Мамлакатимизнинг АҚШдаги элчихонаси ва Нью-Йоркдаги Бош консулхонаси ташаббуси билан Ўзбекистон мусулмонлари идораси масъул ходимларидан иборат делегация Филадельфия шаҳрига ташриф буюрди ва муқаддас Рамазон ойига бағишланган қатор маъросимларда, жумладан, ифторлик, таробех намози ва Хатми Қуръон тадбирларида қатнашди, деб хабар бермоқда «Дунё» АА мухбири

Мамлакатимизнинг Вашингтондаги элчихонасидан олинган маълумотга кўра, ифторлик маъросими Филадельфия шаҳрида жойлашган «Isabet» Ислом ўқув марказида 800 дан ортиқ ватандош иштирокида ўтказилди. Ўзбекистоннинг АҚШдаги элчиси Жавлон Ваҳобовнинг Рамазон ойи муносабати ватандошларга йўллаган мурожаати ўқиб эшиттирилди. Унда сўнги йилларда юртимизда янги давлат ва жамият қуриш учун тарихий ишлар амалга оширилаётганига алоҳида эътибор қаратилди. Янги Ўзбекистонда демократия, инсон ҳуқуқ ва эркинликлари борасида умумэътироф этилган тамойилларга қатъий амал қилган ҳолда, давлат ва жамиятнинг сиёсий-ҳуқуқий, ижтимоий-иқтисодий ва маънавий-маърифий илдизлари мустаҳкамлананаётгани таъкидланди.

Бундан ташқари, ватандош уюшмалар билан кўп қиррали ишлар олиб борилаётганига алоҳида тўхталиб, уларнинг Ўзбекистоннинг АҚШдаги мавқеини ошириш, миллатимизнинг урф-одатлари ва анъаналари, юртимизнинг бой илмий, маданий ва маънавий меросини кенг тарғиб қилиш ва оммалаштиришга қўшиб келаётган ҳиссаси учун миннатдорлик билдирилди.

Шундан сўнг Ўзбекистон мусулмонлари идораси вакиллари томонидан юртимизда сўнгги йилларда диний соҳада амалга оширилаётган ишлар, фуқароларимиз диний эркинликларини таъминлаш йўлида ташкил этилган имкониятлар ҳақида сўзлаб берилди.

Тадбир давомида Пенсильвания штатидаги ватандошлар ташкилотлари вакиллари сўзга чиқиб, давлатимиз раҳбари ташаббуси билан янги «Ватандошлар» жамоат фонди ташкил этилгани ватандош уюшмалар билан фаол мулоқот олиб бориш, уларни қўллаб-қувватлаш ва тарихий Ватан атрофида жипслаштириш учун янги имконият очганини қайд этди.

Жумладан, «Skyline realter» компанияси асосчиси ва раҳбари Акмал Холбоев ва «Mubin Transportation» компанияси раҳбари Абдурашид Мўминовнинг айтишича, бу каби тадбирлар хорижий мамлакатларда истиқомат қилаётган юртдошларимиз учун катта эътиборнинг яққол намунасидир. Ватандошларимиз, шунингдек, келгусида ҳам шу каби тадбирларни амалга ошириш Америкадаги юрдошларимизни жипслаштириш, Ўзбекистон ва Америка ўртасидаги муносабатларни мустаҳкамлашга хизмат қилишини билдирди.

Таробиҳ намози ҳам «Isabet» Ислом ўқув марказида ватандошлар иштирокида ўтказилди.

Ушбу маросимда чиқиш қилган Ўзбекистон мусулмонлари идораси масъул ходимлари АҚШ ҳудудида истиқомат қилаётган ватандошларимизнинг ёт ғоя ва турли диний экстремистик ташкилот ҳамда оқимларга тушиб қолмасликлари, анъанавий исломнинг мазмун-моҳияти хақида сўзлаб берди. Янги Ўзбекистонда диний экстремизм ва терроризм таҳдидларига қарши кураш «Жаҳолатга қарши маърифат» улуғвор ғояси остида амалга оширилаётгани алоҳида таъкидланди.

Фарзанд тарбиясида ўзбек урф-одат ва анъаналари, маданиятимиз ва қадриятларимизни сақлаб қолиш, муқаддас Рамазон ойида имкон қадар кўпроқ савобли амалларни бажариш кераклиги айтиб ўтилди.

