www.muslimuz
Шавкат Мирзиёев: масжидлар кенг ва маҳобатли бўлиши лозим
Президентнинг кўрсатмасига мувофиқ Имом Бухорий мажмуасини реконструкция қилиш ва кенгайтириш кўзда тутилган. Симметрик тарзда иккита масжид ва тўртта минора қуриш, йўлдан кириб келишда ҳиёбон, унинг атрофида кичик меҳмонхоналар ва битта йирик меҳмонхона, бошқа инфратузилма объектларини бунёд этиш режалаштирилган.
Жорий йилнинг 26 август куни Ўзбекистон Президенти Шавкат Мирзиёев Имом Бухорий мажмуасини Ўзбекистон мусулмонлари идораси раиси, муфтий Усмонхон Алимов ҳазратлари ҳамрохлигида зиёрат қилдилар. Имом Бухорий мажмуасида Қуръони карим тиловат қилиниб, дуо қилинди. Ушбу мажмуани реконструкция қилишга оид таклифлар билан танишдилар.
«Бу жой Имом Бухорий бобомизнинг илмига, ислом оламидаги мақомига муносиб бўлиши керак. Масжидлар кенг ва маҳобатли бўлиши лозим. Деворларга саҳиҳ ҳадислардан лавҳлар ёзиб қўйилса, мажмуанинг мазмуни янада бойийди, ёшларга билим, маънавий озуқа беради. Мамлакатимизда зиёрат туризмининг асоси аслида шу ер. Бу масканга қанча зиёратчилар келсаям, қулай шароит бўлиши зарур», — деди Президент.
Шавкат Мирзиёев мажмуа реконструкциясини шошмасдан, чуқур ўйлаб лойиҳалаштириш, хориж тажрибасини ўрганиб, зиёратчиларга янада кўп қулайлик яратиш зарурлигини таъкидлади.
Мажмуадаги ишлар мамлакатда илм-маърифатни ривожлантириш, динга эътиқод қилувчиларга эркинлик ва шароит яратиш борасида навбатдаги хайрли қадам бўлади.
Ўзбекистон мусулмонлари идораси Матбуот хизмати
Индонезия президенти пойтахт Жакартадан кўчирилишини эълон қилди
Индонезия пойтахти Жакартадан Калимантан оролининг жануби-шарқий қисмига кўчирилади. Бу ҳақда 26 август куни мамлакат президенти Жоко Видодо жонли эфирда маълум қилди.
Пойтахтни кўчириш учун қарийб 32 миллиард доллар сарфланиши кутилмоқда, асосий ишлар 2021 йилда бошланади. Режалаштириш ва миллий ривожланиш вазири Бамбанг Брожонегоронинг таъкидлашича, расмийлар 2024 йилга келиб ҳукумат янги пойтахтга кўчиб ўтишини кутмоқда.
Калимантан сейсмологик жиҳатдан хавфсиз ҳудудда жойлашган бўлиб, бу дунёдаги энг катта Индонезия архипелаги ҳисобланади. Мазкур ҳудуд 18 минг оролдан ташкил топган.
Ҳозирги пойтахтда шаҳар инфратузилмасининг етарли даражада ривожланмаганлиги билан боғлиқ жиддий муаммолар мавжуд.
Uber компанияси тадқиқотларига кўра, ҳайдовчилар йилига 22 кунни Жакартадаги тирбандликда ўтказади, бу эса Осиёдаги энг баланд кўрсаткичдир. Бундан ташқари, Inrix ҳисоботига кўра, шаҳар дунёнинг энг банд шаҳарлари рейтингида 12-ўринни эгаллайди.
Bloomberg Жакарта шаҳрининг бешдан икки қисми денгиз сатҳидан паст бўлгани сабабли том маънода чўкаётганини қўшимча қилди. Кўп сонли тирбандликлар сабабли, меҳнат унумдорлигини йўқотиш йилига тахминан 7 миллиард долларни ташкил қилади.
