muslim.uz

muslim.uz

Бельгиянинг пойтахти Брюсселда мусулмон дунёсида кенг тарқалган эркак исми Муҳаммад бельгияликлар учун анъанавий Жан исмидан оммавийлик бўйича ўзиб кетди.

Statbel статистика агентлиги маълумотларига кўра, 2021 йилда Брюсселда 13 595 киши Муҳаммад исми билан рўйхатга олинган. Mk.ru билдиришича, Бельгия пойтахтида Жан исмли эркаклар, ўтган йилга кўра, фақат 6089 бўлган эди.

Қизиғи шундаки, Брюсселнинг 4,8 минг аҳолиси Муҳаммад исми билан аталиб учинчи ўринни эгаллади. Бироқ умуман Бельгияда, Жан исми ҳали ҳам 65,886 киши кўрсаткичи билан етакчилик қилмоқда. Марк ва Патрик улардан кейинги ўринларда турибди. Муҳаммад исми эса тўққизинчи ўринда (34 862 киши).

Islam-today.ru хабарига кўра, мусулмон исмлари Брюсселдаги энг машҳур аёл исмлари рўйхатида туртибди. Шундай қилиб, 6 155 да туғилган 2021 қизларга Фотима номи берилди. Бу исм учинчи энг кенг тарқалган исмдир. Биринчи ва иккинчи ўринда – Мария (10 486) ва Maри (7 550) исмлари турибди.

Ўзбекистон мусулмонлари идораси матбуот хизмати

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

611. Молик ибн Назла Жашмий розияллоҳу анҳудан ривоят қилинади:

«Набий соллаллоҳу алайҳи васалламнинг ҳузурларига хароб кийимда келдим. У зот: «Молу мулкинг борми?» дедилар. «Ҳа», дедим. «Қайси молу мулкдан бор?» дедилар. «Туядан, қўйдан, отдан ва қулдан», дедим. «Агар Аллоҳ сенга молу дунё берар экан, Аллоҳнинг сенга берган неъматининг ва икромининг асари кўринсин!» дедилар».

Абу Довуд, Насоий, Ибн Ҳиббон ва Ҳоким ривоят қилишган.

612. Абдуллоҳ ибн Амр розияллоҳу анҳумодан ривоят қилинади:

«Расулуллоҳ соллаллоҳу алайҳи васаллам: «Албатта, Аллоҳ Ўз неъматининг асарини бандасида кўришни севади»дедилар».

Термизий ва Ҳоким ривоят қилишган.

613. Мисвар ибн Махрама розияллоҳу анҳумодан ривоят қилинади:

«Расулуллоҳ соллаллоҳу алайҳи васаллам яктак чопонлар тақсимладилар. Махрамага улардан ҳеч нарса бермадилар. Махрама (менга): «Эй ўғлим, мен билан Расулуллоҳ соллаллоҳу алайҳи васалламнинг ҳузурларига юр», деди. У билан бордим. «Кириб, уни менга чақир», деди. Мен у зотни унга чақирдим. У зот устларида яктак чопон билан чиқдилар ва: «Мана буни сен учун олиб қўйган эдик»дедилар». Унга қараб, Махрама рози бўлди».

Бухорий ва Муслим ривоят қилишган.

«Расулуллоҳ соллаллоҳу алайҳи васаллам» китобидан

Ўзбекистон Президентининг «Янги Ўзбекистоннинг 2022–2026 йилларга мўлжалланган тараққиёт стратегияси тўғрисида»ги фармони лойиҳасида жамиятда миллатлараро тотувлик ва динлараро бағрикенглик муҳитини мустаҳкамлашга доир қатор вазифалар белгиланмоқда, деб хабар қилаяпти «Дунё» АА.

Ҳужжатда миллий маданий марказларни давлат томонидан қўллаб-қувватлаш тизимини янада такомиллаштириш чора-тадбирлари қайд этилган. Унга кўра, миллатлараро муносабатлар соҳасида Ўзбекистон Республикаси давлат сиёсати концепцияси изчил амалга оширилади. Қайд этилишича, турли миллат ёшлари учун қўшимча қулай шарт-шароитлар яратиш, уларда фуқаролик бурчини англаш, ватанпарварлик, бағрикенгликка асосланган миллатлараро муомала маданияти юксалтирилади.

Бундан ташқари, хорижий тилларда фаолият юритаётган ҳамда миллатлараро муносабатлар соҳасида давлат сиёсатини ёритаётган оммавий ахборот воситаларини давлат томонидан қўшимча қўллаб-қувватлаш чоралари ишлаб чиқилади.

Фармон лойиҳасида, шунингдек, хорижий мамлакатлар билан дўстлик алоқаларини ривожлантириш мақсадида дўстлик жамиятлари фаолиятини такомиллаштириш назарда тутилмоқда.

 

Ўзбекистон мусулмонлари идораси матбуот хизмати

Наманган шаҳридаги «Яҳёхон Тўра» жоме масжиди имом хатиби

 Нуруллоҳ қори Жамалов

Илҳомжон домла Мадалиев

Страница 11 из 1072

Видеолавҳалар

Top