Шунингдек, ушбу тадбирларда қатнашган ватандошларимизнинг хоҳиш ва истакларини инобатга олган ҳолда савол ва жавоб тариқасида давра суҳбати ташкил этилди. Тадбир чоғида ватандошларимизга анъанавий ислом мазмун-моҳияти ва асосий тамойиллари ҳақида сўзлаб берилди.
22 апрель куни маросимларни ташкиллаштирган ўзбек ватандош жамиятлари вакиллари, Пенсильвания шаҳридаги юртдошлар ҳамда Ўзбекистон мусулмонлари идораси ва дипломатик ваколатхона ходимлари иштирокида саҳарликга бағишланган тадбир ҳам ташкил этилди.

Амалий руҳда ўтган тадбирлар АҚШдаги диаспорал ташкилотлар раҳбарлари ва фаол ватандошлар билан ҳамкорликни янги поғонага кўтаришга хизмат қилгани таъкидланди, ватандошлар ўртасида Ўзбекистон мусулмонлари идораси вакилларини жалб қилган ҳолда маънавий-маърифий тадбирларни ташкил қилиш хусусида келишиб олинди.

Ўзбекистон мусулмонлари идораси вакилларининг навбатдаги манзили «Юртдош Ўзбекистон – Америка» ассоциацияси, «Питтсбургдаги ўзбеклар жамияти» ташкилотлари раҳбарлари ва фаоллари Филадельфия шаҳрида бунёд этаётган янги «Масжид Ал-Бухори» ислом маркази ва масжиди бўлди. Ушбу манзилда ҳам ватандошлар билан қизиқарли учрашув ва маънавий-тарбиявий мавзуда суҳбат бўлиб ўтди. Шундан сўнг, Ўзбекистон уламолари юртдошларимиз илтимосига биноан янги масжид қурилиши учун таъмал тошини кўйиш маросимида қатнашди.

Ташкилотчиларнинг маълум қилишича, ушбу мажмуа нафақат ватандошларимизнинг диний эҳтиёжларига жавоб бериш, никоҳ ўқитиш ва бошқа тадбирларни ўтказишга мўлжаллаган, балки у Пенсильвания штатида оғир аҳволга тушиб қолган юртдошларимиз учун ёрдам берувчи ижтимоий ташкилот бўлиши ҳам кутилмоқда.

Ўзбекистон мусулмонлари масъул ходимлари янги масжид барпо этиш бўйича тегишли маслаҳатлар берди.

Ўзбекистон мусулмонлари идораси матбуот хизмати

Шайх Муҳаммад Содиқ Муҳаммад Юсуф раҳимаҳуллоҳ

Ҳар йили муборак Рамазон ойида юртимиз оммавий ахборот воситаларида таниқли ва воиз уламоларнинг илмий-маърифий чиқишлари салмоғи янада ортади.

Ана шундай гўзал суҳбатлардан бири “Маҳалла” телерадиоканалининг “Маърифат чироқлари” радио лойиҳаси доирасида махсус дастур узатилмоқда.

Ушбу дастур журналист Умида Ғаффорова бошловчилигида шайх Муҳаммад Содиқ Муҳаммад Юсуф ҳазратлари тўғрисида махсус эшиттиришни, шунингдек, шайҳ ҳазратнинг ўғиллари Исмоил Муҳаммад Содиқ, шогирдлари Ҳасанхон Яҳё Aбдул Мажид ва Муҳаммад Диёр Турсун ҳамда ёзувчи Aкром Маликнинг суҳбатини тинглаб баҳраманд бўлишингиз мумкин.

Мазкур маърифий эшиттиришни қуйидаги ҳаволалар орқали тингланг:

http://mp3.muslim.uz/radio/MARIFAT_CHIROQLARI-04_04_22.mp3 

http://mp3.muslim.uz/radio/MARIFAT_CHIROQLARI-06_04_22.mp3 

http://mp3.muslim.uz/radio/MARIFAT_CHIROQLARI-08_04_22.mp3 

http://mp3.muslim.uz/radio/MARIFAT_CHIROQLARI-11_04_22.mp3

 
http://mp3.muslim.uz/radio/MARIFAT_CHIROQLARI-13_04_22.mp3 

http://mp3.muslim.uz/radio/MARIFAT_CHIROQLARI-15_04_22.mp3 

http://mp3.muslim.uz/radio/MARIFAT_CHIROQLARI-18_04_22.mp3 

Aллоҳ таоло ушбу дастурни халқимизга манфаатли қилсин!

