва Ўзбекистонда контент саноати изчил ривожланмоқда. Бошқача айтганда, биз ўз тажрибамизни ишга солиш ва ресурслардан умумий манфаатлар учун фойдаланиш учун келдик. 2014 йилда “Fajar Di Bukhara” телевизион драмамизнинг биринчи лойиҳаси суратга олинганидан бери биз ижодий саноатнинг ўзбек провайдерлари билан яқиндан ҳамкорлик қилиб келмоқдамиз. Фурсатдан фойдаланиб, MATRADE HQ ва MATRADE Almatyга маҳсулотимиз ва хизматимизни минтақавий ва халқаро бозорларга, айниқса Ўзбекистон ва Қозоғистонга экспорт қилишга қаратилган AQUILA EMAS компаниясининг тинимсиз тавсиялари ва кўрсатган ёрдами учун миннатдорчилик билдирмоқчиман. Фурсатдан фойдаланиб, Ўзбекистон Республикасининг Куала-Лумпурдаги элчихонасига йиллар давомида тинимсиз қўллаб-қувватлаб келгани ва ҳамкорлик қилгани учун миннатдорчилик билдирмоқчиман.

Ўз навбатида, “Ўзбеккино” Миллий агентлиги Бош директори Фирдавс Абдухоликов ушбу меморандумнинг имзоланиши “Ўзбеккино” учун фойдали бўлишини таъкидлаб ўтди: “Умид қиламизки, ушбу меморандум дунёга Ўзбекистон ва унинг буюк тарихи ҳақидаги янги фильмларни тақдим этиш баробарида, Малайзиядаги хорижий кино компанияларига Ўзбекистонда фильмларни суратга олишга имкон берадиган тизимли кино туризмини яратиш ҳамда Ўзбекистон киноиндустиясини ривожланишига, икки давлат киноижодкорларининг ҳамкорлигини ошишига, тажриба орттиришига, янги кўникмалар ҳосил қилишида муҳим ўрин тутади”.

Маълумот учун, AQUILA EMAS 2005 йилдан бери Малайзияда тан олинган ва лицензияланган ижодий контент таъминотчиси ҳисобланади. AQUILA EMAS ўз маҳсулотларини Малайзия, Сингапур ва Брунейнинг турли хил телевизион тармоқларига етказиб беради. Бугунги кунда AQUILA EMAS телевизион фильмлар, телесериаллар, ҳужжатли фильмлар, саёҳат фильмлари ва телевизион журналлар, реклама роликлари ва бошқаларни ишлаб чиқаради.

Ўзбекистон мусулмонлари идораси Матбуот хизмати

Украина пойтахти Киев шаҳрида Бутунукраина Қуръони карим билимдонлари танлови ўтказилиши маълум қилинди. Бу ҳақда танлов ҳайъати аъзолари хабар беришган.

Украина фуқаролари бўлган мусулмонлар ва муслималар, МДҲ давлатларида иштиқомат қилувчилар ва бошқа хорижликлар ушбу мусобақада иштирок этишлари мумкин. Қуръони карим ҳофизлари ўртасида ташкил этиладиган танлов 2019 йилнинг 9-10 ноябрь кунлари ўтказилади.

Танлов 5 та гуруҳда ўтказилиши, бунда Қуръони каримни тўлиқ ҳифз қилганлар, 15, 10, 5 ва 2 жузларни ёддан ўқийдиган иштирокчилар танловда иштирок этишлари мумкинлиги айтилган.

Танлов ҳайъати аъзолари иштирокчиларнинг нафақат Қуръони каримни ёд олганлари, балки оятлар маъносини тушунишларини ҳам баҳолайдилар.

Ўзбекистон мусулмонлари идораси Матбуот хизмати

Россия Федерацияси таркибидаги Яҳудий Мухтор Республикаси маъмурий маркази бўлган Биробиджан шаҳрида жоме масжиди очилди. Бу ҳақда ОТР нашри хабар берди.

Ушбу масжид Узоқ Шарқдаги энг йирик масжид экани ва икки қаватли тош масжидни қуриш учун маблағ хайрия маблағлари эвазига амалга оширилгани айтилган.

Масжидни қуриш ишлари 7 йил давомида амалга ошилган ва 2012 йилда масжид қуриш учун шаҳар маъмурияти томонидан ер майдони ажратилган.

Масжидда бир вақтнинг ўзида 800 нафар намозхон ибодатларни амалга ошириши мумкин.

Масжиднинг очилиш маросимида палов тарқатилган.

Ўзбекистон мусулмонлари идораси Матбуот хизмати

Расмда Қуёш ва сайёралар солиштирилган.

Ерни Қуёшни олдидаги тўртта кўриниб турган сайёрлар орасидан қидирманг.

Балки чап тарафдаги кичкина тўртта қорамтир нуқталардан учинчиси биз яшайдиган Ер.

Қуёш олдида Ер шу қадар нуқтадек. Шундай юлдузлар борки, уларнинг олдида Қуёш нуқтадек бўлиб қолади, Ер эса нуқтадан анча кичик бўлиб кетади. 

Энди Қуёшга нисбатан шундай кичкина қора нуқтада, улкан юлдузларга нисбатан эса нуқтадан ҳам анча кичрайиб кетадиган Ерда яшайдиган заррадек инсоннинг кибр, манманлик қилиши ақлга тўғри келадими?!

Биз Аллоҳ таолонинг қулимиз. Қулга эса қуллик, хокисорлик, камтарлик ярашади! Аллоҳ таоло бизни нима учун яратганини Ўзи Қуръони Каримда баён қилиб шундай деган:

وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ

“Жин ва инсонни фақат Менга ибодат қилиш учунгина яратдим” (Зарият сураси, 56-оят).

Ҳа, Аллоҳ таоло бизни Ўзига ибодат қилишимиз учунгина яратган. Шундай экан, ҳаддимизни билиб, Унга ибодат қилайлик! Бу борада Ўзи бизларга ёрдамчи бўлсин!

Нозимжон Ҳошимжон тайёрлади