“Миссионерлик - бирор динга эътиқод қилувчи халқлар орасида бошқа бир динни тарғиб қилишдир. Бундай ҳаракат давлатларнинг ижтимоий-сиёсий, иқтисодий ва маданий ҳаётини издан чиқаради. Яхлит бир халқ ва миллатни парокандаликка олиб келиб, уларни гуруҳ ва табақаларга бўлиб юборади. Оқибатда аҳолининг асрлар оша шаклланиб келган миллий ва диний қадриятлари оёқости бўлишига ва ниҳоят, йўқолиб кетишига олиб келади.

Динидан воз кечган киши исломда муртад ҳисобланиб, унинг барча қилган савоб ишлари йўқ бўлиб кетади, агар, тавба қилиб, йўлидан қайтмаса, жаҳаннам эгаларидан бўлади”, дейди Самарқанд шаҳар “Мурод Авлиё” масжиди имом-хатиби Фаҳриддин Ҳусанов 33-мактаб ўқувчилари билан “Миссионерлик жамият барқарорлигига таҳдид” мавзусида ўтказилган суҳбатда.

Имом-хатиб миссионерлик ҳаракати бугунда янгича йўналиш ва янги технологиялар воситаларида фаолият юритаётганлиги билан хавфли эканлигини айтиб, қуйидагиларни маълум қилди:

“Уйма-уй юриб, «Хушҳабар» етказиш, яъни одамлар билан куннинг долзарб муаммолари ҳақида суҳбатлашиш, уларнинг дардларига қизиқиш билдириш ва ушбу муаммолардан чиқиш йўлларини кўрсатиб беришни таклиф қилиб, ўз ташкилотларига жалб қилиш миссионерликдаги яхши самара берадиган усуллардан бири ҳисобланади.

Миссионерлик келтириб чиқараётган салбий оқибатларни айрим ҳаётий мисолларда ҳам кўриш мумкин.

Хусусан, бизга қўшни бўлган баъзи давлатларда христиан динини қабул қилган кишилар вафот этганда жасадни қабристонга қўйиш билан боғлиқ муаммолар келиб чиқмоқда. Майитнинг мусулмон ота-оналари ўз фарзандларини христиан мозорига дафн этишни хоҳламаганлари, мусулмонлар эса христиан дини вакили жасадини ўз мусулмон биродарлари ётган жойга қўйишни истамаганликлари натижасида келишмовчиликлар юзага келмоқда”, дейди имом-хатиб.

Ўзбекистон мусулмонлари идораси Масжидлар бўлими

Юртимиз бўйлаб янгидан-янги, замонавий кўринишга эга, намозхонлар учун қулай қилиб масжидлар барпо этилаётгани, лозим бўлганлари таъмир этилаётгани ҳақидаги хабарларнинг гувоҳи бўлмоқдамиз.

Хусусан, 2018 йилнинг 5 январида бўлиб ўтган Тошкент вилояти халқ депутатлари кенгашининг навбатдан ташқари сессиясида Президентимиз вилоятдаги таъмирга муҳтож ва авария ҳолатидаги масжидларни аниқлаб, уларни қайта қуриш ва таъмирлаш чораларини кўриш юзасидан кўрсатма бергандилар, шунга кўра 2018 йил 15 февралда Ўзбекистон Республикаси Вазирлар Маҳкамасининг “Муқаддас қадамжолар, зиёратгоҳлар, масжидлар ва қабристонларни ободонлаштириш ишларини самарали ташкил этиш тўғрисида”ги 120-сонли қарори қабул қилиниб, вилоятда жами 29 та жоме масжидларни 2018-2019 йиллар давомида қайта қурилиши белгилаб олинганди.