Рамазон ойини биз билан янада файзли ўтказинг!

Ўзбекистон мусулмонлари идораси Матбуот хизмати

Муборак Рамазон ойида мамлакатимизнинг Вашингтондаги элчихонаси томонидан Оқ уй, Давлат департаменти, Мудофаа вазирлиги, Халқаро тараққиёт агентлиги (USAID), Америка Қўшма Штатларида кенг тарқалган дин ва конфессиялар вакиллари хамда Ўзбекистон мусулмонлари идорасининг аъзолари иштирокида ифторлик уюштирилди, деб хабар бермоқда “Дунё” АА.

Маросимда, хусусан, АҚШнинг Халқаро диний эркинлик бўйича комиссияси (USCIRF) раиси Надин Маенза, Шимолий Америка Ислом ҳамжамияти собиқ президенти Сайид Сайид, АҚШнинг диний эркинлик бўйича махсус махсус топшириқлар бўйича собиқ элчиси Девид Саперштейн, Глобал фаолият институти (IGE) раҳбари Крис Сипл, АҚШнинг шарқий соҳилидаги энг йирик Ислом маркази - «АДАМС» вакили Сайид Моктадир ва бошқалар ҳозир бўлди.

Ифторлик аввалида элчи Жавлон Ваҳобов меҳмонларга мамлакатимизда анъанавий Ислом қадриятларини авайлаб асраш ва тарғиб этиш ҳамда Ўзбекистонда диний эркинликларни таъминлаш борасида ҳаётга тадбиқ этилаётган чора-тадбирлар ҳақидаги маълумотларни ўртоқлашди. Тадбир давомида иштирокчиларга халқимизнинг бағрикенглик анъаналари, жумладан, муқаддас Рамазон ойининг Ўзбекистондаги барча дин ва конфессиялар вакиллари билан биргаликда ҳурмат ва эҳтиром руҳида кенг нишонланиётгани ҳақидаги маълумотлар ҳам тақдим этилди.

Тарихан кўп миллат ва элатлар вакиллари истиқомат қиладиган мамлакат бўлган Ўзбекистон бугун Ислом ва бошқа динлар бирдек ривожланаётган дунёвий давлат ҳисобланади. Шу боисдан мамлакатимиз ҳукуматининг фикр, эътиқод ва дин эркинлигини ҳимоя қилиш ва тарғиб этиш, ёшларни инсонпарварлик руҳида тарбиялаш ҳамда жаҳолатга қарши маърифат билан курашиш тамойили асосида амалга ошираётган ишларига ҳам алоҳида эътибор қаратилди.
Ифторда сўзга чиққан Халқаро диний эркинлик бўйича АҚШ комиссияси (USCIRF) раиси Н.Маенза бир неча кун аввал Ўзбекистонга бориб, расмийлар, фуқаролик жамияти вакиллари ва диний етакчилар билан учрашиш имконига эга бўлганини маълум қилди.

– Ўзбекистон сўнгги тўрт йил ичида қандай ижобий ва сезиларли ўзгаришларга эришганини ҳамда диний эркинлик учун янада очиқ шарт-шароитлар сари интилаётганини кўришдан мамнун бўлдим, - деди комиссия раҳбари. - Диний ташкилотларни рўйхатга олиш, диний эътиқод эркинлиги тўғрисидаги қонун ҳужжатларини янада такомиллаштириш бўйича давом этаётган мулоқотлар бизни руҳлантирди. Ўзбекистон ҳукумати билан йўлга қўйилган мулоқот мамлакатнинг ислоҳот ва ўзгаришларни янада илгари суриш йўлида катта мақсадни кўзлаганини кўрсатди. “Декларациялар мулоқоти” халқаро форумида иштирок этиш учун май ойида Ўзбекистонга бўладиган навбатдаги сафаримни интиқлик билан кутмоқдаман.

Шимолий Америка Ислом ҳамжамияти собиқ президенти, доктор С.Саййид Ўзбекистон асрлар давомида маърифий Ислом марказларидан бири, саҳиҳ ҳадислар тўплами муаллифи, Ислом илоҳиётчиси Имом ал-Бухорий туғилган маскан бўлиб келганини қайд этди. У Америкада шаклланаётган мусулмон жамияти Ўзбекистон билан ўзаро алоқаларини кенгайтириши зарур эканлигини таъкидлади. Шу нуқтаи назардан, Шимолий Америка Ислом ҳамжамияти собиқ раҳбари АҚШда Мериленд штатидаги Индонезия Мусулмон жамияти ассоциацияси (ИМАМ) Ислом маркази ёки Туркия ҳукумати кўмагида ташкил этилган Диёнат марказига ўхшаш Ўзбекистон Ислом марказини ташкил этиш таклифини илгари сурди.

