ЎМИ Матбуот хизмати

Расулуллоҳ соллаллоҳу алайҳи васалламнинг шундай сўзлари бор: "Агар қиёмат бўлиб қолса, биронтангизнинг қўлида хурмо дарахти бўлса, бас, уни экиб олсин". Бошқа бир ривоятда эса: "Ким бир кўчат экса, ундан одам ёки Аллоҳ яратган махлуқотлардан биронтаси еса, бунинг эвазига ўша (кўчат эккан банда)га садақа бўлади", дейилган (Имом Бухорий ривояти). Яъни, Ҳазрати Расули акрам алайҳиссалоту вассалом, мўмин одам яхшиликни кечиктирмаслик керак эканини, қолаверса, биронта кўчат ёки дарахт экиши ортидан, гарчи ўзи фойдаланмаса-да, ўзгалар баҳра олиши боис, унга ҳам ажрлар етиб туришини жуда ҳам нозик ҳикмат бирла етказдилар. Ушбу ҳадисдаги маънолардан келиб чиқиб, бугунги кунда юртимиз узра "Яшил макон" умуммилий лойиҳаси остида бир қанча хайрли ишлар қилинмоқда. Мазкур хайриятлардан руҳланиб, вилояти ҳокимининг Жамоат ва диний ташкилотлар билан алоқалар масалалари бўйича ўринбосари Жамшид Хатамов ва вилоят бош имом-хатиби Мусохон домла Аббасиддиновлар бошчилигида туманимиздаги барча имом-домлалар ва отинойилар, Муборак Рамазон ойида Поп "Мурувват уйида" синиқ кўнгилларга шодлик улашиш мақсадида ифтор уюштириш баробарида, ҳашар ташкил этиб, 100тадан зиёд арча дарахтидан экиб, мўъжазгина боғ барпо қилинди.

Кези келганда айтиб ўтиш керак, қанчадан қанча инсонларнинг меҳнати синган, яхши ниятлар билан барпо этилаётган мана шундай экинзорларга зарар етказиш, мол, қўй ва шу каби чорва ҳайвонларни қўйиб юбориш, ёки экиб қўйилганидан кейин парвариш қилмасдан бепарво бўлиш, мендан кетгунча, эгасига етгунча қабилида иш тутиш бу гуноҳ саналади. Зеро, динимизда инсон ўзига ва ўзгаларга зарар бериши қораланган. Расулуллоҳ соллаллоҳу алайҳи васалламнинг: "Исломда зарар бериш ҳам, зарарланиш ҳам йўқ", деган гаплари мусулмончиликдаги энг улуғ шиорлардан бири ўлароқ, ўзини мусулмонман деган ҳар-бир одамнинг қалбида янграб туриши лозим. Шундай экан, мўмин одам биродарининг меҳнатининг қадрига етиш керак.

Аллоҳ таоло мана шундай гўзал ишларни устида турган халқимизни Ўз паноҳида асрасин!

Қодиржон Умурзаков,
Поп тумани "Муҳаммаджон қори" жоме
масжиди имом-хатиби

Аҳмадхон домла Низомов

Бувайда тумани бош имом-хатиби

“Haj safari uchun sanoqli joylar qoldi!”, “Bizning firma bilan haj qiling!”, “Haj uchun yarim narxni toʻlang!”

Ayni kunlarda ijtimoiy tarmoqlarda shu kabi jimjimador sarlavha ostidagi reklamalar koʻpaymoqda.

Yodingizda tuting! Saudiya Arabistonida Haj amallarini bajarish uchun sizda “Haj-2024” vizasi boʻlishi shart.

Din ishlari boʻyicha qoʻmita
Axborot xizmati

Шу кунларда Жиззах вилояти Шароф Рашидов тумани «Тинчлик» маҳалласи «Малик ота» масжидида диний-маърифий тадбир бўлиб ўтди. Унда диний соҳа вакиллари, имом-хатиблар, маҳалла фаоллари ва қишлоқ аҳолиси иштирок этди.
Қуръон тиловати билан бошланган тадбирда юрт тинчлиги ва «Малик ота» масжидини бунёд этишда хизмат қилган барча мўмин мусулмонлар ҳаққига хайрли дуолар ўқилди.
Шунингдек, имом-хатиблар томонидан яхшиликка чорловчи маърузалар қилиниб, 100 йиллик «Малик ота» масжидининг тарихи, «Малик ота» зиёратгоҳи ҳақида маълумот берилди.
Малик ота масжиди «Бекларсой» қишлоғида яшовчи йигирма уч ёшлик Афоқхон ўғли Парсахон эшон бошчилигида 1923–1924 йиллар давомида қуриб битказилган. Чор атрофи (11,0 х 11,0 метр) қалинлиги 80 см девор бўлиб, ўртага тўртта ҳашамли улкан устумлар ўрнатилган.
Масжид 1997 йил август ойида расмий давлат рўйхатидан ўтказилиб, ўз фаъолиятини янгидан бошлаган. Бу масканда ҳозирга қадар босқичма-босқич тартибда, йилдан-йилга, янгидан-янги қурилишлар давом этиб ва ободонлаштириш ишлари ҳам давом этиб келмоқда.

Ортиқбой ҳожи Ҳазратқулов,
Масжид имом-хатиби ноиби