Фарғона давлат университетида “Огоҳлик ва ҳушёрлик – давр талаби” мавзуида давра суҳбати ташкил этилди. Тадбирда қатнашган Фарғона шаҳар бош имом-хатиби Жўрабек Раҳмонов ҳуқуқбузарликлар профилактикаси ҳамда жиноятчиликнинг олдини олиш, диний экстремизм ва терроризмнинг аянчли оқибатлари ҳамда “Оммавий маданият”нинг ёшлар тарбиясига таъсири ҳақида сўз юритар экан жумладан бундай деди:

– Инсон ҳаёти давомида бирор шахсни ўзига ўрнак деб билади, у каби ҳаёт кечиришни, у эришган ютуқлар каби муваффақиятларга эришишни,  юксак чўққиларга чиқишни кўзлайди. Бугун жамиятнинг ёш аъзолари ўз ҳаётлари учун бошқа маданият вакилларининг  фикрлаш ва ҳаёт тарзини ўрнак қилиб олишлари кўп муаммоларни келтириб чиқармоқда.

Ғарб турмуш тарзининг жамиятимизга таъсири сезиларли даражада экани ҳақида ўйлаганимизда, табиийки, ҳар биримиз ташвишга тушамиз. Шунда ёшлар таълим­тарбияси борасидаги ишларимизнинг  самарадорлиги қанчалар  муҳим  аҳамиятга  эга  эканини  тушуниб  етамиз. Шу билан бирга, шукр қиламизки, халқимиз орасида соғлом  эътиқодли,  юксак  одобли кишилар кўпчиликни ташкил қилиб келмоқда.

Ҳақиқатан,  юксак  ахлоқ,  аввало,  ҳар  бир  инсоннинг одобини, халқнинг орзу­умидлари, нияту ­интилишларини намоён қилади. Шунинг учун эзгуликни қадрлаб, рағбатлантириб, маънавий­-ахлоқий  қадриятларимизни асраб, ривожлантириб, Президентимиз таъкидлаганидек: “Жаҳолатга қарши маърифат билан курашиш” барчамизнинг асосий вазифамиздир.

Тадбир сўнгида талабалар ўзларини қизиқтирган саволларга соҳа мутахассисларидан жавоб олдилар.

Вакиллик матбуот хизмати

http://fargonaziyo.uz/ommaviy-madaniyatning-yoshlar-tarbiyasiga-tasiri/

Ҳазрат Жунайд Бағдодий раҳматуллоҳи алайҳ айтади: Аллоҳнинг йўлида юриш учун шу нарса зарурки, бир қўлда Аллоҳнинг китоби бўлсин ва иккинчи қўлда Расулуллоҳ соллаллоҳу алайҳи васалламнинг суннатлари бўлсин. Шу иккиси қўлида бўлган банда, албатта, Аллоҳ таолога етишади.

Боязид Бистомий раҳматуллоҳи алайҳ айтади:

الطرق إلى الله بعدد أنفاس الخلائق
Яъни: “Аллоҳга етишишнинг йўллари халойиқнинг нафаслари ададичадир“. Бироқ, Аллоҳга етишишнинг барча эшиклари ёпилгандир. Фақат бир эшик очиқ ва у Расулуллоҳ соллаллоҳу алайҳи васалламга эргашиш эшигидир. Яъни, кимки Расулуллоҳ соллаллоҳу алайҳи васалламга эргашса, айнан ўша Аллоҳга етишади.

Ҳазрат Мавлоно Шоҳ Фазлурроҳман раҳматуллоҳи алайҳ айтади: “Келинг, биз сизга бир ноёб усулни айтиб берайлик. У шуки, биз нима иш қилсак ҳам, унда суннатга диққат қилайлик. Масалан, Расулуллоҳ соллаллоҳу алайҳи васалламнинг суннатлари деб билиб, қачонки, таом есак, у ҳолда чўккалаб ўтириб ёки бир оёқни кўтариб (тиззани букиб) ейлик. Худди шундоқ ухлаш учун ётсак, ўнг ёнгбош тарафга қараб ётайлик, бу Расулуллоҳ соллаллоҳу алайҳи васалламнинг суннатларидир. Айни шундай ҳар ишни қалбда бу Аллоҳнинг Ҳабибининг суннати деб ҳозир қилиб қилайлик. Бир неча кун шундай қилиб олсин, шунда у комил валий бўлиб кетишига, мен масъулман. فاتبعوني
“Бас, менга эргашинг“нинг маъноси айнан шудир.