Глобал фаолият институти (IGE) раҳбари К.Зейпл ушбу тадбирга таклиф этилгани учун миннатдорлик билдирар экан, бир неча дин вакиллари ўзаро аҳилликда яшаётган Ўзбекистон тажрибаси бошқа мамлакатларга диний эркинликларни таъминлаш модели сифатида ўрнак бўлиши мумкинлигини таъкидлади.

– Шунинг муносабати билан 2022 йил май ойида Глобал фаолият институти Ўзбекистон ҳукумати билан биргаликда “Декларациялар мулоқоти” халқаро форумини ўтказишни мўлжалламоқда, - деди у. - Тадбир дунёга Ўзбекистон мусулмонлар ва насронийлар, биринчи навбатда, руҳонийлар ва имомлар ўртасидаги конфессиялараро мулоқот ўрнатилган давлатнинг намунаси эканлигини яна бир бор намоён этади. Бундан ташқари, халқаро форум давомида олим ва экспертлар диний саводхонликни ошириш, эътиқод эркинлигини таъминлаш, шунингдек, Ўзбекистон ислом меъморчилиги масалаларини ҳам муҳокама қилишади.

Диний эркинлик бўйича собиқ махсус элчи Д.Саперштейннинг фикр билдиришича, “Ўзбекистоннинг бой мусулмон, насроний ва яҳудий тарихи борлигини бир дастурхон атрофига турли динлар вакилларини тўплаган мазкур ифторлик тадбири яна бир бор тасдиқлади. Биз ўзаро ҳамкорлик қилсак ва биргаликда ишласак, эзгуликларни бир-биримиз билан баҳам кўрсак ёрқин ва янги келажакни яратамиз”, деди у.

Тадбир доирасидаги ўзаро суҳбат чоғида Америка Қўшма Штатларидаги энг қадимий масжид – “Масжит Муҳаммад” имом-хатиби Толиб Шариф ушбу ифторлик алоҳида ва ғоят муҳим воқеа бўлганини, чунки ушбу тадбир муқаддас Рамазон ойида Исломнинг инсонпарварликни илгари сурувчи дин эканлигини яна бир бор намоён этганини таъкидлади. “Кўп асрлик тарихи Ислом тарихи билан чамбарчас боғлиқ бўлган Ўзбекистон имом-хатиблари билан учрашишдан жуда мамнун бўлдим. Бундай учрашувлар икки давлат имом-хатиблари ва уламолари ўртасида ўзаро фикр алмашиш имконини бермоқда. Ўзбекистон ҳукуматининг бу йўлда ташлаётган муҳим қадамларини ҳам олқишлашни истар эдим. Ўзбекистон миллатлараро ва динлараро тотувлик гуллаб-яшнаган дунёвий давлатнинг намунаси бўлиб қолмоқда”, деди Америка масжиди раҳбари.

Ўз навбатида, етакчи таҳлилий марказ ҳисобланадиган АҚШ Тинчлик институти (USIP) эксперти, Давлат департаментининг диний озчиликлар бўйича собиқ махсус маслаҳатчиси Нокс Темза ҳам Ўзбекистонда диний эркинликларни таъминлаш борасида салмоқли муваффақиятларга эришилганини қайд этди. Унинг сўзларига кўра, “Президент Ш.М.Мирзиёев раҳнамолигида Ўзбекистонда қонунчилик, диний ташкилотларни рўйхатга олиш соҳасида жиддий ислоҳотлар амалга оширилди. Бундан атиги беш йил аввал ақл бовар қилмайдиган ишларнинг аксарияти бугунги Ўзбекистонда ҳақиқий воқеликка айланди. Мен эса Ўзбекистоннинг келажакда бундан ҳам юксак муваффақиятларга эришинини кутиб қоламан”, деди у.

Ўзбекистон мусулмонлари идораси матбуот хизмати

Ўзбекистон мусулмонлари идораси раиси, муфтий

Нуриддин домла ҳазратлари