muslim.uz

muslim.uz

Примов Соатмурот Ураловичнинг исломшунослик фанлари бўйича фалсафа доктори (PhD) диссертацияси ҳимояси тўғрисида

“Aбу Шакур Кеший “Тамҳид” асарининг мотуридия таълимоти ривожида тутган ўрни” мавзусида тадқиқотчи Примов Соатмурот Ураловичнинг 24.00.01 – Ислом тарихи ва манбашунослиги ихтисослиги доирасида исломшунослик фанлари бўйича фалсафа доктори (PhD) илмий даражасини олиш учун ёзилган диссертация иши ҳимояси Ўзбекистон халқаро ислом академияси ҳузуридаги Илмий даражалар берувчи DSc.35/30.12.2019.Исл/Тар/Ф.57.01 рақамли Илмий кенгашнинг 2021-йил 30-ноябр куни соат 10:00 даги мажлисида бўлиб ўтади.

Илмий раҳбар — тарих фанлари номзоди, доцент Оқилов Саидмухтор Сайдакбарович. Расмий оппонентлар — тарих фанлари доктори (DSc), доцент Мухамедов Неъматулло Aсатуллайевич, тарих фанлари номзоди, доцент Зиёдов Шовосил Юнусович. Етакчи ташкилот — Ўзбекистон Республикаси Фанлар академияси Aбу Райҳон Беруний номидаги Шарқшунослик институти.

Диссертация автореферати билан қуйидаги ҳавола орқали танишиб чиқишингиз мумкин:

Илмий кенгаш офлайн/онлайн тарзда ZOOM платформаси орқали ўтказилади.

ZOOM ҳаволасига уланиш

Конференция идентификатори: 812 6022 2490

Кириш коди: 879020

Манзил: 100011, Тошкент шаҳри, Aбдулла Қодирий кўчаси, 11-уй, Ўзбекистон халқаро ислом академияси, A бино, 2-қават, 209 хона.

Тел.: (99871) 244 00 56, Факс: (99871) 244 00 65

e-mail: Этот адрес электронной почты защищен от спам-ботов. У вас должен быть включен JavaScript для просмотра.

***

Иноятов Aзизхўжа Хайруллойевичнинг исломшунослик фанлари бўйича фалсафа доктори (PhD) диссертацияси ҳимояси тўғрисида

“Имом Бухорийнинг “ал-Жоме ас-саҳиҳ” асаридаги тафсир илмига оид қарашлари” мавзусида тадқиқотчи Иноятов Aзизхўжа
Хайруллоевичнинг 24.00.02 – Қуръоншунослик. Ҳадисшунослик ихтисослиги доирасида исломшунослик фанлари бўйича фалсафа доктори (PhD) илмий даражасини олиш учун ёзилган диссертация иши ҳимояси Ўзбекистон халқаро ислом академияси ҳузуридаги Илмий даражалар берувчи DSc.35/30.12.2019.Исл/Тар/Ф.57.01 рақамли Илмий кенгашнинг 2021-йил 30-ноябр куни соат 11:30 даги мажлисида бўлиб ўтади.

Илмий раҳбар — тарих фанлари доктори, профессор Уватов Убайдулла Мурадович. Расмий оппонентлар — юридик фанлар доктори, профессор Ражабова Мавжуда Aбдуллаевна, тарих фанлари номзоди, доцент Юлдашходжаев Ҳайдархон Хашимхонович. Етакчи ташкилот – Имом Бухорий халқаро илмий-тадқиқот маркази.

Диссертация автореферати билан қуйидаги ҳавола орқали танишиб чиқишингиз мумкин:

Илмий кенгаш офлайн/онлайн тарзда ZOOM платформаси орқали ўтказилади.

ZOOM ҳаволасига уланиш:

Конференция идентификатори: 823 6947 4943

Кириш коди: 159 585

Манзил: 100011, Тошкент шаҳри, Aбдулла Қодирий кўчаси, 11-уй, Ўзбекистон халқаро ислом академияси, A бино, 2-қават, 209 хона.

Тел.: (99871) 244 00 56, Факс: (99871) 244 00 65

e-mail: Этот адрес электронной почты защищен от спам-ботов. У вас должен быть включен JavaScript для просмотра.

Илмий кенгаш котибияти

Ўзбекистон ташқи ишлар вазирининг ўринбосари Фурқат Сидиқов бугун Малайзия ташқи ишлар вазирлиги бош котиби Муҳаммад Шоҳрул Икром Якоб билан видеоконференция шаклида музокаралар ўтказди, деб хабар бермоқда «Дунё» АА.

ТИВ маълумотига кўра, суҳбат чоғида сиёсий, савдо-иқтисодий, таълим, маданий-гуманитар ва туризм соҳаларида кўп қиррали Ўзбекистон-Малайзия муносабатларининг бугунги ҳолати ва ривожлантириш истиқболлари муҳокама қилинди.

Томонлар турли даражадаги бўлажак тадбирлар жадвалини, жумладан, вазирликлараро сиёсий маслаҳатлашувларнинг навбатдаги босқичини ўтказиш масаласини кўриб чиқди.

Халқаро ташкилотлар, хусусан, БМТ, Ислом ҳамкорлик ташкилоти ва бошқа кўп томонлама платформалар доирасидаги ўзаро ҳамкорликни янада фаоллаштириш ҳамда мустаҳкамлаш масалаларига алоҳида эътибор қаратилди.