Видодонинг фикрича, пойтахтни бошқа жойга кўчириш архипелагдаги даромадлар тенгсизлигини бартараф этишга ёрдам беради. Жава аҳолиси Индонезия аҳолисининг қарийб 60 фоизини ташкил қилади ва унинг ялпи ички маҳсулотининг 58 фоизини таъминлайди.
Аҳолининг атиги 5,8 фоизи Калимантанда истиқомат қилади ва ЯИМнинг 8,2 фоизини ташкил қилади. Оролда замонавий аэропортлар ва яхши йўллар, шунингдек, ичимлик суви мавжуд. Расмийлар асрлар давомида пойтахт бўлиб хизмат қилиши мумкин бўлган замонавий, ақлли ва яшил шаҳар қуришни режалаштирмоқда.
Жакартага келсак, шаҳар яшаш ва ривожланишда давом этмоқда. 2030 йилга келиб унинг аҳолиси 35,6 миллион нафарга етиши кутилмоқда. Бу эса дунёнинг энг кўп аҳолиси бўлган шаҳарга айланишига ёрдам беради. Шаҳар мамлакатнинг асосий тижорат маркази бўлади. Жакартанинг сув остида қолишининг олдини олиш учун расмийлар катта тўлқинлардан ҳимоя қиладиган улкан девор қуришни режалаштирмоқда.
Ўзбекистон мусулмонлари идораси Матбуот хизмати
“Нобель” мукофотини олишдан бош тортган аллома
Британиялик астроном олим Жеймс Жинс ҳиндистонлик мусулмон аллома Иноятуллоҳ Машриқийнинг إِنَّمَا يَخْشَى اللَّهَ مِنْ عِبَادِهِ الْعُلَمَاء (“Аллоҳдан бандалари ичидан фақат олимларигина қўрқарлар”) оятини тиловат қилганини эшитганда, додлаб юборди ва:
“Нима? Нима деяпсан? Аллоҳдан фақат олимлар қўрқадилар? Ажабланарли! Жуда ажойиб-ку! Ахир бу (яъни, Аллоҳдан фақат олимлар қўрқиши) эллик йиллик изланишларим натижасида аниқлаган нарсам-ку! Муҳаммадга бу ҳақиқатнинг хабарини ким берган? Ушбу оят ростдан ҳам Қуръонда борми? Агар шундай бўладиган бўлса, унда мен гувоҳлик бераманки, албатта, Қуръон Аллоҳнинг ҳузуридан унга (Муҳаммадга) ваҳий қилинган китобдир!” деди.
Хўш, Иноятуллоҳ ким эди?
Аллома Иноятуллоҳ Машриқий 1888 йилда Ҳиндистоннинг Амритсар шаҳрида туғилган. У 18-19 ёшларида математика фани бўйича магистрлик дипломига эга бўлади. У Ислом олими, математик ва сиёсатшунос сифатида фаолият юритади.
Олим 30 ёшга етганда, Қуръони Каримни аниқ ва табиий фанлардан фойдаланиб тафсир қилишга киришади ва 36 ёшида тафсир китобининг биринчи жилдини якунига етказади. Ишни битиргач, Нобель мукофотини бериш бўйича ҳайъат уни ҳам Нобель мукофотига номзодлар рўйхатига киритади. Мукофотни бериш учун ёзган тафсирини инглиз ёки француз тилига таржима қилишини шарт қилиб қўйишади. У тафсирни урду тилида амалга оширган эди. Олим ҳайъатнинг шартини эшитгач, «Урду тилини ҳурмат қилмайдиган мукофотни олишни истамайман» дея уни олишдан бош тортади.
1963 йилда Покистоннинг Лаҳор шаҳрида вафот этган.
Интернет маълумотлари асосида Нозимжон Ҳошимжон тайёрлади
Шавкат Мирзиёев Имом Бухорий мақбарасини зиёрат қилди
Президентнинг кўрсатмасига мувофиқ Имом Бухорий мажмуасини реконструкция қилиш ва кенгайтириш кўзда тутилган. Симметрик тарзда иккита масжид ва тўртта минора қуриш, йўлдан кириб келишда хиёбон, унинг атрофида кичик меҳмонхоналар ва битта йирик отель, бошқа инфратузилма объектларини бунёд этиш режалаштирилган.