Ана шу дастурга мувофиқ, бугун – 2019 йилнинг 30 сентябрь куни Бўстонлиқ туманидаги “Мулла Пўлат ота” жоме масжидига дастлабки ғишт қўйиш маросими бўлиб ўтди. “Мулла Пўлат ота” жоме масжиди янги ажратилган жойда, замонавий шарт-шароитлари билан, ибодат қилувчилар учун ҳар томонлама қулай қилиб қайтадан барпо этилади. Тадбир анъанавий тарзда Қуръон тиловати билан бошланди. Масжидга дастлабки ғиштни Тошкент вилояти бош имом-хатиби Хайруллоҳ домла Турматов ҳамда эл ичра ҳурматга сазовор бўлган нуроний отахонлар қўйиб бердилар.

Тадбирда масжид қуришнинг нақадар савобли иш эканлиги, Аллоҳнинг байтларида Қуръон тиловат қилиниши, Аллоҳнинг Каломи ўқилган жойга эса Яратганнинг раҳмати, баракоти ёғилиши таъкидланди.

Ғишт қўйиш маросими шу ишга ташаббускор бўлган, фидокорлик билан меҳнат қилаётган, холис хизматда камарбаста бўлганлар алоҳида эътироф этилди ва тадбир юрт тараққиёти, дин ривожи, мамлакатимиз келажаги, халқимиз фаровонлигини сўраб қилинган хайрли дуолар билан якунланди.

Манба: http://fitrat.uz

Ҳурматли Президентимиз Шавкат Мирзиёевнинг «Ўқитувчи – жамиятдаги энг обрўли касб эгаси бўлиши даркор. Бунинг учун барча чоралар кўрилади. Зеро, жаҳондаги энг ривожланган давлатларда айнан шундай ёндошув туфайли улар жадал тараққий этган.

Устозларнинг изидан ва уларнинг ургатган билимларидан муваффақиятли фойдалана олсак, давлатимиз ривожига ва юртимизнинг барқарор гуллаб-яшнашига  ўз ҳиссамизни қўшган бўламиз.

Устозлар деганда маълум бир соханинг мукаммал эгаси, ҳакийқий билимдони назарда тутилади. Шу боис ҳам илм эгалари устозлар азалдан алоҳида эъзозланиб, ҳурмат қилинади.

Муҳаммад ибн Аҳмад ал-Беруний ўрта махсус ислом билим юртида 1-октябр “Устоз ва мураббийлар куни” муносабати билан билим юрти раҳбарияти ва фахрий устозлар иштирокида байрам тадбири ўтказилди.

Байрам тадбири билим юртининг талабалари томонидан байрамона шукуҳда 7 тилда билим юрти устозлари ва мураббийларига бағишланган байрам табриклари ва сахналаштирилган кўргазмали чиқишлар билан давом эттирилди.

Талаба-ёшлар ўзларининг чиқишларидан фойдаланиб, билим ва кўнликмаларини ўргатиб келаётган устозларига ўзларининг миннатдорчилик туйғуларини билдириб, кележакда ҳам уларга соғлик-саломатлик ва ўзларининг танглаган касблари йўлида чарчамай меҳнат қила беришларига тилак билдириб ўтдилар.

Сунг сўзга билим юртининг устозларидан педагогика фанларининг номзоди, профессор У.Алеуов, педагогика фанлари номзоди Т.Сапаров филология фанлари номзоди Қ.Мамбетов чиқиб, ўзларининг меҳнат фаолияти ва ижодий йўллари тўғрисида айтиб ўтдилар ва сўзларининг сўнгида илм йўлида йуқори чўққиларни забт этишлари ва вақти келиб халқига фойдаси тегадиган мутафаккир устозлар бўлиб этишиб чиқишларига дуолар қилдилар.

Ҳалқимизда Устоз отангдек улуғ деган яхши гап бор. Дарҳақиқат, ота инсоннинг дунёга келишига сабабчи бўлса, устоз унга қандай яшашни ўргатади. Шунинг учун ҳам ёшларга ҳар ҳил билим беришда устозларни эслаш ва иззат-икром билан муносабат этиш ҳар биримизнинг вазифамиздир.

Сўзимизнинг охирида барча устоз ва мураббийларини улуғ аййём билан табриклаб қоламиз.

Билим юрти маънавият ва маърифат

ишлари бўйича мудир ўринбосари. А.Ережепов