Мулоқот чоғида Ўзбекистон-Малайзия кун тартибидаги бошқа масалалар юзасидан ҳам фикр алмашилди.

 

Ўзбекистон мусулмонлари идораси матбуот хизмати

Шу кунларда давлатимиз раҳбари ташаббуси остида мамлакатимиз бўйлаб давом этаётган ва кейин ҳам мунтазамлик касб этадиган “Яшил макон” умуммиллий лойиҳаси моҳияти жиҳатидан келажак авлод тақдирига даҳлдорлиги билан аҳамиятли. 10 декабрга қадар дарахт экиш бўйича эълон қилинган долзарб 40 кунлик доирасида Самарқанд вилояти Пайариқ тумани Хўжа Исмоил шаҳарчасида Ўзбекистон мусулмонлари идораси вилоят вакиллиги раҳбарлигида вилоят диний соҳа вакиллари томонидан “Имом Бухорий авлодлари боғи” барпо этилди. 

Мазкур боғ барпо этилиши муносабати билан ўтказилган тадбир аввалида қўй сўйилиб, ўтган аллома аждодларимиз хотирасига бағишлаб Қуръон тиловат қилинди. Вилоят ҳокимлиги мутасаддилари, диний ташкилот ва идоралар ходимлари, вилоят жамоатчилиги вакиллари, Имом Бухорий халқаро илмий тадқиқот маркази жамоаси, Ҳадис илми олий мактаби педагог ходим ва талабалари иштирок этган маросимда вилоят ҳокимининг диний ва жамоат ташкилотлар билан алоқалар бўйича ўринбосари Д.Мамадқулов ва вилоят бош имом-хатиби ўринбосари Хайрулло домла Саттаров сўзга чиқиб, келажакка бебаҳо сармоя тариқасида йўналтирилаётган эзгу ташаббус – “Яшил макон” умуммиллий лойиҳасининг глобал мураккаб экологик вазиятни юмшатиш ва атроф-муҳит мусаффолигини таъминлаш ҳамда инсон саломатлигини мустаҳкамлашдаги юксак аҳамиятини қайд этди. Тадбирда шунингдек, вилоятнинг диний соҳада фаолият юритаётган уч авлод вакиллари томонидан мазкур лойиҳа доирасида яратилаётган боғ ҳаёт фаровонлигига, мўминлар манфаат олишларига, қолаверса, табиатнинг янада кўркам бўлишига муносиб хизмат қилиши алоҳида таъкидланди.

Тадбирдан сўнг, боғ учун ажратилган ҳудудда кўчат ўтқазишга киришилди. Жараён давомида 600 нафарга яқин иштирокчи 1 гектар бўлган ҳудудга 1500 дан зиёд мевали ва манзарали дарахт кўчати ўтқазишди.

Кўчат экиш жараёнида тупроқ унумдорлигига алоҳида эътибор қаратилиб, ер аввало суғоришга тайёр ҳолатга келтирилди. Боғда ўтқазилган кўчатларни парвариш қилиш бўйича алоҳида чора-тадбирлар белгиланди ва масъуллар бириктирилди. Масъулларга дарахтларни парваришлаш билан бирга ҳудудо бодлигини таъминлаш вазифаси ҳам юклатилди.

Мамлакатимиз бўйлаб “Яшил макон” умуммиллий лойиҳаси доирасидаги амалий тадбирлар давом этмоқда.

 

ЎМИ Самарқанд вилоят вакиллиги матбуот хизмати

Вторник, 30 Ноябрь 2021 00:00

Порахўрлик тараққиёт кушандаси

Ориф домла Амонов

"Абдухолиқ Ғиждувоний" масжиди

Бугун, 29 ноябрь куни Ўзбекистон халқаро ислом академиясида Республикамизда фаолият олиб бораётган Қорақалпоғистон Республикаси, Тошкент шаҳар ва вилоятлар ҳамда туман ва шаҳар бош имом-хатиблари учун ташкил этилган малака ошириш ўқувларининг бошланиши муносабати билан тадбир бўлиб ўтди.

Маросимда Ўзбекистон мусулмонлари идораси раиси биринчи ўринбосари Ҳомиджон домла Ишматбеков, Президент админстрацияси масъул ходими Жасур Нажмиддинов, Дин ишлари бўйича қўмита бўлим бошлиқлари Бобомурод Рустамов ва Муҳиддин Ҳакимов, шунингдек, малака ошириш ўқуви тингловчилари қатнашди.

Тадбир Қуръони карим тиловати ва хайрли дуолар билан бошланди. Сўнгра сўзга чиққан нотиқлар “Янги Ўзбекистонда диний соҳа ходимлари олдида турган долзарб вазифалар: муаммо ва ечимлар” йўналишидаги малака ошириш ўқувларини мазмун-моҳияти ҳақида маълумот беришди.

Маълумот учун, шу йил 29 ноябрдан бошлаб Ўзбекистон халқаро ислом академияси ҳузуридаги Малака ошириш марказида малака ошириш ўқувининг биринчи босқичида 100 нафар бош имом-хатиб билим ва малакасини оширади.

Ўзбекистон мусулмонлари идораси матбуот хизмати

Страница 5 из 1010

Видеолавҳалар

Top