Давлатимиз раҳбари бугун мажмуани зиёрат қилиб, уни реконструкция қилишга оид таклифлар билан танишди.
- Бу жой Имом Бухорий бобомизнинг илмига, ислом оламидаги мақомига муносиб бўлиши керак. Масжидлар кенг ва маҳобатли бўлиши лозим. Деворларга саҳиҳ ҳадислардан лавҳлар ёзиб қўйилса, мажмуанинг мазмуни янада бойийди, ёшларга билим, маънавий озуқа беради. Мамлакатимизда зиёрат туризмининг асоси аслида шу ер. Бу масканга қанча зиёратчилар келсаям, қулай шароит бўлиши зарур, - деди Президент.
Шавкат Мирзиёев мажмуа реконструкциясини шошмасдан, чуқур ўйлаб лойиҳалаштириш, хориж тажрибасини ўрганиб, зиёратчиларга янада кўп қулайлик яратиш зарурлигини таъкидлади.
Мажмуадаги ишлар мамлакатимизда илм-маърифатни ривожлантириш, динга эътиқод қилувчиларга эркинлик ва шароит яратиш борасида навбатдаги хайрли қадам бўлади.
ЁЛҒОН – БИР МЎМИНГА ҚИЛИНГАН ХИЁНАТДИР
Ибн Масъуд розияллоҳу анҳу айтадилар: «Расулуллоҳ соллаллоҳу алайҳи васаллам: «Ростгўйликни маҳкам тутинглар. Зеро, ростгўйлик эзгуликка йўллайди, эзгулик эса жаннатга бошлайди. Киши рост гапириш ва ростгўйликка интилишда давом этаверади, натижада Аллоҳ ҳузурида ростгўй деб ёзилади. Ёлғончиликдан сақланинглар. Зеро, ёлғончилик фожирликка (гуноҳкорликка), фожирлик эса дўзахга бошлайди. Банда ёлғон гапириш ва ёлғончиликка интилишда давом этаверади, ниҳоят Аллоҳ ҳузурида ёлғончи деб ёзилади», дедилар» (Бухорий, Муслим, Термизий ривояти).
Навос ибн Самъон розияллоҳу анҳу айтадилар: «Расулуллоҳ соллаллоҳу алайҳи васаллам: «Биродаринг сени тасдиқлаб, сенга ишониб турганида, унга ёлғон гап айтишинг катта хиёнатдир», дедилар» (Аҳмад ривояти).
Яна бир муборак ҳадисларнинг бирида айтилишича, мусулмоннинг мусулмонга қилган хиёнати ёлғон гапириш билан содир этилар экан. Бунда бир мўмин бошқа бир мўминга – биродарига у унга ишониб турганида уни алдайди, сўзласа ёлғон сўзлайди. Бундан унинг қалби оғринади, ихлоси сўнади баъзан биродарлик алоқалари узилиши ёҳуд биродарига нисбатан ишонч қайтмаслиги мумкин. Мана шуни назарда тутиб ҳам ёлғон – хиёнатга тенгдир, деб зикр қилинган бўлса ажаб эмас.
Ёлғон гапириш, ёлғон кўрсатма – гувоҳлик бериш тилдан етиши мумкин бўлган бандаларга энг оғир зарар берувчи амал ҳисобланади. Ёлғон – гуноҳи кабирадир. Роббисига кабира гуноҳлар билан йўлиқмаган бандани Аллоҳ азза ва жалла марҳамат қилса, Ўзи истаган қулидангина уни кўтариши мумкин-у, аммо кабира гуноҳларни давомий қилиб юрган бандаси ҳақида ваъда бермаган.