Манбалар асосида “Ҳазрати Али” жоме масжиди имом ноиби Абдулқаййум Комил таржима тайёрлади

Ҳар бир замонда баркамол авлодни тарбиялаш ўзига хос хусусият ва аҳамият касб этган. Ҳозир ҳам миллати, ватани, дини учун хизмат қилиб келаётган, ана шундай шарафли хизматларни қилиб, ватан равнақига хисса қўшаман деб таълим даргоҳларида ўқиётган ёшларимиз борки, биз улар билан фахрланамиз, қалбимиз ғурурга тўлади.

Ана шундай таълим даргоҳларидан бири бўлган, ўз фаолияти давомида қанчадан-қанча аҳли-илмлар, қориларни етиштирган “Саййид Муҳйиддин махдум” ўрта махсус ислом билим юртида ҳозирда 123 нафар талаба таълим олмоқда. Уларга шариат илмлари билан бир қаторда дунёвий илмлар ҳам пухта ўргатиб борилади. Ҳар йили Ўзбекистон мусулмонлари идораси тасдиқлаган ўқув режага асосан ўқув дарслари 2-сентябрдан бошлаб, ёзда тугатилади. Қишда эса бошқа таълим даргоҳлари қатори бу ердаги талабалар ҳам қишқи таътилларга чиқарилиб, дам олиш кунлари белгиланади.

Жорий 2017-18 ўқув йилининг қишқи таътил кунлари 2017 йилнинг 28 декабрдан 2018 йилнинг 9-январигача белгилангани муносабати билан 26 декабрь куни билим юрти мудири М.Алимов бошчилигида билим юрти мударрис ва талабалари иштирокида йиғилиш ўтказилди. Йиғилишда 2017-18 ўқув йилининг 1-ярим йиллик дарс жараёнлари таҳлили, ютуқ ва камчиликлар муҳокама қилинди. Билим юрти ўқув жараёни давомида ҳар ойда ўтказилаётган турли фанлардан ташкил топган фан ойликлари, мусобақа ғолибларига билим юрти томонидан фахрий ёрлиқлар ва ҳомийларни жалб қилган ҳолда совғалар топширилди. Шунингдек йиғилиш давомида қишги таътил даврида талабалар амал қилиши керак бўлган тартиб қоидалар тушунтириб ўтилди.

Куни кеча Тошкент вилоят ҳокимлиги ташаббуси билан “Умра-2018” мавсуми зиёратчилари ҳамда илгари турли диний оқимлар таъсирига тушиб қолгани сабабли озодликдан маҳрум этилган ва тўғри йўлни англаб етгани эътиборидан авф қарори асосида озодликка чиқарилган фуқароларимиз учун юртимизнинг энг табаррук ва тарихий масканларига бой бўлган Самарқанд вилоятига икки кунлик зиёрат ташкил этилди.

Улар биринчи кунларини “Имом Бухорий” ёдгорлик мажмуасида муҳаддислар султони бўлган Имом Бухорий раҳимаҳуллоҳнинг марқадини зиёрат қилиш билан бошлади. Ўз навбатида ушбу масканда амалга оширилган қурилиш, ободонлаштириш ва кўкаламзорлаштириш ишлари билан танишдилар.

Бугун эрта тонгдан биринчи Президентимизнинг мақбарасини зиёрат айлаб, у кишининг ҳақларига хайрли дуолар қилдилар. Шундан сўнг Регистон майдонидаги қадимий мадрасалар томон йўл олишди. Улар бугун “Гўри Амир” ва бошқа қадамжоларни томоша қилиб, сафарини Самарқанднинг юраги бўлган Мирзо Улуғбек расадхонаси ва музейида якунлайдилар.

Зиёратчилар учун барча қулайликларга эга бўлган меҳмонхона, зиёрат ишларига оид мутахассис ходимлар, юмшоқ ўринли автобуслар ҳамда ЁПХ ходимлари бириктирилган.

Зиёратга масъул бўлган И.Достоновдан зиёрат юқори кайфиятда ўтгани, зиёратчиларнинг кайфияти аъло даражадалиги, хусусан,  ташкил этилган ушбу сафар умра зиёрати олдида турган фуқароларимиз учун беназир совға бўлгани, авф қарори асосида озодликка чиқарилган фуқароларимиз эса юртимизда амалга оширилган бундай эзгу ишлардан мамнун экани ҳақида маълумот олдик.