Ғийбат сўз ҳам, тўхмат сўз ҳам аввало ёлғон гапириш орқалигина содир бўлади. Ғийбатни қанчалар оғир гуноҳлиги ҳақида унинг даражаси зино қилгандан ҳам юқорироқ эканлигига аҳамият берадиган бўлсак, ғийбат сўзлар кўп ҳолларда айнан мана шу ёлғон гувоҳлик беришлар орқалигина юзага келишини кўришимиз мумкин. Биз тилимизни ёлғондан тийсак, жазоси сўнгсиз азоб бўладиган ғийбатнинг ҳам, тўхматнинг ҳам, чақимчиликнинг ҳам олдини олган бўламиз. Бунда ҳам бир инсоннинг қалбига озор етмайди, ҳам арзимаган бир гап деб жамоат орасида обрўйимиз тўкилмайди. Аллоҳ наздида ҳам даражамиз кўтарилади, ҳам ёлғон гапиришимиз мумкин бўлган бир вақтда ростини айтиб, савоб ва ажрларга эга бўламиз иншааллоҳ!
Аллоҳ таоло айтади:
«Шак-шубҳа йўқки, Аллоҳ ёлғончи ва кофир кимсаларни ҳидоят қилмас» (Зумар сураси, 3).
«Албатта, Аллоҳ исрофчи ва каззоб бўлган шахсни ҳидоят қилмас» (Ғофир сураси, 28).
Яъни, Аллоҳ ёлғончи ва кофир кимсани ҳақ динга йўллаб қўймайди. У ҳаддан ошиб залолатга ботган ва У зот шаънига ёлғон тўқийдиган кимсани ҳидояти - иймонга, муваффақ қилмайди.
Иймон тушунчаси фақатгина мусулмонларга эмас, ҳар бир бандасига бериладиган улуғ неъмат ҳисобланади. Банда дунёга келиб, ўзи умри давомида топгани энг буюк ризқ бу – иймондир. Ўз – ўзидан юқоридаги оятлардан англашиладики, бир банда ростгўй бўлса, унга мусулмон бўлиш шарафи насиб этиши билан биргаликда, иймон ҳам қалбга ўрнашар, ростгўйлиги сабабидан Аллоҳнинг назарига тушар экан. Тасаввур қилинг, шунинг акс ҳолати бўлса, аслида у мусулмон бўлсада нимадир “сабаб” бўлиб ёлғонни касб этиб олиб, тавбани кечиктириб, бунда бардавом бўлгудек бўлса ўзи учун берилган иймон неъмати ва унинг нуридан мосуво бўлиши ҳам мумкин экан.
Ўзининг ҳақ каломида келтирилган қуйидаги оятга диққат қилайлик:
«Ёлғон сўзларни ҳам фақат Аллоҳнинг оятларига иймон келтирмайдиган кимсаларгина тўқирлар. Ана ўшалар ёлғончидирлар» (Наҳл сураси, 105).
Яъни, Аллоҳга ва оятларига иймон келтирмаган кимсагина У зот шаънига ёлғон тўқийди. Чунки у азобга дучор бўлишидан қўрқмайди. У ҳақиқий ёлғончидир. Ёлғон гапириш улкан жиноят бўлгани боис, мўмин унга яқинлашмайди.
“Яхши билан юрсанг етарсан муродга, Ёмон билан юрсанг қоларсан уятга” деган ҳикматли сўз бор халқимизда. Буюк Аршнинг соҳиби бўлган Аллоҳ азза ва жалла ёлғон гапиришнинг оғир гуноҳлигини ва унга мўмин бўлганлар яқинлашмаслигини уқтиради. Шундай экан, банда дўст танлашда ҳам эҳтиёткор бўлмоғи лозим экан. Мўмин киши нафақат ёлғондан узоқ туриши, балки ёлғончи кимсаларга ҳам яқин бўлмаслиги керак экан. Албатта, мусулмонга ҳамма амални ҳам, ҳамма нарсанинг ҳам энг аълоси, яхшиси ярашади.
Меҳрли ва раҳмли бўлган Аллоҳ таоло барчамизни гуноҳ амалларни қилишдан, уларга яқин бўлиб Унинг розилигини тополмай қолишимиздан паноҳ берсин,, Ўзи рози бўладиган ишларга йўллаб, қалбларимизни гўзал, хайрли ишларга илҳомлантириб қўйсин. Амин Я Роббил Аъламин.
(Давоми бор...)
Вилоят бош имом хатиби: Т.Рўзиев
Видеолавҳалар
